Populāri Bībeles panti no Matta 5

Dalīties

Ya ndə da kwa hau hu'u ku təkəsəu kwa mbuya na shala wa, kəl nda nja fiya kyatə chaka'i nyi, aka ga cha mbəl nə dəhə nji'inda ku ki nda. Əngə tanyi tsəu ja, hya ngyar vimbəlmbəl kəhi cha mbəla nə nji, ga nda la'a sə mənakə nda hya kwa məra, nda hətə nyi səli nə Adanə hi nda kya huɗamələm.”

Nahi ngə vimbəlmbəla nə dunəya. Mələm nda kyatə dəgəl, a da kwa mbunda dzə wa.

Njir papa'akur ngə nji'inda na chamər ɗufəu, aka nanda ngə kwa la'a Hyel.

Njir papa'akur ngə nji'inda kwa chim gagaɗa ka nda mər sənda Hyel kwa i, aka nja kwa nyabiya chim kənda.

Kəl ja, naya yo nar hi, nyida ma njir dawa kəhi, hya pətlənya ka nji'inda kwa izza hi.

“Njir papa'akur ngə nji'inda zəndə ɗali kənda ku shanguɗəu, aka təlkur huɗamələm nəkənda nga.

Njir papa'akur ngə nji'inda kwa mər tlər aka ngya mənakə ɗa ku pama nji, aka njo nga nda nguli Hyel.

Njir papa'akur ngə nji'inda kwa tiwi na huɗətla, aka nja kwa fətə nda ɗufəu.

Njir papa'akur ngə nji'inda njo izza təkəra mər sənda Hyel kwa i, aka təlkur huɗamələm nəkənda nga.

Njir papa'akur ngə nji'inda kwa ngatə təhuɗə alenya nji, aka njo ngatə təhuɗə kənda tsəu.

Njir papa'akur hi, ma nji kwa ngəl hi, nda kwa izza hi, nda kwa par hi nya ɗimi, nda kwa tla gəzhi nyandəla hi, aka tləm ɗa. Mər ma hirgyaɗi, aka wazəba kəhi da dəgal ki huɗamələm. Aka əngə tanyi nda izza njir mətakər inda ghəya shili tsahi.”

Njir papa'akur ngə nji'inda na həyakər, aka dunəya kwa ɗa ka nəkənda.

“Nahi ngə wunə nə dunəya. Kəl ja, ma wunə tə choɓwa, tsəu njo nau ɓatlətə səkə wa. A ɗatə ka sə kəla sakəda, kəl nda nja pənda nja dərɓənda.

Aka əngə ja, mənakəkur kəhi cha nyabiyadza, tang wi ngə tə mənakəkur Adanə hi nda kya huɗamələm nyinyinyi.

Sənda ki hyo kina na, na cha ngə, ‘Ah’ a da wa ‘A'a’ ma tə təranda inga, atsa ndə ɗimi nda biya cha.

“A ngatə tə hi ənda nja na, ‘Li a təvəra li, hir a təvəra hir.’ Kəl ja, naya yo nar hi, ngwa hya nda ba'a kisəkur tə ndə nda tə mərtə hi ɗimikur wa. Ma ndə tə zhau nghə mandaɓa təwa chisəm, shandə nyi vanyi tsəu.

Macha lir chisəma ka kwa gwa'atə ka kwa mər səpəla'a, chakubiya ka vakənda, A ndiya nghə təvi ka tar mədlə dzakə zhang, tsa njo vakəu dzakə zum gu hu'u nda pa'a kwa tah. Ma cha chisəma ka kwa gwa'atə ka kwa mər səpəla'a, gəganda ka sənda! A ndiya nghə tə vi ka tar mədlə dzakə zhang tsa njo vakəu dzakə zum gu hu'u nda pa'a kwa tah.