Populāri Bībeles panti no Luk 8

Dalīties

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Ma ne mɔɔ guale mbowule nu la a le bɛdabɛ mɔɔ bɛtie edwɛkɛ ne, na bɛmaa ɛbɛlabɔlɛ nwo adwenleadwenle, anwonyia nee anyelielɛ fo keda edwɛkɛ ne azo la, ɛhye ati bɛ ma ɛnyɛ kpalɛ.

Ma ne mɔɔ guale awolɛ nu la a le bɛdabɛ mɔɔ bɛte edwɛkɛ ne a bɛfa fɛlɛko bɛdie noko ɔnwolowolo bɛ kpalɛ la. Bɛdie bɛdi wɔ mekɛ ekyi bie ala na kɛ sɔnea ba la ɛnee bɛkpo aze.

Akee ɔzele ye ɛdoavolɛma ne kɛ, “Bɛ diedi ne wɔ nienwu?” Na ɔyɛle bɛ azibɛnwo na bɛzulole, na bɛhanle bɛhilele bɛ nwo ngoko kɛ, “Duzu sonla a le ɛhye? Ɔtendɛ a anwoma nee azule bɔbɔ tie ye!”

Mɔɔ guale adenle nu la gyi ɛkɛ ne maa bɛdabɛ mɔɔ bɛtie edwɛkɛ ne, na Abɔnsam baye edwɛkɛ ne wɔ bɛ ahonle nu, amaa bɛanlie bɛanli na bɛanyia ngoane la.

“Debie biala mɔɔ vea la bala ali wienyi; yɛɛ mɔɔ bɛheda zolɛ la anwo bala zolɛ.

Raalɛ ne nwunle kɛ ɔfea ɔ nwo a ɔnyɛ boɛ, yemɔti ɔvale anwowozolɛ ɔradule ɔdɔle Gyisɛse agyakɛ anu, ɔkpale ye edwɛkɛ nwo ɛdanlɛ wienyi wɔ menli ɛwolaa ne anyunlu na ɔhanle deɛ mɔɔ yemɔti ɔvale ɔ sa ɔhanle ye, nee ɔ nwo mɔɔ ɛza ɛkɛ ne ala la noko. Gyisɛse zele ye kɛ, “Me ra raalɛ, wɔ diedi ɛlie wɔ ngoane; kɔ anzonudwolɛ nu.”

Ɛdoavolɛma ne hɔdunwuele Gyisɛse na bɛzele kɛ, “Yɛmenle, Yɛmenle, yɛwie wu!” Gyisɛse dwazole na ɔdeanle ahumu ne nee azule ne mɔɔ ɛyɛ begyebegye la nu, na bɛguale diinyi, na maanle nu gyinlanle.