Populāri Bībeles panti no Luk 6

Dalīties

Bɛmaa bɛ sa ɛdwu awie mɔ anwo zo, na Nyamenle asa adwu bɛdabɛ noko bɛ nwo zo. Nɔhalɛ, bɛkɛnyia ye dɔɔnwo kpalɛ mɔɔ kɛyi bɛ sa a, na ɔkɛbulu zolɛ bɔbɔ. Nzuzulɛ mɔɔ bɛkɛzuzu bɛkɛmaa awie mɔ la yɛɛ Nyamenle bazuzu amaa bɛdabɛ noko a.”

Sonlakpalɛ biala ninyɛne kpalɛ mɔɔ yezie bɛ wɔ ye ahonle nu la finde ye ɛbɛlabɔlɛ nu, yɛɛ sonlatane biala ninyɛndane mɔɔ yezie bɛ wɔ ye ahonle nu la finde ye ɛbɛlabɔlɛ nu. Ɔluakɛ mɔɔ ɛyi sonla ahonle nu tɛkɛɛ la yɛɛ ɔ nloa ka a.

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Bɛ Ze mɔɔ wɔ anwuma la se anwunvɔne, yemɔti bɛdabɛ noko bɛze anwunvɔne.

“Bɛmmabua awie mɔ ndɛne, na Nyamenle ambua bɛ ndɛne; bɛmmabua awie ewule fɔlɛ, na Nyamenle ambua bɛ ewule fɔlɛ. Bɛva ɛtane bɛhyɛ, na Nyamenle ava bɛ ɛtane ahyɛ bɛ.

“Na meka meahile bɛdabɛ mɔɔ bɛlɛtie me la kɛ: Bɛhulo menli mɔɔ kpɔ bɛ la na bɛyɛ kpalɛ bɛmaa bɛ. Bɛyileyila menli mɔɔ wa bɛ amonle la, na bɛzɛlɛ bɛmaa menli mɔɔ yɛ bɛ kpɔdekpɔde la.

Mɔɔ ɛkpondɛ kɛ awie mɔ yɛ maa wɔ la, yɛ zɔhane ala maa bɛdabɛ noko.

Saa awie bɔ ɛ nzo ko anu a, kakyi ko ne noko maa ɔbɔ nu. Saa awie die wɔ anwuma tɛladeɛ ne a, fa bubu ne noko maa ye. Awie biza wɔ debie na ɛlɛ bie a, maa ye bie, yɛɛ awie fa wɔ debie a, mmabiza ɔ bo zo bieko.

“Baka kpalɛ biala ɛnzo ma ɛtane, yɛɛ baka ɛtane ɛnzo ma kpalɛ.

Baka biala ma yɛɛ bɛfa bɛnwu ye a; bɛntete feege ma wɔ evileni zo, yɛɛ bɛntete vanye ma wɔ andɔma zo.