Populāri Bībeles panti no Luk 17

Dalīties

Na Gyisɛse zele nrenya ne kɛ, “Dwazo kɔ; wɔ diedi ɛyɛ wɔ ayile.”

Saa kenle ko bɔbɔ ɔfo wɔ fane nsuu, na ɔsia ɔba fane nsuu ɔbaka ɔkile wɔ kɛ, ‘Menlu me nwo’ a, ɔwɔ kɛ ɛfa ye ɛtane ɛkyɛ ye.”

Na bɛ nuhua ko nwunle kɛ ɔ nwo ɛza, yemɔti ɔziale ɔ nzi, ɔyele Nyamenle ayɛlɛ. na ɔradule ɔdɔle Gyisɛse agyakɛ anu mutule nu na ɔyɛle ye mo somaa. Nrenya ɛhye le Samɛleanli.

Yemɔti bɛnlea mɔɔ bɛyɛ la. “Saa ɛ diema fo wɔ a, tea ye, na saa ɔnu ɔ nwo a, fa ye ɛtane kyɛ ye.

Gyisɛse hanle kɛ, “Menli bulu a menyɛle bɛ ayile a, na ngɔnla ne wɔ nienwu?

Awulae buale bɛ kɛ, “Saa bɛlɛ diedi mɔɔ ye kpole le kɛ ‘mɛsetade’ baka ma ekyi bie bɔbɔ la a, anrɛɛ bɛkɛhola bɛkɛha bɛkɛhile baka kpole ɛhye mɔɔ bɛfɛlɛ ye ‘sekamɔ’ la kɛ, ‘Tu kɔgyinla nyevile nu lɔ’ a, ɔkɛyɛ zɔhane.”

Awie biala mɔɔ pele ye ngoane nwo la minli ye; na mɔɔ kɛminli ye ngoane wɔ mame me ti la kɛnyia ngoane mɔɔ ɛnlɛ awieleɛ.

Gyisɛse zele ye ɛdoavolɛma ne kɛ, “Ɔwɔ kɛ ninyɛne mɔɔ twehwe sonla kɔ ɛtane nu la sisi, na mɔɔ ɔkɛlua ɔ nwo zo ɔkɛzi la, ye gyakɔ. Ɔle kpalɛ kɛ anrɛɛ bɛkɛdwe ɛdibolɛ kpole bɛkɛhenda ɔ kɔme na bɛkɛhɔdo ye nyevile nu tɛla kɛ ɔkɛmaa awie mɔɔ ye diedi wɔ me nu kɛ ngakula ɛhye mɔ la ko kɛyɛ ɛtane.

Kɛmɔ Nowa mekɛ zo ɔyɛle la, zɔhane ala yɛɛ medame Sonla Ra, me mekɛ zo ɔbayɛ a. Awie biala hɔle zolɛ lile, nlonle; mraalɛ ɛgyalɛ nee agyalɛ ɛhɔlɛ liele ebia hɔkpulale kenle mɔɔ Nowa hɔvole ɛlɛne ne anu na ezule ne dɔle bule aze na ɔhunle bɛ muala la.