Populāri Bībeles panti no Amarku 13

Dalīties

Moare mvye á tla gimi okyku me. Ambo, are la a kom odlo me la osheshye esõ baŋ o tsa onda amom-abgo le, á ba a gro.

E dzu e kʼpu okyku eshi agimi e yi omba lo mbo.

Omba moa a vu gimi a shri a gre aku ombgu le, e kpo esõ bimi ewu e tne aga ekplo bimi é lu mbo. Omba bimi e gre, ekployaŋ a mbo bimi é ba e lu, Ogbgaodzi angyiŋ ó tsa gimi.

Ongyeŋ, ta la obiŋ hi, ó bre ó yi, ambo odlo me ó bre ó yi ku-ku mbo.

Eyesu a lu mi le, Arekyeŋ a yi onda o mbo le awa lo ku-ku mbo. Moanwyeadga Ahogbrẽ la a wo Ongyeŋ, ta la Anwye a mbo, moa a yi mbo, o wo le Ada sha.

Agimi e kpo eyli omba bimi e gno oshpa ba eko obiŋ bimi, ta la ebiŋ ehwõ mbo. O dzu omgbybi ba edgu ayakplo he lo á ba a kpo, ambo omba ba obiŋ ó kso angyiŋ a wo mbo.

Agimi e dzu e kʼpu ngre okyku eshi agimi e yi omba ba are-odne á ba mbo. Á ba olum-ore a mu, á ba ekpatspe okyukyku a mu, á ba la engo etko a mu, á ba la etetne a mu, agimi e dzu e kʼpu, okyku o daŋ a gnyu gimi omba bimi e wo enu e ndze mbo. Oshĩ ba ame e lu e da gimi, e lu e da areyaŋ a mbo. E dzu e kʼpu!

Obiŋ ó ta eko ta la obiŋ, oreŋ ó ta eko ta la oreŋ. Obiŋ ó suŋ ayaŋ a mbo nga embyle é kpo. Akplo he lo á vu olo eka ewu ba ashe a kpo omba baŋ a mbre.

O dzu omgbybi ba moa á nyum Oshpaodzadzi á ygi moare mvye ayga.

Moare nzenze á ba a ba eshko me á lu mi le, Ame angyiŋ e wo Ekristi. Nga moa á bile moare.

Agimi e nyuŋ e ka, okyku eshi moare á vu gimi nga á shri gimi á yi aku ombgu. Moa á bga gimi akulu nga agimi é zgi egŋe Oshpaodzadzi me egi ayi moareŋ, ta la moanyuŋ-areŋ.

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Ambla ba ewu he lo, olum ó tra mbo, oha a mbo ó tra mbo. Eyienzo é gʼbu é ygi obiŋ nga ayakplo egbregbre la a wo ongyeŋ é knye é sku ozhẽ moa a la a sõ.