Populāri Bībeles panti no Oluka 11

Dalīties

Agimi e wo moarehwi ba eda ebi, ambo ekakahelo agimi e yi eka bimi e shri ayakplo la a wo adzi e shri e da moanwye bimi. O wo ba agimi adaŋ moanwye la e wo eda ebi e yi eka bimi e shri ayakplo adzadzi e da moanwye bimi le, o sa o tsi Adigimi la a wo Ongyeŋ á shri Ogbgaodzi á da areyaŋ a mbo la a vẽ ŋa mbo?

Okyku eka he ame e lu ka la gimi, Aŋo o vẽ, nga aŋo ó yga, aŋo o klo, nga ó hwiŋ. Aŋo o ta enzi, nga moa á hwile ŋo ayizhẽ.

Okyku eshi areyaŋ a mbo la a la a vẽ, á yga, nga areyaŋ a mbo la a la a klo, á hwiŋ, areyaŋ a mbo la a la a ta enzi nga, moa á hwile ŋa ayizhẽ.

Eyesu a nye mo ma moa a fa olu a lu mi le, Aŋo Adigi, O da gi e sko eshko boŋ e zga la esesla. O da Oreŋ boŋ o ba.

Aŋo o kyu gi abgo odlobi bi e la e kpo. Eka ba agi e la e kyu areyaŋ a mbo la a ta akpu egi ayi bi abgo. Nga o da obile la o gre gi eshri o hwiŋ gi mbo.

Aŋo o shri algo bi e wo la alo ma mbo o da gi elulum pyeŋ.

Ayi bimi a wo eka emgbuovo ba egʼba angyiŋ. O wo ba ayi boŋ a wo leleŋ le, egʼba boŋ é wo la ayimom ma nzenze, ambo o wo ba ayi boŋ a wo adzi mbo le, egʼba boŋ pyeŋ é dzu evbu.

Arekyeŋ a ta ovo emgbuovo nga a shri lo a ghre mbo, o mbo le a shri atku a la a shum lo mbo. Ambo, moa a kha lo eshum, okyku o da areyaŋ a mbo a ka ayimom omba baŋ a gre a ba eshyẽ.