Populāri Bībeles panti no Lúkɑ́shi 17

Dalīties

Pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ ŋu-Sɑmɑlîi ɛ̂wɑ́ ŋɡɔ: «Lɔ sɛ́ ŋ́ɡʉ, Sɛ́ ɡɛ ɔ luk, ntɛ́ pɑꞋ ɔ zɑ́p tʉ́m yú nǔu mɔ.»

Ŋ́kɛ́ ńjúk tɑ́Ꞌ lɛ́Ꞌ ŋ́ɡɛ nu kɛpɔŋ nǔu wɛ́ pɔ mbɑ ŋkɑ́ sɑɑmbɑ́, ḿbɛn ńtɔ́ ŋkɑ́ sɑɑmbɑ́, ḿbɛ́m mɛfɑɑnɛ mɛ́ mbɔ̌ wɛ́, ḿbɔ́ ɑ ńdikŋɛ ŋ́ɡɑ́ mbɔ̌ wɛ́.

Wɛcɔ́ tɑ́Ꞌ nǔu pɔ́p jʉ́ɔ pɑꞋ ɑ fíitɛ́nɛ, ḿbɛn nzʉʉ, ŋ́kɑꞋ ŋɡi yɛ ŋ́ɡɑ́ tʉ́ ńdɔk ŋ́ɡúꞋlɛ Sɛ́. Ńtɔ́ ńnɔɔ kɛpkɛ́p mbi Yɛ́su, ŋ́ɡɑ́ pɑ́Ꞌlɑ́ mbɔ̌ wɛ́. Ŋɡɑŋ ḿbɔ́ ŋu-Sɑmɑlîi.

Pʉʉ kɛ ńdɑk tú yʉ́ʉ. Mɔ́ɔmɑ́ pɛ́ ŋu lɑɑ ŋ́ɡɛ nu kɛpɔŋ nǔu wɛ́, ɑ pɔ́tnɛ ɛ́sẅíi wɛ́, mbɔ ɑ lɑɑ ḿbɛ́m mɛfɑɑnɛ mɛ́, ɑ likŋɛ ŋ́ɡɑ́ mbɔ̌ wɛ́.

Yɛ́su kɛ́ ńcú ŋɡɔ: «pʉɔ nɛɡɛ́m fíitɛ, pɛ pɛ́nɛ́pfuꞋú pɔ́ pɔ ɡɔ́?

Yɛ́su cú ŋɡɔ: «Nɛsɑɑ-sɛ́súk yúu ŋ́kʉ̈ɔ́k tɛꞋ, ŋu wʉʉ lɑɑ ńzɛɛ ńzɑ́p tʉ́m yɛ́ nǔu Sɛ́ mbɑ mɔ́zʉꞋ pɔ́Ꞌɔ, mbɔ ɑ ɡɛ ńcú mbɔ̌ tʉ́ yi ɛ́ tʉ́ʉnɛ lɑɑ ŋɡɔ: Tsɔ́Ꞌnɛ ŋ́ɡʉ ńtʉ́ʉ tsɛt Mí, mbɔ ɛ́ ńzúꞋ ntsu wɛ́.»

Ŋu ẅí ɑ ɡʉ ŋ́ɡɛ ńdɔ́ɔ nɛpɑ́ɑ wɛ nɛpɔ́ ɡʉ ŋ́ɡɛ ḿbɛ́ wɛ nɛpɔ́ ɛ̂wɑ́, ŋu ẅí ɑ pɛ́mnɛ nɛpɛ́, jʉ́ ɡʉnɛ ŋ́ɡɛ ḿbɔ́ ɡú.

Yɛ́su pɛn ńcú mbɔ̌ ɡɑŋku pɛ́ ŋɡɔ: «Yúu mi ḿbɔ́ pɛ́ fú nǔu ɛ́fɑɑnɛ nu, ɛ́ lɑɑ ḿbɔ́ ɛ́ pɔɔ zɑ́k. Lɑ́, pɛ́ktú ŋu ẅí ɑ ɡɛ ŋ́ɡɛ ŋu fɑɑnɛ nu.» Mbi pɑꞋ mbɔ pɛ́ cʉŋɛ mɑ́mɑ́ luŋ lɔ́ŋ-ŋɡɑŋ, ḿmɑꞋ wɛ́ tsɛt Mí, ńtsɑ pɑꞋ ḿbɔ́ pɛ́ nɑ́ wɛ́, ɑ ɡɛ tɛ wɛcɔ́ tɑ́Ꞌ nǔu pɛɡɛɡʉʉ pɑ́ɑ lɛɛ nzʉʉ yɛ́ lɑ ɛ́fɑɑnɛ nu.

A ɡʉ ńdɑ́Ꞌ ŋ́ɡɔ ńtɔ́ mɛnu mi ɛ́ kɑ ɡɛnɛ ŋkɑ́ Nɔwɛ́ pɛn ŋ́ɡɛ. Ɛ́ ḿbɔ́ ŋkɑ́ ɛ̂yɑ́, pʉɔmɛsɔŋ pɔ́ ŋ́kwɛ́t yúu, ḿbɔ́ ńnɔ́ mɛluꞋ, ḿbɔ́ ńdɑ́ɑ ndɑ́, ŋ́ɡɑ́ pɔ́ɔ pɔ́p lɑ́ɑndɑ́, tɛ ŋ́kúu lɛ́Ꞌ yi Nɔwɛ́ kɑ kúunɛ tsɛt pɑ́ŋ. Ŋki ŋ́kɔ́Ꞌ ḿbuu ḿbík wɔ́p pɛ́tsʉʉ.