Populāri Bībeles panti no Matana Enjil 7

Dalīties

„Isigwe, irgi bitirtakkin. Kashwe, wide iri bellun. Kokwe, irgi bikustidirran.

Mine isigil male bitirtakkin. Wide kashilgon belin. Kokilgongi bikussirran.

„Ama anna in werechigi gijril wide tirgi awil malegi bishebiherin ogij erigkatti wekked, tenna kagi guna werdogor goyelgi.

„Iri werisrun malegi zoli irgi awtidirrangi, irgon tirgi ikke awtidirwe. In teran sheriagon wide nebichigon.“

Bab esegon wide mishra amariskidilgon ayarkir aojjun. Tekki eliligon geliltonim.“

„Darub eseged towe. Mine bab wesa wide mishra bojo jigdarkir aojjun. Tedder atoligon digrichima.

Iri milichi erungon aïyirrun inn affichigi haja adelgi tirarki. Won inin dogor digrigir inn abo simechir dal adel sudti bitidirin tekki isigiligi.“

„Gadyemenwe, gaditakkimendunna jiradilo. Mine iri gadyerunna gadayaged bigaditakkirun. Wide asedi, iri tekked aasrunged, irgi bastidirran.

Won anna in werechigi gijril male wala awmenil, tekkon ogij jahal wekked bishebiherin, tenna kagi siw werdogor goyel wekked.

Won er ma burubi imbesna misir dabulgi aürun. Won kiyen kam enna misir tebilgi analmen? Wala mine imbeski awetirin: ‚Aigi mug burubigi enna misirton os an’? Won ahan kiyen kam enna misir tebin.

„Inn achigi harsewe nebichi mursajirton, innai egedin kadeged ataligi. Ama tinn areged jelegi akabkilim. Iri tirgi tinna awdirton biyirrun. Kiliserton enebkirigi amerrana? Wala agulloton tinkirigi adetirana?

Ikke bun: Jowi adel nutin betti seregi atirin. Ama jowi mili betti miligi atirin.

Jowi adel eske betti miligi osmunum. Wala jowi mili eske betti seregi osmunum.

Jowi male betti seregi battamenil mertakkirgi igir bilufetakkin.