Populāri Bībeles panti no Lukas 6

Dalīties

Dekei ka tona ntanina ala Alatala muni mombadekei ka komiu. Bo pedekei nu Alatala nabelo mpuu, kadeana nasimbayu mpo posuka naponu niparoo bo nigoya ala namala raisi vai sampe maponu suu. Apa posuka nipakemiu ka tona ntanina, haitu muni raposuka ka komiu.”

Ivesia muni manusia. Tona nabelo, nabelo muni pokaingguna bo potesana, sabana pekiri rara ntaina nabelo. Bo tona nadaa, pokaingguna bo potesana muni nadaa sabana pekiri rara ntaina nadaa. Apa tesa nisovadakana nopuna lako ri pekiri rara ntaina.”

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Komiu muni kana mepotove nasimbayu eva pepotove nu Alatala, Tuamamiu.”

“Nee rapakasalamiu tona ala komiu ledo rapakasala nu Alatala. Nee mompakatantu sala ntona kana rahuku, ala komiu ledo rahuku nu Alatala. Ampungimo tona ntanina ala komiu muni raampungi nu Alatala.

“Tapi Kuuli ka komiu topangepe tesaKu sii-sii: Potovemo balimiu, povia anu nabelo ka tona navuu matana nte komiu. Perapi belo ka topompindasi komiu bo posambayaka tona novia nadaa ka komiu.

Nuapa-nuapa rapodotamiu rapovia ntona ka komiu, ivesia muni rapoviamiu ka tona.

Ane rasapa ntona sabingga kalimpimiu, nee rapesava. Taa ka ia vai sabinggapa rasapana. Ane raalasi ntona buyamiu, dekeika muni bajumiu. Ane tona merapi nte komiu, dekeimo ka ia. Bo ane mbara-mbaramiu raalasi ntona, nee raperapimiu mpanjili anu nialana.

“Ledo naria kayu nabelo novua nadaa. Ledo muni naria kayu nadaa novua nabelo.

Pura-pura kayu nisani lako ri vuana. Vua ara ledo nipupu lako ri lemo ntasi bo anggur ledo nipupu lako ri valaa karui.