Populāri Bībeles panti no Lukas 16

Dalīties

Tona namala niparasaya ante mbara-mbara sakide, namala muni niparasaya ante mbara-mbara nadea. Tapi ane ia ledo nokainggu nanoa ante mbara-mbara sakide, ia ledo mokainggu manoa ante mbara-mbara nadea.

Ledo rapakule nu batua saito matundu nte madika randua. Sabana, saito rapotovena bo saitopa ledo rapeilina. Saito raoseakana parentana bo saitopa rapoarana. Ivesia muni komiu. Ane komiu mompotove mbara-mbara ri dunia hitu, ledo rapakulemiu mpuu-mpuu mangoseaka dota nu Alatala.”

Jadi ane komiu ledo namala niparasaya ante kakalumana ri dunia nadaa hitu, isema momparasaya komiu ante kakalumana nabelo ri suruga? Ane komiu ledo namala niparasaya ante mbara-mbara ntona ntanina ri dunia hitu, isema mombadekei ka komiu kakalumana majadi bagiamiu mboto ri suruga?

Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Pade nanguli munimo i Yesus, “Isema-sema langgai nompogaaka bereina pade noberei nte mombine ntanina, ia nobualo. Bo tona nompoberei mombine nipogaaka, ia muni nobualo.”