Populāri Bībeles panti no Yohanes 4

Dalīties

Alatala nosa. Jadi isema-sema madota mombasomba Ia kana mombasomba Ia ante petulungi nu Nosa Gasa nangoseaka pepatuduki nakana.”

Tapi makava tempona bara maipia, bo kakanana tempo haitu nariamo, tona anu mpuu-mpuu mombasomba Tuamata Alatala kana mombasomba Ia ante petulungi nu Nosa GasaNa nangoseaka pepatuduki nakana. Pesomba ivehaitu nipokono nu Alatala.

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Naupu haitu nanguli vaimo mombine haitu, “Berimbamo? I Yakub totua kami nggaulu, nokae buvu hitu. Bo kami nikabolina. Ia mboto nanginu uve lako ri buvu hitu bo ivesia muni ana-anana bo binata-binata nipiarana. Naogepa Komiu pade i Yakub? Ledo ria posibuMiu raposibu uve, bo buvu nandala mpuu. Lako ri umba rapangalaMiu uve anu mombadekei katuvua mabelo nitesaMiu tutu?”

Nesana vai mombine haitu, “Nisaniku kana makava Magau Topepakasalama anu niuli i Kristus. Ane Ia haitu makava, Ia kana motentei pakalanto mpengaya-ngaya ka kita.” Nanguli i Yesus ka mombine haitu, “Yaku anu notesa ka iko hitu-hitu, Yakumo tona niulimu tutu.”

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”