Populāri Bībeles panti no Лукара йибкьыд Шадды Хабар 7

Dalīties

Гьис иди гьухьуси за вада: гьанийис Зы гьааса хъыгара, джус балад гунаабыр За багъыш гьыъыдыыла. ЦӀамды гунаабыр багъыш гыъынийис цӀамна хъыдгад и. Хьели ГьӀасара хьыдынийде рухьура: – Выды гунаабыр багъыш йиъи.

Амма ГьӀасара рухьура хьыдынийде: – Вас выды инаамишваӀликлаа куьмег а. Хъырырых салам гъана.

ГьӀасад йыкьӀахда лурзур, решере ми хьыдылды. Нагъвбыр ки сагъӀуре ГьӀасад гъилабаа. Нагъвбыр джуды кьамчӀелиймыхьван темиз хъаъара, ГьӀасад гъилабас темени-теверзахӀ гьаъара, гьӀатир гъӀывхӀа вьаъара ай ми хьыдынийе.

Гьадыыла и зы вахда джиркьыд – Выды хал зы калдыбыр дыкьасды диш. Ва гьихьяъ – изды къул гьади мадана хъикиси. Зы ки маннийды хылихьде ги, амма изды хылихьде ки эскерер ги, за сынийде гьухьуйне; «Рых», гьа руъура; маннийде «Миди йыкьа» хьуйне, гьа руъура, къулада «Мисе гьаъ» хьуйне, гьание ки гьаъара. ГьӀасас ми чӀилмыд ун йишийне, гьӀаламат руъура, ругъур Джухда хъуд илсанашде рухьура: – За рухьура ваӀде, Израилди ки кине мисед инаамишвалды Зас гьувгуд диш.

Гьа гвалах вишир ай ГьӀасара балад илсанар ядлымыклаа азад дыъыйне, шийтӀамашде хадбишды шийтӀамар йихъигыйне, балад быркьӀыдбишис йаӀкв гьагва хъыъыйне. ГьӀасара джываб хъывылцӀара: – Дырых, хабар ваъ ЯхӀйе-пайгъампарас, ваӀс гьагумыклаа на ун хъӀыхӀымыклаа: быркьӀыдбишис гьахъабгура а, тӀыркьӀыдбыр хъидирхьара а, джузандыбыр темиз хъӀудире а, бышдыбишис ун хъӀугъӀуре а, дыркьыдбыр лаъ луьхъдуьбзуьре а, касибешис Шадды Хабарад ун хъӀырыхӀыре а.