Populāri Bībeles panti no Yòhanɛ̀s 4

Dalīties

Mawu a, gbɔ̃gbɔ̃ ye be nyi, ye ŋutia, e jè be àmè kèwo le sumɔ ɛ̀awo, ne sumɔ ɛ̀ lè gbɔ̃gbɔ̃ kudo nyàwototo mè.”

Vɔ̀a gà mè gbãnà; e va cã vɔ̀, ekè mè ye, Mawu sumɔtɔ àdodoewo la sumɔ Àta lè gbɔ̃gbɔ̃ kudo nyàwototo mè, ɖo àmè kèawo hati ye Àta le ji.

Vɔ̀, àmè kè la nù èsì kè mù la na ɛ̀a, sìkɔ mu la gbà tì ì gbèɖe ò, ɖo èsì kè mù la na ɛ̀a, la trɔ zũ èsìvudo kè la nɔ ji kaka na àgbè mà-vɔa.”

Yesù ɖo e ŋuti na ɛ̀ be: “Ne wò kè jèsi Mawu be ènu nana, ku àmè kè le biɔ wò be: 'Na mù èsì ma nùa', èwo bòhũ ye la biɔ ɛ̀, eye be la na wò àgbè sìa.”

Yesù gblɔ̃ na wo be: “Ènuɖùɖu nyèa ye nyi be ma wɔ̀ àmè kè dɔ̃ mù ɖoɖaa be èjro; eye ma wu èdɔ kè be do àsi na mùa nu.

Nyɔ̃nùa gblɔ̃ na ɛ̀ be: “Àpetɔ wò mu ɖo èsìkùnu tètè ò, eye vudoa cã tito. Fikɛ ye wò la kpɔ èsì kè nana àgbè àmèa so ò?

Nyɔ̃nùa gblɔ̃ na ɛ̀ be: “Mù nya be *Mɛ̀sia ɖo la va. Àmè kè ye le nyi Kristò. Ne e vaa, e la ɖè ènuwo keŋu gɔ̃mè na mi.” Yesù gblɔ̃ na ɛ̀ be: “Ènyè, àmè kè le pò nupo na wòa, ye.”

“Mì va kpɔ ŋusù ɖe kè gblɔ̃ ènu kèwo keŋu mù wɔ̀ kpɔawo na mù. Mu nyi E ye la nyi Mɛ̀sia a ò à?”