Populāri Bībeles panti no Jean 15

Dalīties

«Man di sá fiinyi subu, ní nimbi sá apan. Un yaa bí man ni ma mun bí udaan nee lòoǹ abil ní tikpil, kun puee ni yaa kaa bí man ni, naa ŋūǹ kí ŋá tiba.

Ní nīn bímaan man ni, ní ma mun ń nīn bí ni-ni. Kii dipandi nín kaa ŋūǹ kí lòoǹ abil di-baba asee dí nīn túkú busubu puee, míǹ mbaantiim ní ni yaa kaa bí man ni, naa ŋūǹ kí lòoǹ abil.

Ni yaa bí man ni, ní ma mun bɔti bí ni-nee, bàlifìmaan tin tin ni yaa lèe, ni làá ká kudɔŋu.

Man di lēē nimbi, kaa sá nimbi di lēē man. M tú-ni ní cùú lòoǹ abil, abil ŋin làá yúntée, mimmee, m-Baa làá tīī-ni tin kɔkɔ ni yaa mēē-u man yindi puee.

Dineeŋkpaandi diba kaa ti bí kí bà unil ń dū u-maŋfal kí kúntí u-bɔɔbi pu.

Apan ŋin túkú m-pu kaa lòoǹee, u gà-ŋi ki féeń ní. Apan ŋin lòoǹee, u ŋáŋkí-ŋi, ní ŋí mɔ̀tīí lòoǹ.

Mara un m síiǹ-nee sèé: ní nīn néeḿmaan tɔb, kii man nín néeń-ni puee.

Tin tìì m-Baa tinyoolee di sá ní lòoǹ abil tikpil ní kí nīn sá man boonnooliibi.

Ní Yeesu bí yii: «Man di sá fiinyi subu tiŋman, ní m-Baa sá un ŋáŋkí-buee.

Un yaa kaa bí man nee, bi gà-u kí fá kii disupandee ní, ní ú kpā. Asupaŋkulimee, bi kōontí-ŋi kí tɔ̄ ŋŋmin, ní án wà.

«M sòoǹ nì ni tin bí nee án nín làá ŋá pu m-pɔɔpindi ń nīn bí ni-ni, ní ni-pɔbiliŋ ń mɔ̀tīí gíti pīil̀ee.

Ni yaa ŋúb́ m-marabee, mimmee, ni bí m-neendin dee, kii ma mun nín ŋúb́ m-Baa marab ki bí u-neendin puee.

Tin tin m síiǹ-nee, di sá ní nīn néeń tɔb.»

Ni yaa bàà sá duulinya yabee, duulinya yab bàà néeń-ni, kun puee ni sá u-yab. Ama m lútì-ni ki nyántì duulinya nib kansikin. Naa ti sá duulinya yab, an pu ní bi ná-ni.