Populāri Bībeles panti no Matìù 18

Dalīties

Bɨ̀ ko nê bòt babe, kò batat leꞋ e bu̧u̧te àdziꞋ ane èlen laã, ko maa wu a kètsìà wɔb.”

TsiꞋ è mèe shua wɨ̧ nê, bòt babe e wu ane ètsəê wemɔꞋ ane ànəê a sitsǎꞋ ŋàa, mbììte Tǎt am wu a ègwet la ko taa ghɨ̌.

Yesò tɔ watèchɨɨle kǒ ntsia a mbì lɔb, mbɔ̂ nê, “Ane nkûŋ, tsiꞋ è shua wɨ̧ nê bɨ bakà kùbte ane mènəè mɨ̧ te tsiꞋi mbɨ̀Ꞌɨ̀ bɔtechɨɨle, ko bɨ̀ ka lɔ̀Ꞌɔ̀ àlia e nyi a kèfɔ̧̀ Mbɔ̧ɔ̧mà à.

Ale, wòt tà tsě bòt bàgème a kèfɔ̧̀ Mbɔ̧ɔ̧mà la wu wòt tà nɨa vi a si tè ntsìꞋi mbɨ̀Ꞌɨ̀ watèchɨɨle waa la.

“Wòt sèè watèchɨɨle kǒ mbɨ̀Ꞌɨ̀ waa ane èlen laã, tà ko nê ye wua sèè am.

“Ane nkûŋ, tsiꞋ è shua wɨ̧ nê bɨ tsia ànəê a sitsǎꞋ ko bɔɔ tsia yùà a ègwet, ntsɔ̀Ꞌɔ ànəê a sitsǎꞋ ko bɔɔ tsɔꞋɔ yùà a ègwet mɨ̧̂.

“Yesò ghɨ̀ ale, ndìà nê, eyaa wu èlɨ Tǎt am a ègwet nàa ghɨ̌ ane wòt ègème ane yɨ̧, na tà bakà waꞋa a kàbɔ̀ŋ wanyɨ vi nè èntɨ̧ɨ̧ vi ègème la.”

Ka wòt tà ghɨ̂ watèchɨɨle kǒ ane baa waꞋa ntɨ̀ yu tà bɔ ane yaã la, a bɔ̂ŋ nê bɔ̀ sèlè taꞋà èti àmî atò maꞋa tò tea èbem *èdzî.

“Bɨ̀a mɨ̀ɨ̀tà nàà? Tè wòt bɔa njɨ̀tsə ènkɨ̀, yemɔ̀Ꞌ nyɔ̂ ko tà ka saame tu èghem yebəèꞋa ntsɔ̀b tebəꞋa la a ègwet èghem e ghǎ me kɨ yu yemɔ̀Ꞌ e nyɔ la à?