Populāri Bībeles panti no JUAN 16

Dalīties

Dagitoy insaoc idi cadacayo, tapno adda coma talnayo caniac: ditoy lubong addanto rigatyo: ngem manginanamacayo, siac pinarmecco ti lubong.

Ngem inton umay daydiay, ti Espiritu ti kinapudno, idalannacayto iti amin a kinapudno: ta saanto nga agsao nga isisu, no di ket saoennanto ti aniaman a mangngegnanto, ket ipacaammonanto cadacayo dagiti banbanag a mapasamacto.

Agingga ita awan pay ti dinawatyo iti naganco: dumawatcayo ket umawatcayo, tapno maananay ti ragsacyo.

Nupay casta ibagac cadacayo ti pudno: Maipaay cadacayo a mapanac: ta no diac mapan, ti Manangliuliwa dinto umay cadacayo; ngem no mapanac, ibaonconto cadacayo. Ket isu, inton umay, babalawennanto ti lubong ti maipapan iti basol, ken ti kinalinteg ken ti panangocom

Ket dacay ngarud ita adda ladingityo: ngem makitacayto manen ket agragsacto ti pusoyo, ket awanto ti macaiccat cadacayo ti ragsacyo. Ket iti dayta nga aldaw awanto ti intuudenyo caniac. Pudno, pudno, cunac cadacayo: Nga amin a dawatenyonto ken Ama iti naganco itdennanto cadacayo

Pudno, pudno, cunac cadacayo nga agsangitcayto ket agsainneccayto; ngem ti lubong agragsacto: Naladingitcayto, ngem ti ladingityo agbalinto a rag-o.