Populāri Bībeles panti no JUAN 13

Dalīties

Maysa a bilin a baro ti itdec cadacayo, tapno agayanayatcayo iti maysa ken maysa; cas iti panagayatco cadacayo, casta met agayanayatcay coma iti maysa ken maysa. Gapu itoy mailasindanto a dacayo ti adalac, no adda ayatyo iti maysa ken maysa.

No ngarud siac nga Apo ken Mannursuro, binuggoac dagiti sacsacayo, dacayo rebbengyo met ti agbibinnuggo cadagiti sacsaca ti maysa ken maysa. Ta iniccancayo ti pagtuladan, tapno aramidenyo met coma cas iti inaramidco cadacayo.

Ni Jesus simmungbat, ket kinunana kencuana: Ti aramidec dica maawatan ita: ngem maawatamto no calpasanna.

Pudno, pudno cunac cadacayo: ti adipen saan a dacdackel ngem iti apona, ket saan met a dacdackel ti maysa a naibaon ngem iti nangibaon kencuana.

No ammoyo dagitoy, nagasatcayo no aramidenyo ida.

Timmacder idi pangrabiian, ket iniccatna dagiti pagan-anayna, ket nangala ti maysa a tohalla, ket imbarikesna. Sa mangibuyat idi ti danum iti maysa a bacca, ket rinugianna a buggoan dagiti sacsaca dagidi adalanna, ken punasanna ida iti tohalla nga imbarikesna.