Populāri Bībeles panti no Matteyo 13

Dalīties

Ati, enyomo hunne imohi 'to iboro hunno oyiji 'to arai isi ihuo aati hulle itaniŋuni 'to ekiana, ette imijana ojio anyio, ette isi ŋijana aaŋer, omuk esiha abotie, buo omuk atomuana ille, buo fe omuk atomuana hunihoi.”

Enyomo hunno oyehini ihiji hikua, arai ihuo aati hulle itaniŋuni 'to ekiana. Ati obunarai isi te ehawwata hutta fau buo amuno ono esamiti, ania, obiaŋarik isi oŋijarik.

Aati hulle itayirai 'to ekiana ono Nolobie, buo obeŋi omijani, arai isi ihuo enyomo hunno ofodoŋoroi 'to ihiji ikoi. Ottu olorroho ette ikuararu ariŋ ninyia oyehini ituajin hosi.

Enyomo hunno ofodoŋonie 'to ihiji moruoi, arai ihuo aati hulle ifuotuni 'to ekiana ta amuno hètaniŋuni do. Ati obeŋ inyi ihum idioro itajia hosi, buo fe obeŋ itoŋo diya fur. Ojiori ettigemita kuyya ehawwata ofuonni te eram ono ekiana ono Hollum, teya teya, ette isi ihara.

“Ara Nolobie ettedou ihua ana. Onyurak nyia obo atulo anyahuo idimani itua obo amana, ette inyiak inuhana. Omuno nyia inyi bebe, ette leten itinyiaŋara erre honyi 'daŋ, ette icaharu inyiaŋuniere amana ania.

Ati imohi nyia enyomo hunnomuk iboro hunno oyiji 'to, ette isuaru emma esiha abotie, buo omuk atomuana ille, buo fe omuk atomuana hunihoi.”

Ijiara alabali obolori arabotie iko emma 'daŋ many iholoŋ dioŋo. Attati ni iramana adioŋok oŋida orutuni alabali do addi, ette ititir isi, attati isuahina ihima; buo odioŋoni emma imugu hoŋ.’”