Populāri Bībeles panti no Dioni 4

Dalīties

Koda꞉ta꞉ temoko tekee. Koto pa꞉la꞉ ekina꞉ ipiki pa꞉ta꞉ yeni piteleme wanda꞉halima꞉ta꞉ ika꞉ temokoma꞉ make ota꞉ hau pitolo hata꞉ make ipiki pa꞉ta꞉ yeni pea꞉peke ya꞉la꞉me leekeme.

Koto pa꞉la꞉pate wetepe hande epolo pa꞉la꞉ nateta꞉ ame amba꞉ a꞉pa꞉la꞉me. Kutu pa꞉la꞉ ekina꞉ ota꞉ yeni piteleme wanda꞉halima꞉ta꞉ Apa꞉ pa꞉ta꞉ yeni pimika꞉na꞉ta꞉ ika꞉ temokoma꞉ make ota꞉ hau pitolo hata꞉ make yeni pilimikie leekeme. Koto tupa꞉ ipiki pa꞉ta꞉ yeni piteleme wanda꞉halita꞉ Apa꞉ma꞉ hone pa꞉la꞉me.

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Yesuma꞉ ipika꞉ pi hombo peaaso alota꞉ Nakana꞉ma꞉ta꞉ Koda꞉ma꞉ kita꞉la꞉ ale make neke pa꞉ta꞉ Ikali ma꞉nda꞉ nono kie laa honke ala꞉ halina꞉ biki make hone wika꞉na꞉ yoluta꞉ kota꞉ naka꞉ honke aleeki ipikana꞉ma꞉ opua da꞉ta꞉la꞉ ikali kulu pia꞉me leekeme.

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Mo wanda꞉ma꞉ ipiki pa꞉ta꞉ alota꞉ Aneke halio. Do nakuta꞉ ota꞉ oni pa꞉ta꞉ leke awa꞉niaala꞉me. Koto pa꞉la꞉ ekina꞉ neketa꞉ ipi kanake na wia halepate da꞉ta꞉la꞉ ikali ekipa naa kuluekema꞉ alepe laata꞉

Mo wanda꞉ma꞉ ipiki pa꞉ta꞉ alota꞉ Mo hande Mesaya ipika꞉ biki ma꞉nda꞉ta꞉ Ketiso epolo pa꞉la꞉eki hone witolome. Ipiki a꞉paata꞉ hau paeyao pita꞉la꞉eki la kilieke leekeme. Yesuma꞉ ipiki pa꞉ta꞉ alota꞉ Nakana꞉ma꞉ koto ale halita꞉ I̱ konee laata꞉ Neke yaapo do pi alopa꞉ halie leekeme.

Hali ma꞉nda꞉ handoemena꞉ ipupe laata꞉ I̱ma꞉ amba꞉ pua꞉ ekimanu paeyaota꞉ ipikana꞉ma꞉ la kia꞉me laata꞉ Ipikita꞉ hande Ketisope leekeme.