Populāri Bībeles panti no Mutendeko 45

Dalīties

Kweni sono mungasuzgikanga mu mtima, nanga ndi kujikwiyira mwekha chifukwa cha kundiguliska ine kuno. Chiuta wakandituma panthazi pinu kuti umoyo winu uponoskeke.

Ntheura kuti ndimwe mukandituma kuno chara, kweni Chiuta. Iyo ndiyo wandizgora kuti ndiŵe nga ndi wiske wa Faro, kuti ndiŵe fumu ya nyumba yakhe yose, ndiposo na wakuwusa charu chose cha Eguputo.”

Chiuta wakanditumirathu ine kuno kuti imwe ndimuthaskani, mwakuti ŵa mphapu yinu ŵawoneke ŵanandinandi.

Ntheura Yosefe wakati ku ŵana ŵanyakhe, “Nkhumuŵeyani, sendererani kwa nane.” Iwo ŵakasenderera. Ndipo iyo wakati, “Ine ndine Yosefe, mwana munyinu, mweneuyo mukamuguliska ku Eguputo.

Njara yawa mu charu sono virimika viŵiri, kweni kwakharaso virimika vinkhonde mu vyeneivyo kuti kwamkuŵako kulima chara nanga nkhuvuna.

Yosefe wakati ku ŵana ŵanyakhe, “Ine ndine Yosefe. Kasi ŵadada ŵachali ŵamoyo?” Kweni ŵana ŵanyakhe kuti ŵakamanya kumuzgora chara, chifukwa ŵakofiwa.