Populāri Bībeles panti no Kufuma 4

Dalīties

FUMU yikati kwa iyo, “Kasi ndi njani uyo wali kumupa munthu mlomo? Kasi ndi njani wakumuzgora munthu kuŵa mbuwu panji wakumangwa makutu, panji kuti walaŵiske ndiposo panji kuti waŵe wa chiburumutira? Asi ndine nda FUMU? Ntheura sono rutanga. Ine ndamkukovwira kuyowoya ndipo ndamkukusambizga icho ukwenera kuyowoya.”

Kweni Mozesi wakati kwa FUMU, “Mwe FUMU, ndaŵeya, ine kuti nkhumanya kuyowoya makora chara kufuma papo kale nanga ndi apo mwambira kuyowoya na muteŵeti winu. Lulimi lwane nduzitu ndipo ndine wa chikwikwi.”

Penepapo ukari wa FUMU ukagolera pa Mozesi ndipo yikati, “Asi waliko Aroni, muLevi, uyo ndi mukuru wako. Nkhumanya kuti iyo wangayowoya makora. Ndipo sono wali mu nthowa wakwiza kuti wakumane nawe. Para wizamkuwona iwe, wizamukondwa chomene.