Populāri Bībeles panti no JOHAN 10

Dalīties

Miruh tuh ru khylan, chia khylan te syro khylan rou nynh yn thua. Kae tuh hiinnaw hoi hae zah, tuh-e hiinnaw tuh phe ccing lan a hoi nawlan hae nynh kae thua.

“Kae tuh tuurin hoypaw nynh ka thua. Tuurin hoypaw nynh tuh a hiinnaw kha tuu hae hanlan a pyaku.

Ka tuu hae nynh ka roi kha a thae hae. Minmin kha ka nyh hae zah minmin nynh kae kha yn zui hae.

Minmin kha zungzae hiinnaw ka pya hae zah, minmin tuh papin chih vae lan khyh hae. Hum nynh sanmah minmin kha ka kuih kyate yn lua kho vae lan khyh.

Kae tuh sakoih nynh ka thua. Humhung zemah ka kyate a teepaw tuh khum athua cih; aning tuh a tee a pou cih zah rampaeenaw kha a muihkuh cih.

Kae tuh tuurin hoypaw nynh ka thua. Ka tuu hae kha ka nyh zah ka tuu hae nynh mah yn ny hae.

Minmin kha ka kalan yn pyatupaw ka Paaw tuh pawpaw balyn laeze a lesaehua; hum nynh sanmah minmin kha ka Paaw kuih kyate lua kho lan khyh. Kae te ka Paaw tuh ccangkheit nynh kae thua,” a ci.

Ka Paaw nynh kae kha yn ny hawte, kae nynh mah ka Paaw kha ka ny. Ka hiinnaw kha tuu hae hanlan ka pyaku.

Hum nynh san tuh-e hiinnaw tuh ka kyate lah kho khyh, tuh-e tuh kamaw lungthote ka pyaku. Ka hiinnaw pyakunaw kaw ka hoi zah lawthuinaw kaw mah ka hoi. Tuh-e kaw tuh ka Paaw kyate nynh ka mue,” a ci.

Tukeiccuze Jesu nynh bua hopah hae zah, “Byaccaccing kae hopya oh, kae tuh tuu hae teenaw sakoih nynh ka thua.

Tuurintu athua leipaw, tuu mah a hoi leipaw, hohpaw ccungccaw nynh tuh suizaw yn thuapaw kha a muih ze, tuu hae kha cciataw zah phe a ccuetaw; suizaw nynh tuu hae kha kyng hae zah pong a phiasaku hae.

Jesu nynh, “Byaccaccing kae hopya oh, tuukhia lungkhu lang sakoih kyate tee leite, ccangpaw kyate kae zah a teepaw tuh miruh te damiah nynh thua.