Populāri Bībeles panti no LUK 6

Dalīties

Pala pi nyu cülo, isathu Anyiza la pi nthu cüben; tsüna kede kemehai sala deshenchi, kecügüchi, nu zügüpongca pi nthu thsü wi keshuchi cüben. Kepaghenanye nthu na kede pi nyu kecü tsüti Anyiza la kede pi nthu ccü neng shaben.

Anyi kemehai nyi na ma leben wi pala kemehai keben tsü sen shhugho den; nu anyi nkemehai nyi na ma leben wi pala nkemehai keben tsü sen shhugho den. Kepaghenanye anyi kesü ma leben wi mangwa ben khe ma pang pi tsü khishi chiden.

Isala nthu nankemeghüthu tizen, nu mathu ghena kemehaiwa salo; pala pi nyu nna thsü nu mu neng yale nsa la. Isathu nthu kutimen muyaben, nu nthu na Kemisintsa Anyiza tsangathu sayaben. Kepaghenanye ma nkemehaithu nu gheshighenathu tuwi lela mehaiden.

Nthu Ba na nyu nantizen keten ti nthu la nyu nantizen tenlo.

“Nyu kesami nbha la, isathu Anyiza la nthu kesami bha nben; nyu n-nyuwa nsa la, isathu Anyiza la nthu n-nyuwa sa nben; nyu kesami teshi pi cülo, isathu Anyiza la nthu kesami teshi pi cüben.

“Isala ijüh za kebenthu, hi nthu kizaden: Nthu ghinyithu tizenyalo, nthu nanmeghü ketenthu ghena kemehaiwa sa, sawegü pi nthu kishencü ketenthu cü, nu nthu nkhichila ketenthu ghena kekhie salo.

Nyu ya nthu kenenwa sa thsü mvu keben tsüti nthu la nyu kenenwa satenlo.

Keujüla nyu ndephi kesü cen cü lethu, ma ya pahanwa la cen thsülo; keujüla nyu nthsü khuya lethu, ma ya ngwomejuwa la khuya thsülo. Nyu na nthu wi pala kekhie tsüdila pi cülo, nu nyu nthu ji khuya lela tsü nkhie neng lalo.

“Achanton kemehai na ma bi nkemehai bün nten; nyelela ma ton nkemehai na ma bi kemehai bün nten.

Achanton tsüdila ma bi wina chüyaden; nthu na aghazüton wi khhaghabvü bi laya nten, nyelela ataqaeton wi kemeshentsse bi laya nten.