Populāri Bībeles panti no Luka 6

Dalīties

Nyikani, mi ta nyikiwa; endzeni ka nkhancu lowu mi wu hakarhaka exifuveni, ku ta cheriwa mpimo lowu tivikanaka, lowu gandliweke, lowu hlunguhliweke, lowu khapaka; hikuva mpimo lowu mi pimelaka van'wana ha wona, mi ta pimeriwa ha wona na n'wina.”

Munhu lonene ú humesa leswinene exumeni lexinene xa mbilu ya yena, ni munhu lowo biha ú humesa leswo biha exumeni lexo biha xa mbilu ya yena, hikuva nomo wa munhu wu vula leswi mbilu ya yena yi teleke swona.

Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

Mi va ni nsovo kukota leswi Tata wa n'wina na yena a nga ni nsovo.

“Mi nga avanyisi, kutani a mi nga avanyisiwi; mi nga veki van'wana emilandzu, kutani a mi nga vekiwi milandzu; rivalelani, kutani mi ta rivaleriwa.

“Kambe eka n'wina lava mi ndzi yingisaka ndzi ri: Rhandzani valala va n'wina, mi endla leswinene eka lava va mi vengaka. Katekisani lava va mi rhukanaka, mi khongelela lava va mi karhataka.

Leswi mi lavaka leswaku vanhu va mi endla swona, va endleni swona na n'wina

Loko munhu a ku makala rhama, n'wi kangatelele ni lerin'wana; la ku vutlelaka jasi, u nga n'wi aleli ni baji. Nyika mani na mani la kombelaka eka wena; ni loko munhu a ku tekela swa wena, u nga n'wi londzi.

“A ku na murhi lowo nandziha lowu vekaka mihandzu leyo biha, naswona a ku na murhi lowo biha lowu vekaka mihandzu leyo nandziha.

Kunene murhi wun'wana ni wun'wana wu tiviwa hi mihandzu ya wona. Makuwa ma nga ka ma nga khiwi emitweni, ni xichocho xa vhinya xi nga ka xi nga khiwi eswigatlwini.