Populāri Bībeles panti no Matiö 19

Dalīties

'Yö Yesu ‑ya ‑nu ‑ga "sɛnngdhö, 'yö‑ pö: «Mɛ "bhɩɩ‑ ‑zë ‑kɔ 'yaa ꞊mɔɔ‑ ‑bha, "kɛɛ Atanna ‑zë ‑fiëbhawɔn 'yaa 'dhö.»

꞊Ya kë "dhʋ̈ kö dhe waa‑ gɔn 'wo bha 'waa mɛ ꞊plɛ 'ka 'zü, kö ꞊wa kë pë do ꞊në‑ 'ka. ‑A ‑kë "dhʋ̈ ‑sü 'gü kö 'pë 'ö Atanna ꞊yaa‑ ꞊nëng 'kwëë‑ bha, mɛ 'bha 'ya 'dho‑ pö 'ö‑ "kan 'kwëë‑.»

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «'Pë 'ö ‑bɛn zë ‑sü 'ka Atanna ‑wʋ 'gü 'kaa‑ dɔ ꞊në wo ‑ee? ‹‑A zübhoyi 'ka Atanna ‑yö gɔɔn‑ waa‑ dhebhɔ ꞊në‑ ‑nu ‑da.› 'Yö go mü 'ö‑ pö: ‹‑A ‑kë "dhʋ̈ ‑sü 'gü, gɔɔn‑ ‑dho "kan ö dë waa‑ ö dhe ‑a ‑nu ‑bha, 'yö waa‑ ‑bha dhebhɔ 'wo ‑tosɛa ‑kë, 'yö wɛng 'wo ‑kë pë do 'ka.›

'Yö Yesu ‑ya pö‑ ‑nu ‑dhɛ: «‑Ka ka kwaa‑ 'nësɛɛnnë ‑nu ‑zü kö ‑wo nu n "piʋ̈ 'ka 'dho ‑a ‑nu "piʋ̈ kë, ‑a ‑gɛn ‑mü ꞊dhɛ Atanna ‑bha ‑gblüdëdhɛ ‑yö 'mɛ 'wo bhɔ 'në ‑nu ya‑ ‑nu ‑bha ꞊në‑ ‑nu ‑bha 'ka.»

"Kɛɛ 'mɛ 'wo mɛ ‑blɛɛsü ‑nu 'ka "tʋ̈ng ya‑ 'gü bha, ‑a mɛ 'gbɛ ‑dhɛ ‑dho 'to ꞊taama, 'ö 'mɛ 'wo ꞊taama 'pö "tʋ̈ng ya‑ 'gü bha‑ mɛ 'gbɛ 'wo bɔ "dhiʋ̈.»

꞊Ya 'go mü mɛ "pɛpɛ 'wo dho woo‑ 'kɔ ‑nu waa‑ wo dheebhang gɔɔn‑ ‑nu waa‑ dhong ‑nu, wo dë ‑nu, wo dhe ‑nu waa‑ woo‑ dhebhɔ ‑nu, woo‑ 'në ‑nu "ɛɛn woo‑ 'bhlaa‑ ‑nu 'to n ‑wɔn 'gü, ‑wo ‑dho ‑a "dhiʋ̈ ‑ziö ‑ta ꞊slɔɔ, 'ö 'wo dho 'wo ꞊sii 'ö 'yaa yën bha‑ ꞊slɔɔ.

'Yö Yesu ‑ya pö‑ ‑dhɛ: «'Bha‑ pö‑ "dhiʋ̈ ‑yö pa Atanna wëëdhö, ‑bhö 'dho kö pë "pɛpɛ 'ö i ‑gɔ 'i‑ ꞊gban 'go, kö 'i‑ sɔng bha‑ ꞊gbaɔ "flɛɛmɛ ‑nu ‑gɔ kö 'i nu 'i ‑da n ꞊keng‑. 'Bha‑ kë "dhʋ̈ i ‑dho ꞊naɔ 'dhɛ 'ö dhang‑ 'gü ‑a ꞊slɔɔ.»

'Yö Yesu ‑ya pö‑ ‑dhɛ 'ö‑ pö: «I n dhɛɛ" ‑kpɔ 'wɔn 'ö ‑gban 'wɔn ‑së ‑bha ‑a ‑wɔn 'ka ‑më ‑wɔn 'gü? Atanna yöö do ꞊në‑ këwɔn 'dhö ‑së. ꞊Ya kë ꞊dhɛ ꞊sii 'ö 'yaa yën bha‑ ‑dhɔ ꞊ya kë i ‑bha kö ‑bhö i 'gü dɔ "gbɩɩ‑ kö 'i Atanna ‑bha 'tɔng‑ ‑nu ꞊në‑ ꞊bhlëë ‑ya!»

'Ö 'a‑ pö 'zü ka ‑dhɛ ꞊dhɛ: ‑Yɔɔnmɛa ‑bha bɔ ‑sɛdha ‑yɛ 'ka ‑dhɛ ‑yö 'ya‑, "kɛɛ ꞊naɔmɛ ‑nu ‑bha ‑da Atanna ‑bha ‑gblüdëdhɛ 'gü ‑sü ‑yö "gbɩɩ‑ 'ö ‑ziö ‑yɔɔnmɛa ‑bha ‑ziö ‑sɛdha ‑yɛ 'ka ‑sü ‑ta.»

A‑ ‑pö ka ‑dhɛ ꞊dhɛ: Mɛ "ʋʋ mɛ 'ö ö ‑bha dhebhɔ bho "bü, kö‑ ‑gɛn 'yii kë‑ ‑zuazëwɔn ‑zë 'ka, kö ‑yö 'dho ‑yö dhe "wɛɛ 'sü, kö‑ ‑mɛ ‑yö ‑da ꞊në wo mɛ ‑nu ‑bha dhe "piʋ̈ bha.»

꞊Dhɛ 'ö ꞊ya 'dho, 'yö Yesu ‑ya pö ö ‑bha ꞊klang ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: ꞊Naɔmɛ ‑nu ‑bha ‑da Atanna ‑bha ‑gblüdëdhɛ 'gü ‑dhɛ ‑dho kë "gbɩɩ‑.