Populāri Bībeles panti no 創世記 49

Dalīties

猶大 會一直掌管王權， 佢个後代會長久統治。 萬國會向佢進貢， 萬民會向佢跪拜。

約瑟 像泉水滣个野驢， 像山岡頂个細野馬。 敵人強強愛攻擊佢， 開弓射箭來迫害佢。

總係倚靠 雅各 大能个上帝， 佢个弓還係盡硬撐； 因為 以色列 个牧人係你个保護者， 佢个手還遽板有力。 若爸个上帝會幫助你， 全能个上帝賜福給你。 佢賜給你天頂个甘霖、地上个泉水， 六畜興旺，子孫眾多。

猶大 啊，你个兄弟攏總會稱讚你。 你會揢等敵人个頸筋； 你該兜兄弟會在你面前跪拜。 猶大 像少壯个獅仔， 捉到獵物帶轉洞肚； 佢像獅仔伏等睡， 無人敢惹佢！

呂便 啊，你係𠊎个長子，你係𠊎个精力； 你係𠊎成人以後𫱔个第一個孻仔， 係𠊎最強壯、最堪得驕傲个孻仔。 無想到，你个情慾像大水氾濫， 你㧯阿爸个細姐睡， 打垃圾阿爸个眠床， 所以你做毋得企頭。