Populāri Bībeles panti no 出埃及記 3

Dalīties

上帝對 摩西 講：「𠊎係自有永有个 。你去㧯 以色列 人講：『該自有永有个派𠊎到你等這位來。』」

上帝應講：「𠊎愛㧯你共下。你𢱋吾子民出 埃及 以後，你等愛在這山頂敬拜𠊎；這就係𠊎派你去个證據。」

上帝講：「做毋得再行前來。脫掉你个鞋，因為你所企个地方係聖地。」

上主講：「𠊎已經看到𠊎个子民在 埃及 受苦；𠊎已經聽到佢等受監工管轄、發出个哀求。佢等个痛苦，𠊎攏總知。 所以𠊎下來，愛對 埃及 人手中將佢等救出來，𢱋佢等到盡肥、又闊又大、流乳㧯蜜个地方去：該所在係 迦南 人、 赫 人、 亞摩利 人、 比利洗 人、 希未 人㧯 耶布斯 人住个地方。

在該位，上主个天使對竻藪个火焰中向 摩西 顯現。 摩西 看到竻仔𤏸火，總係無燒掉。

這下𠊎愛派你去 埃及 王該位，將吾子民 以色列 人對 埃及 𢱋出來。」