Populāri Bībeles panti no Lukas 7

Dalīties

Kuv qha rua koj has tas, qhov kws tug quaspuj nuav muaj kev hlub luj le nuav, vim ntau yaam kev txhum kws nwg tau ua lug, Vaajtswv tub zaam huv tuabsi lawm. Tabsis tug kws tau txais kev zaamtxim tsawg, tug ntawd yeej hlub Vaajtswv tsawg dlua.” Yexus txawm has rua tug quaspuj ntawd tas, “Koj lub txim tub raug zaam lawm.”

Yexus has rua tug quaspuj ntawd tas, “Koj txuj kev ntseeg tub cawm tau koj dlim lawm; koj cale moog kaajsab lug.”

Nwg lug sawv tom Yexus qaab ncaaj ntawm Yexus kutaw, nwg quaj kuamuag poob lug ua rua Yexus ob txhais kutaw ntub taag. Tes nwg txawm muab nwg cov plaubhau lug so, nwg nwj Yexus kutaw hab muab cov tshuaj tswqaab lug laub ywg Yexus kutaw.

hab kuv suav has tas kuv yog ib tug kws tsi tsimnyog yuav tuaj cuag Koj timntsej timmuag. Thov koj has ib lus xwb tes kuv tug tubkhai yeej yuav zoo. Kuv kuj yog ib tug tuabneeg kws nyob huvqaab kev tswjfwm ntawm lwmtug thawjcoj, tabsis kuj muaj ib cov tubrog kws nyob huvqaab kev tswjfwm ntawm kuv hab. Yog kuv has rua tug nuav tas, ‘Moog!’ tes nwg yeej moog. Yog kuv has rua tug tod tas, ‘Lug!’ tes nwg yeej lug. Hab yog kuv has rua kuv tug tubqhe tas, ‘Ua le nuav!’ tes nwg yeej ua le ntawd.” Thaus Yexus nov le ntawd, Nwg xaav tsi thoob le; Nwg txhaj tig moog has rua cov tuabneeg coob-coob kws lawv Nwg qaab has tas, “Kuv qha rua mej has tas, txawm yog huv cov Yixalayees ntaag los Kuv yeej tsi tau pum dlua ib txuj kev ntseeg kws luj npaum le nuav!”

Lub sijhawm ntawd Yexus tau khu ntau tug tuabneeg kws muaj mob zoo taag huv tuabsi, Nwg ntab ntau tug ntsujplig phem tawm, hab khu cov tuabneeg dligmuag ntau leej rov pumkev. Nwg teb ob tug kws Yauhaas khaiv tuaj ntawd has tas, “Meb cale rov moog qha tej kws meb pum hab meb nov rua Yauhaas has tas: cov tuabneeg dligmuag tub pumkev lawm, cov tuabneeg tuag ceg tub moog taug, cov tuabneeg mob ruas tub zoo lawm, cov tuabneeg laagntseg tub nov lug lawm, cov tuabneeg tuag tub sawv rov lug muaj txujsa, hab Txuj Moo Zoo tub raug qha rua cov tuabneeg txomnyem lawm.