Populāri Bībeles panti no Lukas 12

Dalīties

Yogle ntawd, mej los yuavtsum npaaj kuas txhij, ruaqhov Tuabneeg Leejtub yuav lug lub sijhawm kws mej tsi ceevfaaj txug Nwg.”

Tabsis mej yuavtsum xub nrhav Vaajtswv lub Tebchaws tsaiv, Nwg maamle muab tej nuav rua mej.

Tes Yexus txawm has rua suavdlawg tas, “Mej txhua tug yuavtsum ceevfaaj tsi xob ua tug tuabneeg kws ntshaw txhua yaam, ruaqhov tuabneeg txujsa tsi yog nyob rua ntawm txhua yaam txhua tsaav kws nwg muaj.”

Ruaqhov mej tej nyajtxag nyob qhovtwg, mej lub sab yeej yuav nyob qhov ntawd.

Mej tej kev txhawj puas yuav ua rua mej muaj sa nyob ntev zog ntxiv?

Tes Yexus txawm has rua Nwg cov thwjtim has tas, “Vimle nuav, Kuv txhaj qha rua mej kuas mej tsi xob txhawj txug mej txujsa has tas mej yuav noj dlaabtsi lossis txhawj txug mej lub cev has tas mej yuav naav dlaabtsi.

Txawm yog mej tej plaubhau los Vaajtswv tub suav txhua txuj huv tuabsi ca lawm. Yogle ntawd, mej tsi xob ntshai; mej tseem muajnqes tshaaj le ntau tug noog tsev!

“Cov mivnyuas yaaj 'e, mej tsi xob ntshai, ruaqhov mej Leejtxiv tub txaussab muab nwg lub tebchaws rua mej lawm.

Mej saib tej uab-laag seb: puab yeej tsi cog qoobloo hab tsi hlais tsi sau; puab yeej tsi muaj txhaab tsi muaj phawv ntim qoobloo ca; los Vaajtswv tseem yug puab! Mej tseem muajnqes heev dlua tej noog ntawd!

“Yogle ntawd, mej tsi xob txhawj tas mej yuav noj hab yuav haus dlaabtsi.

Tej nyuas nrojtsuag kws muaj nyob nubnua tabsis pigkig xwb luas tub yuav muab pov hlawv rua huv qhovcub, los Vaajtswv tseem pub rua nwg tawgpaaj zoonkauj kawg le. Mej xaav tas Vaajtswv yuav tsi pub rua mej muaj naav zoo dlua tej nrojtsuag ntawd nua lov? Uacaag mej kev ntseeg yuav miv ualuaj le!

Tej kws muab npug ca lawm yeej yuav raug muab qheb kuas suavdlawg paub, hab txhua yaam kws muab zais ca lawm yeej yuav raug muab nthuav tawm xwb.