Populāri Bībeles panti no यूहन्‍ना 11

Dalīties

येशूले भन्‍नुभयो, “मरेकाहरूलाई बिउँताउने र जीवन दिने म नै हुँ। मलाई विश्‍वास गर्ने जोसुकै होस्, मरे पनि बाँच्‍नेछ! मलाई विश्‍वास गरेर बाँचेपछि ऊ फेरि कहिल्‍यै पनि मर्नेछैन। के तिमी यो कुरा विश्‍वास गर्‌छ्‌यौ?”

येशूले तिनलाई भन्‍नुभयो, “विश्‍वास गर्‍यौ भने तिमीले परमेश्‍वरको महान् शक्ति देख्‍नेछ्यौ भनेर मैले भनेको होइनँ र?”

त्‍यति बेला येशू पनि रुनुभयो।

यो खबर सुनेर येशूले भन्‍नुभयो, “लाजरस बिरामी छन्, तर अन्‍तमा उनी मर्नेछैनन्। उनी बिरामी भएको त परमेश्‍वरको महिमाको निम्‍ति हो र यसैद्वारा मानिसहरूले परमेश्‍वरको पुत्रको पनि महिमा गर्नेछन्।”

यति भनिसकेपछि येशूले ठूलो सोरमा बोलाउनुभयो, “हे लाजरस, बाहिर आऊ।” तब मरेको लाजरस उठेर बाहिर आए। उनी टाउकोदेखि खुट्टासम्‍मै कात्रोले बेरिएका थिए। येशूले मानिसहरूलाई भन्‍नुभयो, “कात्रो फुकाएर उनलाई जान देओ।”

येशू फेरि हृदयदेखि नै दु:खी हुनुभयो र चिहानतिर जानुभयो। त्‍यो एउटा गुफा थियो र त्‍यसको मुख ठूलो ढुङ्गाले ढाकिएको थियो।

त्‍यसपछि येशूले भन्‍नुभयो, “हाम्रा साथी लाजरस निद्रामा परेका छन्। अब म उनलाई बिउँझाउन जान्‍छु।”