Populāri Bībeles panti no Matius Uram 16

Dalīties

Ura, Er Yesus biryi Er miliramnyi nang asi ato ebmou, “Unanyi-unaner aryi, ‘Er Yesus bisi milibkwan,’ tenebci ura, a nang ara sun tenerdaramingnyi dinyi asi dongtam kibdeiboka Er Imtamnyi teleb tenesurur dinyi asi u dikum deirina teleb. Tonda, a nang ara, ‘Ninyi aryi mambul kibdeibningiryok, co lase ikin dinyi takubdeiboka obningnyi ababyi niryi Yesus bisi milibkwan,’ tenen Nisi milinina teleb.

Ba, kanci Nisi, ‘Ato-ato anyi kurum,’ ebmanirim to, Nibabyi neiktoto kanti, ‘Ato-ato anyi kurum,’ ebkwinkin. Kan si ara, ‘Petrus,’ ekunung ara danguboka, ‘Lulungna kum keil,’ ekunung. Ati, kanci lulungna kum uca Nisi dib eboka lak ebmanirim deyok aryi, ninyi aryi kan si, ‘Petrus,’ diboka ekunung. Ura, Niryi ninyi ilinto naboka bulubdeibkwan ara kanci lulungna kum uca lak ebmanirim to deici aryi tikeibkwan. Ba, ninyi dirdeirin dinyi ara mikib weik kuboka sun din nang asi diboka talernururandiryok, a dinyi ara Niryi naboka bulubdeibkwan nang asi muna kum kibdongobkwande.

Niryi kansi mikib karebmakin uca, kanci Er Imtamnyi amwetam kibdeibmaci nang asi, ‘Ato-ato kubdarur,’ eboka kalikwandim. Tonda, kanci sun tukwetam nang asi, ‘Ato-ato kubdarur,’ ebminyi tok, Er Imtamnyi bibabyi neiktoto, ‘Ato-ato kubdarur,’ ebkwande. Tonda, kanci sun tukwetam nang asi, ‘Ato-ato kuna mem,’ ebminyi tok, Er Imtamnyi bibabyi neiktoto, ‘Ato-ato kuna mem,’ ebkwande.” Ato eboka Er Yesus biryi eterebmou.

Ara, unanyi-unaner aryi, ‘Ninyi aryi ni obningnyei,’ tenen Nisi tangloraming ara kam kun dinyi kum dobdobkwaming. Ba, unanyi-unaner aryi Ni deyok ati, ‘Malyi. Ninyi aryi nisi obningnyi ababyi, niryi nun Du Yesus bisi milibkwan,’ tenen kuramingnyi nang ara iya kam kun dinyi dobdobkwaming.

Ninyi tentok aryi im dangna tukwe dangna aryi kuboka bona bon dinyi nirya asi talerante bok, Er Imtamnyi biryi karerande kam kun dinyi kum dobdobte ura, er talerante bona bon dinyi ersi teleb kubdeibte do? Ato tenen kum. Tonda, anyi biryi, ‘Iya kam kun dinyi dobdobtinyi,’ tenen Er bona bon dinyi nirya asi karebtiryok, iya kam kun dinyi dekdobte do? Ato tenen kum.

Ura, Er Yesus biryi sunsi tubto asibdenmou, “Ba, sunci kuboka Nisi ara unato anyi kunun tenenindarur do?” eboka asibdenmou. Uca, Simon Petrus biryi ato ebmou, “Kanda Er Imtamnyi biryi Bokwetebkounyi ninyi lemsina ati yanmoumwe Weik Sienyi kurum. Kanda Er Imtamnyi iya kam kururnyi Mi kobdob kurum,” ebmou.

Uca, Yesus biryi Simon Petrus bisi ato ebmou, “Se, Simon Yunus mi. Kanci diboka ebmarim ati, kanda Er Imtamnyi biryi kisal dangkururnyi kurum. Kanci Niti, ‘Ato-ato anyi kurur,’ tenen bikmarima ara ninyi aryi lak kiboka kum ebkarebmaking. Eda, Ni Nai Imtamnyi biryi lak kiboka ebkarebmakir ati ato ebmarim.