Populāri Bībeles panti no Lukas Uram 17

Dalīties

Ato ebmou ura, Samarianyi bisi, “Kanbiramnyi aryi Nisi, ‘Diba Er Imtamnyi biryi Bokwetebunyi biryi kwetebmanir,’ tenebmarim deyok aryi, sirya lebmakin ati, ur tikoka bindobdum!” ebmou.

Ba, uki tentok berekmaci tum aryi sun kwit biryi liki tabaryi sunsi manmalirdongonmasiriryi, sun dam liki tabaryi yandoka, ‘Ni malyi kunman dinyi ara malyito kunman,’ tenebman eboka lak eryanganmaci ura, er malyi kun dinyi luba kiboka er ab antanibdeibdandarur!” ebmou.

Ba, ninyi tentok ara er nong dirdarderamwe uca, er nong bol taleamwe susa ara nirya kum dandobmou. Ura, er kanya kilkil aryi tubto tamuboka Er Yesus dam yanganmouci, uram weikanun iboka Er Imtamnyi bisi si weik ebde yanmou. Ani, Er Yesus urasin dam luknubdongo ngang dakdongoboka buryanmouci, Er Yesus bisi kibdobmou. A yandoka ukubmounyi bira sun Yahudi yala nang aryi, “Samaria nang ara Er Imtamnyi bisi diboka kum tenenung nang,” teneramnyi ateinyi biryi kubmou.

Ati, sunci yuk nang asi yan benebmunyei ati kalikdandobdarur! Sun kwit yabwe aryi sunsi malyi kubdongobsingnyi ura, lilibdeibkwandarur! Ba, sun kwit yabwe aryi, ‘Nai e ni malyi kubman,’ tenebci ura, er malyi kun dinyi ara luba kiboka er ab antanibdeibdandarur!

Ura, Er Yesus biryi ato ebmou, “ ‘Se, Ni kweteabne nang ara ninyi takubaryi,’ tenebman bok, toubnibaryi nang ara dantam binmang ba, anyi tentok tubto tamuboka yanmar do?

Ato ebmai bok, Er Yesus biryi sunsi ato ebmou, “Sunci Niryi eteresunun uram asi diba teneramunyi dinyi asi, keibyi du mitika ato sun kanya dam kuansici ura, a co kwarang asi, ‘Tobkaboka weik me kwan deici tingbirum,’ ebdate ababyi sun ebmandate to kunubkwamote,” ebmou.

Unanyi biryi kam kun dinyi ati, ‘Wanikdanyei,’ tenen dungdaroranci ura, aminda ara iya kam kun dinyi kum dobdobkwande. Ba, unanyi biryi Ni deyok ati kunmariryi, kam kun dinyi waningdaranci ura, aminda ara iya kam kun dinyi dobdobkwande.

Er Yesus biryi Er miliramnyi nang asi eterenmouci, ato ebmou, “Aminda ara ton nang aryi ton yuk nang asi, ‘Malyi kun dinyi kubting,’ tenen yan benebdankwaming. Bok, ‘Malyi kun dinyi kubting,’ tenen yan benebkwandanyi bira aminda ara Er Imtamnyi biryi ersi wenebkwande. Ba, Er Imtamnyi Uram ukuryok kekeboka kunurkalinmarinyi bisi ninyi tentok aryi, ‘Malyi kun dinyi kubte,’ tenen malyi kun dinyi dam bobici. Ura, anyi bisi ikin keil aryi ngang youbdongoboka me kwan umbura dongorbinkwamandate ara malyi ikin kum. Bok, ‘Malyi kun dinyi kubte,’ tenen bobinandinyi bisi Er Imtamnyi biryi wenebkwande dinyi ara iya ikin weik dinyi bobdeibkwande.

Ato ebmou cok, neik deyok ati kiklina ton ato ebmou, “Ni Ninyi Dasinyi tamuryuryankwan tum ara Nuh kuramwe talak aryi kuamwe to kuboka kunubkwande. Nuh kuramwe talak ara mangkau aryi kwaning yiboka me yiboka, ner kabdeibdandoka kuramnyi. Ani, Nuh weik co ngun-ngun umbura wengdorbinmou tum ara me oboka ninyi nirya siklibmou ba, isin daksekmai.