Populāri Bībeles panti no Matie 15

Dalīties

Tɛ́n eci léyi ke dú ɔwrɔnẅì mùan mɛ̀n kɛ srɔ ɛntrɛ nɔn dú ɛnbɔrɛ mɛ̀n nvà, kɩ eci ndɔ lɔ de kɛ wá ɔwrɔn ɛnbrá edomɛ̀n nɔn. Ɔmuhi ankà-tro gbàngbàn hɔ̀n léyi ke dú ɔwrɔnẅì ɛnbɔrɛ mɛ̀n kɛ và nɔn de kɛ wá tán le ye wri ɔwrɔn, yɛ hán ɛnnyɔnwrɔn mán ɛncɔnwrɔn-bi-gbàn, yɛ hán eci gbàngbàn, ye yerɛ ɛci, yɛ ẅɛn ɛyɔ̀n ye ku ɔwrɔn ɛwú kɩ yɛ dɔ́ anwrɔn ankà gbàngbàn ɛmɛẅi.

Kè sɩ̀ dù eci léyi ke dú ɛntrɛ ke bru ɔwrɔnẅì mùan lɔ mɛ̀n nɔn de kɛ wá nɛ̀n ɛnbrá edomɛ̀n nɔn. Tɛ́n eci léyi ke dú n'ɔmùan lɔ mɛ̀n kɛ srɔ ɛntrɛ nɔn de kɛ wá nɛ̀n ɛnbrá edomɛ̀n nɔn.”

Ɔwɔ kɛ dɔ̀ le: ‘Fɛcüè ndɔ lɔ kɛ mrɛ́n mɛ̀n ɔmuanwrú wú, tɛ́n n'ɛnbɔrɛ dú esù she m'ɛtɛ̀sɛ̀n. Ankɔrɛ̀ léyi anwrɔn ndɔ hɔ̀n lɔ cüe mɛ̀n ezìwú nɔn, kè sɩ̀ ẅɛ̀n vɔ̀nshɛ́ ɔmuhi yɔ yé anwrɔnẅì nyànmàn kɛ hán le m'ɛnyànmàn hɔ́.’ ”

Zɛtɛn Zhezü mrɛ́n nɛ̀n ɔmùan le: “O! Ankàẅì-bùtan sɩ́ mɛ́n evri! Ɔwɔ kɛ tán mɛ́n eci léyi e ji nɔn.” Kɩ ɛnvra zri lɔ mɛ̀n, n'ɛnnyɔnwrɔn-ẅì lɔ cɔ́ ɔkɔrɛ̀.

Tɛ́n ɛnnyɔnwrɔn lɔ vá bore Zhezü ezìwú annankruemɛ̀n kɩ kɛ dɔ̀ le: “Ankà-yé-wrɔn, wá mɛ̀n ɛkɔrɛ̀!” Zhezü mrɛ́n ɔmùan le: “Kè sɩ̀ zrɔ̀ tán le ye bɩ́ ɛẅì hɔ̀n ci-zî lɔ yɛ kɔ̀n cüe ɛnlɛ̀tù hɔ̀n hán.” Ɛnnyɔnwrɔn lɔ mrɛ́n ɔmùan le: “Hɛ̀ɛ̀, ankàẅì, ankà-yé-wrɔn, ɔmu tɛ̀kɩ ɛnlɛ̀tù hɔ̀n mán ke zî ɛci léyi ke dú yɔ zi hɔ̀n tɛbrɛ̀ wú ke bore nɔn.”