Populāri Bībeles panti no Matiyu 8

Dalīties

Na, laung hi Īsa kanila, “Maytaꞌ kamu miyugaꞌ tuud? Kulang pakarayaw in pangandul niyu.” Sakali nagbangun na siya ampa niya diyaak in hangin iban alun pahundungun. Na, saruun-duun magtūy liminaw tuud in hulaꞌ.

“Ayaw na kaw madtu, Tuwan,” in sambung sin kapitan kaniya. “Diꞌ aku tūpun magpakadtu kaymu pa taas sin bāy ku sabab labi in kawasa mu dayn kākuꞌ! Malayngkan minsan kaw umiyan sadja dayn dī, tantu kaulian na in daraakun ku didtu ha bāy.

Na, nainu-inu tuud hi Īsa pagdungug niya. Laung niya ha manga tau mataud imuurul kaniya, “Baytaan ta kamu tuud, way aku nakalanggal hambuuk tau bangsa natuꞌ Israil amu in biyaꞌ ha yan in kusug sin parachaya iban pangandul.

Sakali laung hi Īsa ha kapitan “Uwiꞌ na kaw madtu. Dayn ha sabab sin parachaya iban pangandul mu, hikarihil na kaymu in piyangayuꞌ mu.” Sartaꞌ in daraakun sin kapitan didtu ha bāy kiyaulian na saruun-duun.

Magtūy in manga mulid niya kiyublaan. Agi nila, “Ay kaw naa, hisiyu bahaꞌ tuud in tau ini? Minsan in hangin iban alun magkahagad kaniya!”