Populāri Bībeles panti no Yann 6

Dalīties

Jezuz a lavaras dezho: Me eo ar bara a vuhez. An hini a zeuio da’m c’havout n’en devo biken naon, hag an hini a gred ennon n’en devo biken sec’hed.

Ar Spered eo a ro buhez, ar c’hig ne servij da netra. Ar gerioù a lavaran deoc’h a zo spered ha buhez.

Na labourit ket evit ar boued a ya da goll, met evit an hini a chom betek ar vuhez peurbadus hag a vo roet deoc’h gant Mab an den. Rak Doue an Tad en deus e verket gant e siell.

Setu amañ bolontez an hini en deus va c’haset, ma teuio piv bennak a wel ar Mab hag a gred ennañ da gaout ar vuhez peurbadus, hag en adsavin a varv d’an deiz diwezhañ.

Jezuz a respontas dezho: Houmañ eo oberenn Doue, ma kredot en hini en deus kaset.

Kement a roio an Tad din a zeuio da’m c’havout, ha ne lakain ket er-maez an hini a zeuio da’m c’havout

Simon-Pêr a respontas dezhañ: Aotrou, da biv ez afemp? Te ac’h eus gerioù ar vuhez peurbadus

Me eo ar bara bev a zo diskennet eus an neñv. Mar debr unan bennak eus ar bara-mañ, e vevo da viken. Hag ar bara a roin eo va c’hig, a roin evit buhez ar bed.

Den ne c’hell dont da’m c’havout ma ne vefe sachet gant an Tad en deus va c’haset, ha en adsavin a varv d’an deiz diwezhañ.

Rak bara Doue eo an hini en deus diskennet eus an neñv hag a ro ar vuhez d’ar bed.

Me eo ar bara a vuhez.

Jezuz a gemeras ar baraoù hag, o vezañ trugarekaet, o roas d’an diskibien, hag an diskibien d’ar re a oa azezet, hag en hevelep doare gant ar pesked, kement ha ma fellas dezho. Goude m’o doe bet o gwalc’h, e lavaras d’e ziskibien: Dastumit an tammoù a zo manet, evit na vo kollet netra.

P’o doa roeñvet war-dro pemp war-n-ugent pe tregont stadenn, e weljont Jezuz a gerzhe war ar mor hag a dostae ouzh ar vag. Hag o doe aon. Met eñ a lavaras dezho: Me eo, n’ho pet ket aon!