Populāri Bībeles panti no LUCAS 11

Dalīties

No sikayo, anta maoges kayo, et amta yoy mangiter na pankaabigay anak yo, lalo la sirin a say Aman walad tawen et iter toy Ispiritu Santo ed saray onkerew ed sikato.

Kanyan kuankod sikayo: Kerew kayo, et naitdan kayo. Mananap kayo, et makalmo kayo. Toktok kayo, et nalokasan para sikayo so puirta.

Ta naitday siopaman a mikerew; makalmoy siopaman a mananap; tan nalokasay siopaman ya ontoktok.

No mampikasi kayo, kuanen Jesus, onyay ibaga yo: Ama: Nagalang komuy ngaran mo; onsabi la komuy Panarian mo.

Pirdona mo kami pad saray kasalanan mi, ta pirdonaen mi ray amin a nankakasalanan ed sikami. Tan ag mo kami iyaakar ed pakatuksoan.

Itdan mo kami pay kanen min inagew-agew.

Say matam so pinagkasilew na laman mo. Kanyan no anggapoy sakit na matam, naliwawaan met so intiron laman mo. Balet no walay sakit na matam, nabilongetan met so intiron laman mo.

Anggapoy manelsel na lamparaan, insan to lamlamang iyamut o sakubay timba. Iyan to ingen ed panangipatoonan, pian nanengneng na totoon onloob ed abung so liwawa to.