Populāri Bībeles panti no Mata 12

Dalīties

Mə́ tə́ ii kíìn baanàá, nyàm aa Vɛnɛ́b dá nɛ́b bəd fágǹ bərə, nɛ́b bəd bàà bə̀ dá nwɔŋ tɛdń bəraa bə̀ gám, pig ɔ̀dnə́ŋ̀ boò tɛ́m də i'ǹ oò númú. Bə̀ dá Vɛnɛ́b in aa mà' bə̀, bə̀ gám kə̀ nwɔŋ bəraa rə baanàá. Vɛnɛ́b dá ii fágǹ kə̀ nwɔŋ bəraa íí gám doó. Íí gám tə́ nwɔŋ sɔ̀ɔ̀n gə́, Vɛnɛ́b dá ii baàn íí mà' invaksə́ sé, bít íí gám tə́ nwɔŋ vaksə́ gə́, Vɛnɛ́b fág dá ii kíìn ko'nàá.»

Íí nɛ́b vaksə́ bəraa kìínmbə̀ paì kíin yóo! Ééleè íí dá taà báàn nwɔŋ sɔ̀ɔ̀n baànmbə̀ gú, íí nɛ́b in vaksə́ bə̀ ma'ǹ bəd yéroó? Íí bán gá. Kàandə, inselké aa nyìì aí tɛ́mú rə, gú' gám sáá taá.

Nɛ́ŋə̀ sɔ̀ɔ̀n gə́, gám sáá nwɔŋ sɔ̀ɔ̀nkè bəraa oò tɛ́mú roó. Zá nɛ́ŋə̀ tɛ́m vaksə́ bə̀ gə́, gám sáá nwɔŋ vaksə́ bəraa oò tɛ́mú roó.

Kə̀ taàbìá, mə́ tə́ ii taà baanàá' Vɛnɛ́b dákíìn báàn nɛ́b bəd invaksə́ aa ìì mà' rə kóólé lo'ǹ daànmbìá, kə̀ mud bəraa ìì tə́ù dúùl lə tə́ kóólé. Zá màn aa dúú Nwul Gìdń də, Vɛnɛ́b lò' dààù invaksə́ oò gá.

«Ń í'ì téé wàà sɔ̀ɔ̀n bɔbm̀bə̀ gə́, m̀ mà' téé ń oò sɔ̀ɔ̀n kúnú. Téé ń sɔ̀ɔ̀n sə́n gə́, dá yɛb vaksə́ lɛbàá. Kàandə, nɛ́ŋə̀ dá téé nyìì gabm̀ kə̀ wàà luùm aa tə́ lɛbm̀ doó.