Traducción bíblica: Toba © Sociedad Bíblica de Argentina, 2012 Grabación de Toba ℗ 2017 Hosanna

Toba Qom - 2012 Edition (NT) Non Drama

Toba Qom - 2012 Edition (NT) Drama

<div class="version vid574 iso6393tob" data-vid="574" data-iso6393="tob">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">So Jes&#250;s nataren so &#7929;ale maye sa da'a&#241;iigue</div><div class="p"> 1Qaq co'ollaq qa&#7929;ata'ague de'era, nache So Jes&#250;s &#7929;e'eguelaxa ye Jerusal&#233;n, da yaqto' &#7929;alegueua'a so laponaxac na judiopi. 2Qaq se'eso lpaqtaxat ye n&#7929;ecpi ye Jerusal&#233;n, huo'o som lasom maye qa&#7929;amata'ac &#171;Nasom ana Qagueta.&#187; Somaye, nache saqa&#7929;apeque asom la&#7929;e' na 'etaxat maye huo'oi soua cinco &#241;eguereuo maye nataqa'en ishet da qanayeeto'ot na lpaqal, qaq na la'aqtac na hebreo da i&#7929;axana qalaq Betzat&#225;. 3Qaq asomaye, nache hueta'a so qalota sa no'onpi, huo'o na tagoxoicpi, qataq huo'o na &#241;e'eerauo naua lchel qataq na sa da'a&#241;iiguepi [maye choche iuatta'a da ndaxanataguec na le'ec 'etaxat asomaye, 4cha'aye som namaxashec piguem le'ec huo'o naxa ye na'a'q da na&#7929;a asa'aso la&#7929;e' na 'etaxat da iraxan na le'ec. Nache cam hua'auchigui&#241;i da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.]#5.3 Qalota aso togoshe lerepi na griegopi da &#7929;alecneuo so na'aqtac: Qaq namayepi choche iuatta'a ca ndaxanataguec na le'ec 'etaxat asomaye, cha'aye huo'o' naxa ye na'a'q nache anac som lamaxashec &#209;im Lo'onatac 'Enauacna da na&#7929;a asa'aso la&#7929;e' na 'etaxat da iraxan na le'ec. Nache cam la'auaxanec da tangui asomaye da huo'otaq ime da qairaxan na le'ec, nache camaye ishet da no'oita, na'aictaxa ca 'eetec ca lalolaxa. 5Qaq huo'o so &#7929;ale, nache hueta'asop asomaye. Somaye mashe ivi' naua treinta y ocho vi'iye da lalolaxa. 6Qaq So Jes&#250;s co'ollaq ila'a somaye da nnaatai', qataq qa&#7929;a'aqtaxanem da mashe qa&#7929;oqteguelo naua vi'iye da nache 'eeta'ac de'era somaye. Nache inat, 'eeta':</div><div class="p">&#8211;&#191;Peta'a 'anshetaique da 'am no'oita?</div><div class="p"> 7Nache se'eso sa no'on 'enapeco':</div><div class="p">&#8211;'Am Nataxala', qaica ca a&#7929;em itauan da sangui a&#241;i la&#7929;e' na 'etaxat naxa da ivita da qairaxan na le'ec. Cha'aye naxa da &#241;eshetaique da sangui a&#241;imaye, nache mashe sogote naxa da huo'o na hua'au&#241;igui da tangui.</div><div class="p"> 8Nache So Jes&#250;s 'enapega somaye, 'eeta':</div><div class="p">&#8211;Qo&#241;isheguem, 'auacona na 'aracanec, ime, nache 'auqueuo&#7929;apigui' nagui.</div><div class="p"> 9Hua&#241;a, nache se'eso &#7929;ale no'oita, inana't so lacanec, nache queuo&#7929;apigui'. Qaq se'eso na'a'q maye huetoigui de'era, somaye mataxaqui, se'eso na'a'q &#7929;ataqta saishetapec na judiopi. 10&#7928;oqo'oye huo'o so lataxala'pi na judiopi 'eetega som &#7929;ale maye qanataren, 'eeta':</div><div class="p">&#8211;Na na'a'q, namaye mataxaqui, qaq &#7929;oqo'oye saishet da qa&#7929;ashen da 'am 'analleguisheetac na 'aracanec.</div><div class="p"> 11Nache somaye 'enapeco':</div><div class="p">&#8211;Som a&#7929;em nataren maye a&#7929;em 'enapega, 'eeta': &#171;Qo&#241;isheguem, 'auacona na 'aracanec ime, nache 'auqueuo&#7929;apigui'.&#187;</div><div class="p"> 12Nache so lataxala' na judiopi inattaco' somaye, 'eeta':</div><div class="p">&#8211;&#191;Negue't ca 'am 'enapega co'ollaxa da 'auo'ot de'era?</div><div class="p"> 13Qalaxaye se'eso &#7929;ale sa &#7929;auatton co'ollaxa cam nataren somaye, cha'aye So Jes&#250;s sa na&#7929;aloxon da taigui se'eso qalota shi&#7929;axauapi maye hueta'a yemaye. 14Qa&#7929;ata'ague co'ollaxa de'era, nache So Jes&#250;s ilalec somaye huaigui aso no'onaxanaxaqui late'erai, nache 'enapego', 'eeta':</div><div class="p">&#8211;Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca &#7929;apac qauem.</div><div class="p"> 15Nache se'eso &#7929;ale jec da da'aqtaxanema soua lataxala'ate so judiopi da, nacheso So Jes&#250;s som nataren somaye co'ollaxa. 16Qaq &#7929;oqo'oye soomaye icaatrac So Jes&#250;s, souaxat Somaye da datannaxangui so na'a'q mataxaqui. 17Qalaxaye So Jes&#250;s 'enapegalo soomaye, 'eeta':</div><div class="p">&#8211;&#209;i Ita'a, saishet da &#7929;axaa&#241;i da lo'onataxanaxac, qaq nache 'eetec nataqa'en A&#7929;em.</div><div class="p"> 18Qaq &#7929;oqo'oye na lataxala'pi na judiopi nquictec da lyaxa da &#7929;alauat So Jes&#250;s, cha'aye saishet da nachaqrata da sa &#7929;alaxalec da lataxac ye na'a'q mataxaqui, cha'aye nataqa'en 'eetega da &#7929;ataqta Lta'a &#209;im Lo'onatac 'Enauacna, qaq &#7929;oqo'oye da lataxac 'eeta'am &#209;imaye.</div><div class="s1">Da 'enec So Llalec &#209;im Lo'onatac 'Enauacna</div><div class="p"> 19Nache So Jes&#250;s 'enapega somayepi, 'eeta':</div><div class="p">&#8211;&#7928;ataqta 'eesa de'era qami' sa'axatema, da ne'ena Llalec &#209;im Lo'onatac 'Enauacna, namaye saishet da huo'o ca &#7929;o'ot da huo'otaq maiche ndotelec, cha'aye namaye &#7929;o'ot cam &#7929;auaachigui da &#7929;o'ot &#209;im Lta'a. Qaq &#7929;oqo'oye 'enauac nam &#7929;o'otpi &#209;im Ita'a, qaq nataqa'en A&#7929;em so'ot. 20&#209;imaye &#7929;ataqta A&#7929;em &#7929;auotec, &#7929;oqo'oye A&#7929;em &#7929;achaxana nam &#7929;o'otpi. Qataq A&#7929;em &#7929;achaxana na lta'araic &#7929;o'otpi, nam qami' &#7929;o'oteque da lta'araic da qara'aalaqai. 21Cha'aye de'era 'eetec da &#209;i Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da &#7929;anem da lca'alaxa cam taalec da &#7929;anem. 22Qataq &#209;i Ita'a, saishet da nmit na shi&#7929;axauapi, chaqrata da &#7929;anem na Llalec 'enauac da la'a&#241;axac da nmit namayepi, 23yaqto' 'enauac na shi&#7929;axauapi ishet da &#7929;o'oxoren na Llalec, 'eeta'am naqa'en da 'eetec da &#7929;o'oxoren &#209;im Lta'a. Qaq cam saishet da &#7929;o'oxoren na Llalec, qaq camaye saishet nataqa'en da &#7929;o'oxoren &#209;im Lta'a maye namaq Namaye.</div><div class="p"> 24Qaq &#7929;ataqta 'eesa de'era qami' sa'axatema, da ca na'axa&#7929;axana de'era sa'axattac, qataq &#7929;a'amaqten &#209;im A&#7929;em namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qa&#7929;auo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa. 25Qaq huo'o nataqa'en da &#7929;ataqta 'eesa 'eeta': nagui nam &#7929;ataqta qa&#7929;oqta naqa'en &#209;im Lo'onatac 'Enauacna, A&#7929;em hua'aqtague', A&#7929;em maye A&#7929;em Llalec &#209;imaye. Qaq da &#7929;alaxalec 'enauac nam shenapec, nache huo'o ca lca'alaxa chochaq tatec. 26Cha'aye &#209;im Lo'onatac 'Enauacna maye Ita'a, huo'o da la'a&#241;axac da &#7929;an da nca'alaxa. Qaq de'era na'a&#241;axac, damaye mashe A&#7929;em &#7929;anem. 27Qataq nataqa'en A&#7929;em &#7929;anem da &#7929;a'a&#241;axac da ishet da &#241;imit na shi&#7929;axauapi, cha'aye A&#7929;em maye A&#7929;em Shi&#7929;axaua Llalec. 28Qaq saishet qome da qami' &#7929;e'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axa&#7929;a da ivil&#7929;axac, 29nache chegoqchiguingui ana nhuachiquipi da &#241;esheguem. Nache nam &#7929;o'ottac ca &#7929;a&#7929;amaqchigui&#241;i qaltaq nca'alec, da yaqto' chochaq tatec da hueta'aguet &#209;im Lo'onatac 'Enauacna. Qaq nam &#7929;o'ottac ca sa &#7929;a&#7929;amaxa&#241;i qalaq nca'alec, da yaqto' qa&#7929;auo'o ca nhuaxanaguec.</div><div class="s1">Dam &#7929;oqta yo'oq naqa'en da la'a&#241;axac So Jes&#250;s</div><div class="p"> 30A&#7929;em saishet da maiche &#241;erotelec da huo'o ca so'ot. &#209;im Ita'a maye A&#7929;em namaq, &#209;imaye A&#7929;em da'aqtaxanem da lataxac da &#241;imit 'enauac na shi&#7929;axauapi. &#7928;oqo'oye da huo'o ca &#241;imit qalaq &#7929;a&#7929;amaqchigui&#241;i, cha'aye saishet da so'ot ca maiche sheetapeguec, nachaqrata da &#7929;ataqta salaxaguet &#209;im Ita'a. 31Cha'aye da huo'otaq A&#7929;em da no'on ca &#7929;a'aqtaxanaxac da maiche &#241;a'axattapeguela't, nache qami' qo&#241;iitega da satenataxaatac. 32Qalaxaye sauattoota &#209;im A&#7929;em &#7929;a'axattac, qaq A&#7929;em sa&#7929;aten da ca 'enapec &#241;imaye &#7929;ataqta 'eesa. 33Qami' huo'o co'ollaxa so qaramaxashequi da inat so Juan, qaq da la'aqtaxanaxac so Juan &#7929;ataqta 'eesa. 34-35Da lapaxaguenataxanaxac so Juan, damaye &#7929;ataqta 'onaxaic, 'eeta'am na le'eraxa aca nco&#7929;araxanaxaqui da 'ettaigui da huetaigui na napalaxa, qaq qami' &#7929;ataqta sa qa&#7929;auec da qantonaxaqui co'ollaq qaua'aqaichigui. Qalaxaye A&#7929;em saishet da seuen da huo'o ca no'on ltaxa&#7929;axac ca yo'oqchigui shi&#7929;axaua da A&#7929;em detaqlec. Sa'axattac so Juan da yaqto' qami' qaua'amqaanataxa&#241;i, yaqto' &#209;im Lo'onatac 'Enauacna qami' nca'alaxatre'c. 36Qalaxaye A&#7929;em huo'o da &#241;a'aqtaguec maye &#7929;ataqta napacalec da la'aqtaxanaxac so Juan. Cha'aye nam so'ot, nachena na A&#7929;em &#7929;amaxalec &#209;im Ita'a. Qaq nachena na &#7929;oqta ichoxot da 'eesa da A&#7929;em namaq &#209;imaye. 37Nataqa'en &#209;im Ita'a maye A&#7929;em namaq, &#209;imaye &#7929;ataqta 'eesa naqa'en de'era &#241;a'aqtaguec. Qaq na'aictaxa da qami' sa qauaua&#241;i&#7929;apega da qaua'aqaichigui ca lavil&#7929;axac &#209;imaye, qataq saishet da qauauatto&#241;i ca lashegui&#7929;axac. 38Qaq naua nanettra&#241;i la'aqtaqa &#209;imaye nataqa'en saishet da qami' taiguilo, cha'aye qami' saishet da qaua'amaqchi&#241;i A&#7929;em maye A&#7929;em namaq &#209;imaye. 39Qami' &#7929;ataqta huo'o da qanaquitaxaqui da qanapaxagui&#241;eetegalo naua nanettra&#241;i la'aqtaqa &#209;im Lo'onatac 'Enauacna, cha'aye qaua'amaqchi&#241;i da nache qo&#241;iitec de'era, nache qami' ta&#7929;oto da nca'alaxa maye chochaq tatec. Qalaxaye ne'enaua na'aqtaqa maye nanettra&#241;i, naamaye A&#7929;em &#7929;a'axatta'ape, 40qalaxaye qami' saishet da huotaique da A&#7929;em qaua'amaqchi&#241;i, da yaqto' qami' ta&#7929;oto de'era nca'alaxa maye chochaq tatec.</div><div class="p"> 41A&#7929;em saishet da choche &#241;aquitta'a da A&#7929;em &#7929;o'oxoren na shi&#7929;axauapi. 42Qataq da l&#7929;a, ye &#7929;ataqta qami' sauattoote' qataq sa&#7929;ateeta da saishet da qauauochec &#209;im Lo'onatac 'Enauacna. 43&#209;imaye maiche Ita'a, qaltaq A&#7929;em namaq, qalaxaye qami' saishet da A&#7929;em qauaco&#241;iiguet. Qalaxaye da huo'o ca anac da maiche &#7929;acoolec ca maiche 'eetapeguec, nache camaye qami' qauaco&#241;iiguet. 44Qaq &#161;Ca 'eeteco' da qami' A&#7929;em qaua'amaqchi&#241;i, ye qami' qarqopitaxache da qami' &#7929;o'oxoreeta'ape na shi&#7929;axauapi, qaq saishet da &#7929;o'oxoren &#209;im Lo'onatac 'Enauacna maye 'oonolec! 45Saishet qome da qaupi'itaxa&#241;iitega da Nacha&#7929;em da sa'aqtaxanem &#209;im Ita'a ca qarasouaxashechi. Cha'aye qami' qauacheeto'ot da qarpi'i&#7929;axaqui naua leregui'she so Mois&#233;s, qaq nacheso somaye da &#7929;a'axat ca qarasouaxashechi. 46Cha'ayectaxa da qami' qaua'amaqchi&#241;i cam 'enapec so Mois&#233;s, nache nataqa'en taxa A&#7929;em qaua'amaqchi&#241;i, cha'aye so Mois&#233;s Nacha&#7929;em maye A&#7929;em &#7929;iyi&#241;i co'ollaxa. 47Qalaxaye da qami' saishet da qaua'amaqchi&#241;i dam &#7929;iyi&#241;i co'ollaxa somaye, qaq &#191;ca 'eeteco' da ishet da qaua'amaqchi&#241;i cam shenapec?</div>
 </div>
 </div>
</div>

Qaq co'ollaq qaỹata'ague de'era, nache So Jesús ỹe'eguelaxa ye Jerusalén, da yaqto' ỹalegueua'a so laponaxac na judiopi. Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá. Qaq asomaye, nache hueta'a so qalota sa no'onpi, huo'o na tagoxoicpi, qataq huo'o na ñe'eerauo naua lchel qataq na sa da'añiiguepi [maye choche iuatta'a da ndaxanataguec na le'ec 'etaxat asomaye, cha'aye som namaxashec piguem le'ec huo'o naxa ye na'a'q da naỹa asa'aso laỹe' na 'etaxat da iraxan na le'ec. Nache cam hua'auchiguiñi da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.] Qaq huo'o so ỹale, nache hueta'asop asomaye. Somaye mashe ivi' naua treinta y ocho vi'iye da lalolaxa. Qaq So Jesús co'ollaq ila'a somaye da nnaatai', qataq qaỹa'aqtaxanem da mashe qaỹoqteguelo naua vi'iye da nache 'eeta'ac de'era somaye. Nache inat, 'eeta':
–¿Peta'a 'anshetaique da 'am no'oita?
Nache se'eso sa no'on 'enapeco':
–'Am Nataxala', qaica ca aỹem itauan da sangui añi laỹe' na 'etaxat naxa da ivita da qairaxan na le'ec. Cha'aye naxa da ñeshetaique da sangui añimaye, nache mashe sogote naxa da huo'o na hua'auñigui da tangui.
Nache So Jesús 'enapega somaye, 'eeta':
–Qoñisheguem, 'auacona na 'aracanec, ime, nache 'auqueuoỹapigui' nagui.
Huaña, nache se'eso ỹale no'oita, inana't so lacanec, nache queuoỹapigui'. Qaq se'eso na'a'q maye huetoigui de'era, somaye mataxaqui, se'eso na'a'q ỹataqta saishetapec na judiopi. Ỹoqo'oye huo'o so lataxala'pi na judiopi 'eetega som ỹale maye qanataren, 'eeta':
–Na na'a'q, namaye mataxaqui, qaq ỹoqo'oye saishet da qaỹashen da 'am 'analleguisheetac na 'aracanec.
Nache somaye 'enapeco':
–Som aỹem nataren maye aỹem 'enapega, 'eeta': «Qoñisheguem, 'auacona na 'aracanec ime, nache 'auqueuoỹapigui'.»
Nache so lataxala' na judiopi inattaco' somaye, 'eeta':
–¿Negue't ca 'am 'enapega co'ollaxa da 'auo'ot de'era?
Qalaxaye se'eso ỹale sa ỹauatton co'ollaxa cam nataren somaye, cha'aye So Jesús sa naỹaloxon da taigui se'eso qalota shiỹaxauapi maye hueta'a yemaye. Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta':
–Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.
Nache se'eso ỹale jec da da'aqtaxanema soua lataxala'ate so judiopi da, nacheso So Jesús som nataren somaye co'ollaxa. Qaq ỹoqo'oye soomaye icaatrac So Jesús, souaxat Somaye da datannaxangui so na'a'q mataxaqui. Qalaxaye So Jesús 'enapegalo soomaye, 'eeta':
–Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.
Qaq ỹoqo'oye na lataxala'pi na judiopi nquictec da lyaxa da ỹalauat So Jesús, cha'aye saishet da nachaqrata da sa ỹalaxalec da lataxac ye na'a'q mataxaqui, cha'aye nataqa'en 'eetega da ỹataqta Lta'a Ñim Lo'onatac 'Enauacna, qaq ỹoqo'oye da lataxac 'eeta'am Ñimaye.

Nache So Jesús 'enapega somayepi, 'eeta':
–Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot. Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai. Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem. Qataq Ñi Ita'a, saishet da nmit na shiỹaxauapi, chaqrata da ỹanem na Llalec 'enauac da la'añaxac da nmit namayepi, yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.
Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa. Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec. Cha'aye Ñim Lo'onatac 'Enauacna maye Ita'a, huo'o da la'añaxac da ỹan da nca'alaxa. Qaq de'era na'añaxac, damaye mashe Aỹem ỹanem. Qataq nataqa'en Aỹem ỹanem da ỹa'añaxac da ishet da ñimit na shiỹaxauapi, cha'aye Aỹem maye Aỹem Shiỹaxaua Llalec. Qaq saishet qome da qami' ỹe'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axaỹa da ivilỹaxac, nache chegoqchiguingui ana nhuachiquipi da ñesheguem. Nache nam ỹo'ottac ca ỹaỹamaqchiguiñi qaltaq nca'alec, da yaqto' chochaq tatec da hueta'aguet Ñim Lo'onatac 'Enauacna. Qaq nam ỹo'ottac ca sa ỹaỹamaxañi qalaq nca'alec, da yaqto' qaỹauo'o ca nhuaxanaguec.

Aỹem saishet da maiche ñerotelec da huo'o ca so'ot. Ñim Ita'a maye Aỹem namaq, Ñimaye Aỹem da'aqtaxanem da lataxac da ñimit 'enauac na shiỹaxauapi. Ỹoqo'oye da huo'o ca ñimit qalaq ỹaỹamaqchiguiñi, cha'aye saishet da so'ot ca maiche sheetapeguec, nachaqrata da ỹataqta salaxaguet Ñim Ita'a. Cha'aye da huo'otaq Aỹem da no'on ca ỹa'aqtaxanaxac da maiche ña'axattapeguela't, nache qami' qoñiitega da satenataxaatac. Qalaxaye sauattoota Ñim Aỹem ỹa'axattac, qaq Aỹem saỹaten da ca 'enapec ñimaye ỹataqta 'eesa. Qami' huo'o co'ollaxa so qaramaxashequi da inat so Juan, qaq da la'aqtaxanaxac so Juan ỹataqta 'eesa. Da lapaxaguenataxanaxac so Juan, damaye ỹataqta 'onaxaic, 'eeta'am na le'eraxa aca ncoỹaraxanaxaqui da 'ettaigui da huetaigui na napalaxa, qaq qami' ỹataqta sa qaỹauec da qantonaxaqui co'ollaq qaua'aqaichigui. Qalaxaye Aỹem saishet da seuen da huo'o ca no'on ltaxaỹaxac ca yo'oqchigui shiỹaxaua da Aỹem detaqlec. Sa'axattac so Juan da yaqto' qami' qaua'amqaanataxañi, yaqto' Ñim Lo'onatac 'Enauacna qami' nca'alaxatre'c. Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye. Nataqa'en Ñim Ita'a maye Aỹem namaq, Ñimaye ỹataqta 'eesa naqa'en de'era ña'aqtaguec. Qaq na'aictaxa da qami' sa qauauañiỹapega da qaua'aqaichigui ca lavilỹaxac Ñimaye, qataq saishet da qauauattoñi ca lasheguiỹaxac. Qaq naua nanettrañi la'aqtaqa Ñimaye nataqa'en saishet da qami' taiguilo, cha'aye qami' saishet da qaua'amaqchiñi Aỹem maye Aỹem namaq Ñimaye. Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape, qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.
Aỹem saishet da choche ñaquitta'a da Aỹem ỹo'oxoren na shiỹaxauapi. Qataq da lỹa, ye ỹataqta qami' sauattoote' qataq saỹateeta da saishet da qauauochec Ñim Lo'onatac 'Enauacna. Ñimaye maiche Ita'a, qaltaq Aỹem namaq, qalaxaye qami' saishet da Aỹem qauacoñiiguet. Qalaxaye da huo'o ca anac da maiche ỹacoolec ca maiche 'eetapeguec, nache camaye qami' qauacoñiiguet. Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec! Saishet qome da qaupi'itaxañiitega da Nachaỹem da sa'aqtaxanem Ñim Ita'a ca qarasouaxashechi. Cha'aye qami' qauacheeto'ot da qarpi'iỹaxaqui naua leregui'she so Moisés, qaq nacheso somaye da ỹa'axat ca qarasouaxashechi. Cha'ayectaxa da qami' qaua'amaqchiñi cam 'enapec so Moisés, nache nataqa'en taxa Aỹem qaua'amaqchiñi, cha'aye so Moisés Nachaỹem maye Aỹem ỹiyiñi co'ollaxa. Qalaxaye da qami' saishet da qaua'amaqchiñi dam ỹiyiñi co'ollaxa somaye, qaq ¿ca 'eeteco' da ishet da qaua'amaqchiñi cam shenapec?

Klausīties Juan 5