Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s1">Yohanesti Allah yubu ambatto nimi maghag pelengelamsiogha</div><div class="r">(Markus 1:1-8; Lukas 3:2-9,15-17; Yohanes 1:19-28)</div><div class="p"> 1Yohanes nimi maghag pelengelamsiogne poneko Yudea so'oag pai aldesag wamogti, Allah yubu nimiag ambarelamsiog. 2Ambarelamsiogti, &#8220;Imagne ponekori mog so'oag nimi saelbamsilula peram tal. Ane sembe a'undi seneragto ulamlomne lipsimundi, Allahri senenne salero ulamlulom,&#8221; aro ambarelamsiog. 3Samenag agha Yohanes wamnepne sembe Allahri yubu silimu tiptopne Yesaya pere agha yubu lelamogti,</div><div class="q1">&#8220;Pai aldesag nimi nhondi yubu haum aro nimi yoplamsilul nena,</div><div class="q2">&#8216;Nu Saelba Uhiropne yanepne sembe ina yarelamlulom.</div><div class="q2">El yanep ina porog nenelamlulom,&#8217; aro ambatsilul,&#8221;</div><div class="p">aro mome toro pibog.#Yesaya 40:3</div><div class="p"> 4Yohanes nongag wangarop agna, pham unta hong agha wirop ag wangkamogti, uwoghag lebe aroba kon agha sunurop haing nobamog. Nobamogti eldi tena whengap pondog maghap tero wamog.#3:4 Allah yubu silimu tiplamek nangdi samenag wangkamekne sunsunum uro wangkamog (2 Raja - Yubu Sia Lennang 1:8). 5Undo wamogpa, as Yerusalem wamek nimiap, Yudea so'oag ni wamek nimiap, Yordan mag peramag ni wamek nimiap anekoa elag lamba palamek. 6Elag palamekti, &#8220;Nuri mali-malia undo-undo ulamobo,&#8221; aro lag phoro ambarelamekpa, Yohanesti mag Yordan yabirop maghag pelengelamsiog.</div><div class="p"> 7Yohanesti nimi maghag pelengelamsioghag aneko Farisi nimiap Saduki nimiap maikno yalamekpa tibogahiog. Tibogahiogti sinag yubu ambarelamsiogti, &#8220;A'un yoaba urop nimi wamlomne nimi ohirop paghae mangaroba saog wamlom! Nimi etneri a'unag wenehiro, &#8216;Allahri a'unag wana yori opsileag aro elemag pululom,&#8217; aro wembahioba yalom? 8-9A'un el uro wamsut! Wene Allahri kirik tane wamlange babe Abrahamdi mangaro likto piroba nembahinep! Ane sembe a'undi wanaag, &#8216;Nunisang Abrahamdi mangaroba mangkahiekne, hae wali wamap,&#8217; aro seneraghal dalamseng kom. A'undi wanaag malinge seneragto ulamlomne lipsimundi, Allahri seneropne saelba ulamlulom. Undo saelba ulapmundi, kal wana walinge maurop kal saog uro Allahri seneropne sunsunum uro ulamlulom. 10Kal nhon wana walinge maurop kom kal ni khaepto aukag tobogto tamnepneog wamla. Yae kal khaepto yarengap telbaneba wene weroba wamla. 11A'undi mali-malia seneragto ulamlomne laplobi agha, &#8216;Allahri senenne saelba ulamukap,&#8217; aro yalomba, nari mag aneag agha a'un pelengelamsin. Na sam yanori, maghag pelengelamsin aghana, amik nimi nubunge nhon, nanap sunum komne yalul. El mikip sirikne yaleba, eldi yan wangana na ologne wamnangeri salero pomnepne babe nanap sunurop kom. El nubunge yalulne ponekori Allah Eldamne Yame Walingeap auk poghap a'unag pelengkatsilul. 12Eldi saeagna, kelopto weptop kal nhon wamla. Eldina, &#8216;Wana walinge aghabog polop taleba tomnun,&#8217; aro kelopto weptobag aneko awe tolamlul. Wana walinge kwaneng roti wana gandum eldinge palirop aeag tobongkiplul aghana, kwaneng roti a'esekange ni sarangkanep kom auk enekoag taplul,&#8221; aro ambatsiog.</div><div class="s1">Yohanesti Yesus maghag pelengkaogha</div><div class="r">(Markus 1:9-11; Lukas 3:21-22; Yohanes 1:32-34)</div><div class="p"> 13Ambatsiogti wamogpa, Yesus as Galilea laplobi agha, &#8220;Yohanesti maghag pelengkanelul,&#8221; aro mag Yordan sip Yohanes wamoghag piog. 14Piog aghana, Yohanesti elag yubu lelamogti, &#8220;An nubungeri na maghag pelengkanepne wali aghana, an nanag yalam nena, &#8216;Maghag pelengkanelul,&#8217; aro yalam te?&#8221; aro irikaog.</div><div class="p"> 15Wene seogpa, Yesusti elag samoro yubu lelamogti, &#8220;Undo andi maghag pelengkanemena andarina, wana porog uro ulamnepneog wamlange ni wali uro sunsunum uro ulamnunam. Ane sembe, hae maghag pelengkanululam,&#8221; seog. Wene seogpa, Yohanesti wali seogti, Yesus maghag pelengkaog. 16Maghag pelengkaogpa, Yesus peket maghag agha lanalamog abeneko pere imag tiwalengelamog. Tiwalengelamogpa im sangal naghogpa, Allah Yame Walinge winang yalma saog uro elag kulukul alamogha ibog. 17Imag agha yubu nhon lelamogti, &#8220;Nimi ene naba Name nari o'ona senelamnange. Na wana awi nenelamnel,&#8221; seog.</div>
 </div>
 </div>
</div>

Yohanes nimi maghag pelengelamsiogne poneko Yudea so'oag pai aldesag wamogti, Allah yubu nimiag ambarelamsiog. Ambarelamsiogti, “Imagne ponekori mog so'oag nimi saelbamsilula peram tal. Ane sembe a'undi seneragto ulamlomne lipsimundi, Allahri senenne salero ulamlulom,” aro ambarelamsiog. Samenag agha Yohanes wamnepne sembe Allahri yubu silimu tiptopne Yesaya pere agha yubu lelamogti,
“Pai aldesag nimi nhondi yubu haum aro nimi yoplamsilul nena,
‘Nu Saelba Uhiropne yanepne sembe ina yarelamlulom.
El yanep ina porog nenelamlulom,’ aro ambatsilul,”
aro mome toro pibog.
Yohanes nongag wangarop agna, pham unta hong agha wirop ag wangkamogti, uwoghag lebe aroba kon agha sunurop haing nobamog. Nobamogti eldi tena whengap pondog maghap tero wamog. Undo wamogpa, as Yerusalem wamek nimiap, Yudea so'oag ni wamek nimiap, Yordan mag peramag ni wamek nimiap anekoa elag lamba palamek. Elag palamekti, “Nuri mali-malia undo-undo ulamobo,” aro lag phoro ambarelamekpa, Yohanesti mag Yordan yabirop maghag pelengelamsiog.
Yohanesti nimi maghag pelengelamsioghag aneko Farisi nimiap Saduki nimiap maikno yalamekpa tibogahiog. Tibogahiogti sinag yubu ambarelamsiogti, “A'un yoaba urop nimi wamlomne nimi ohirop paghae mangaroba saog wamlom! Nimi etneri a'unag wenehiro, ‘Allahri a'unag wana yori opsileag aro elemag pululom,’ aro wembahioba yalom? A'un el uro wamsut! Wene Allahri kirik tane wamlange babe Abrahamdi mangaro likto piroba nembahinep! Ane sembe a'undi wanaag, ‘Nunisang Abrahamdi mangaroba mangkahiekne, hae wali wamap,’ aro seneraghal dalamseng kom. A'undi wanaag malinge seneragto ulamlomne lipsimundi, Allahri seneropne saelba ulamlulom. Undo saelba ulapmundi, kal wana walinge maurop kal saog uro Allahri seneropne sunsunum uro ulamlulom. Kal nhon wana walinge maurop kom kal ni khaepto aukag tobogto tamnepneog wamla. Yae kal khaepto yarengap telbaneba wene weroba wamla. A'undi mali-malia seneragto ulamlomne laplobi agha, ‘Allahri senenne saelba ulamukap,’ aro yalomba, nari mag aneag agha a'un pelengelamsin. Na sam yanori, maghag pelengelamsin aghana, amik nimi nubunge nhon, nanap sunum komne yalul. El mikip sirikne yaleba, eldi yan wangana na ologne wamnangeri salero pomnepne babe nanap sunurop kom. El nubunge yalulne ponekori Allah Eldamne Yame Walingeap auk poghap a'unag pelengkatsilul. Eldi saeagna, kelopto weptop kal nhon wamla. Eldina, ‘Wana walinge aghabog polop taleba tomnun,’ aro kelopto weptobag aneko awe tolamlul. Wana walinge kwaneng roti wana gandum eldinge palirop aeag tobongkiplul aghana, kwaneng roti a'esekange ni sarangkanep kom auk enekoag taplul,” aro ambatsiog.


Ambatsiogti wamogpa, Yesus as Galilea laplobi agha, “Yohanesti maghag pelengkanelul,” aro mag Yordan sip Yohanes wamoghag piog. Piog aghana, Yohanesti elag yubu lelamogti, “An nubungeri na maghag pelengkanepne wali aghana, an nanag yalam nena, ‘Maghag pelengkanelul,’ aro yalam te?” aro irikaog.
Wene seogpa, Yesusti elag samoro yubu lelamogti, “Undo andi maghag pelengkanemena andarina, wana porog uro ulamnepneog wamlange ni wali uro sunsunum uro ulamnunam. Ane sembe, hae maghag pelengkanululam,” seog. Wene seogpa, Yohanesti wali seogti, Yesus maghag pelengkaog. Maghag pelengkaogpa, Yesus peket maghag agha lanalamog abeneko pere imag tiwalengelamog. Tiwalengelamogpa im sangal naghogpa, Allah Yame Walinge winang yalma saog uro elag kulukul alamogha ibog. Imag agha yubu nhon lelamogti, “Nimi ene naba Name nari o'ona senelamnange. Na wana awi nenelamnel,” seog.

Klausīties Matius 3