<div class="version vid3619 iso6393nan" data-vid="3619" data-iso6393="nan">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kai-u&#769;n kap A-pek</div><div class="p"> 1Hit-e&#770; la&#770;ng kap i e&#770; bo&#856;&#769; Ha&#772;-oa ta&#770;ng-pa&#770;ng, Ha&#772;-oa chiu&#772; hoa&#770;i-i&#772;n si&#8319; Kai-u&#769;n#4.1 &#8220;Kai-u&#769;n&#8221; i&#768;-su&#768; si&#772; &#8220;tit--tio&#781;h&#8221;., ko&#769;ng, &#8220;Go&#769;a tu&#768;i Sio&#772;ng Chu&#769; e&#770; pang-cha&#772;n tit-tio&#781;h chi&#781;t e&#770; ha&#772;u-si&#8319;.&#8221; 2A&#772;u-la&#770;i Ha&#772;-oa koh si&#8319; Kai-u&#769;n e&#770; sio&#769;-ti&#772; A-pek. A-pek si&#772; ko&#856;&#768;-iu&#770;&#8319;--e&#770;, Kai-u&#769;n si&#772; choh-sit--e&#770;. 3Ke&#768; chi&#781;t to&#772;a&#8319; si&#770;-kan, Kai-u&#769;n the&#781;h chi&#781;t-ko&#769;a tho&#856;&#769;-to&#772;e e&#770; chhut-sa&#769;n hia&#768;n ho&#856;&#772; Sio&#772;ng Chu&#769;. 4A-pek ma&#772; chiong iu&#770;&#8319;-ku&#770;n tiong tha&#770;u-chiu&#772;&#8319;-si&#8319; koh pu&#770;i e&#770; iu&#770;&#8319; hia&#768;n ho&#856;&#772; Sio&#772;ng Chu&#769;. Sio&#772;ng Chu&#769; i&#768;-a&#768;i A-pek kap i e&#770; le&#769;-mi&#781;h, 5m&#772;-ku&#769; bo&#770; kah-i&#768; Kai-u&#769;n kap i e&#770; le&#769;-mi&#781;h. Kai-u&#769;n chiu&#772; chin siu&#772;-khi&#768;, pi&#768;&#8319;-bi&#772;n. 6Sio&#772;ng Chu&#769; tu&#768;i Kai-u&#769;n ko&#769;ng, &#8220;Li&#769; si&#772; teh siu&#772;-khi&#768; si&#769;m-mi&#781;h? Li&#769; si&#772;-a&#769;n-cho&#769;a&#8319; pi&#768;&#8319;-bi&#772;n? 7Li&#769; na&#772; he&#770;ng-u&#770;i che&#768;ng-ti&#781;t, kia&#769;m m&#772;-si&#772; o&#772;e tit-tio&#781;h chiap-la&#781;p?#4.7 &#8220;kia&#769;m m&#772;-si&#772; o&#772;e tit-tio&#781;h chiap-la&#781;p?&#8221; ma&#772; thang e&#781;k-cho&#768;e &#8220;go&#769;a chu&#772;-jia&#770;n o&#772;e chiap-siu&#772; li&#769; e&#770; che&#768;-mi&#781;h.&#8221; Na&#772; bo&#770;, cho&#772;e ti&#772; mn&#770;g-kha&#769;u tng-ta&#769;n li&#769;; i beh kho&#768;ng-che&#768; li&#769;, li&#769; tio&#781;h ka&#772; i che&#768;-ho&#781;k.&#8221;</div><div class="p"> 8 Kai-u&#769;n tu&#768;i i e&#770; sio&#769;-ti&#772; A-pek ko&#769;ng, &#8220;La&#769;n la&#770;i-khi&#768; ia&#769;-to&#772;e#4.8 &#8220;La&#769;n la&#770;i-khi&#768; ia&#769;-to&#772;e&#8221; si&#772; chia&#768;u chi&#781;t-ko&#769;a ko&#856;&#769;-e&#781;k-pu&#769;n hoan-e&#781;k; goa&#770;n-bu&#770;n bo&#770; chit-ku&#768;..&#8221; Ti&#772; ia&#769;-to&#772;e e&#770; si&#770;, Kai-u&#769;n kong-kek i e&#770; sio&#769;-ti&#772;, ka&#772; i tha&#770;i-si&#769;.</div><div class="p"> 9Sio&#772;ng Chu&#769; tu&#768;i Kai-u&#769;n ko&#769;ng, &#8220;Li&#769; e&#770; sio&#769;-ti&#772; A-pek ti&#772; to&#769;-u&#772;i?&#8221;</div><div class="p">I ko&#769;ng, &#8220;Go&#769;a m&#772; chai. Go&#769;a kia&#769;m si&#772; teh ko&#856;&#768;-siu&#769; go&#769;a e&#770; sio&#769;-ti&#772; e&#770; la&#770;ng?&#8221;</div><div class="p"> 10Sio&#772;ng Chu&#769; ko&#769;ng, &#8220;Li&#769; na&#769; o&#772;e cho&#768;e chit-khoa&#769;n ta&#772;i-chi&#768;? Li&#769;n sio&#769;-ti&#772; e&#770; huih tu&#768;i to&#772;e--ni&#781;h tu&#768;i go&#769;a ai-kio&#768;. 11Li&#769; tha&#770;i-si&#769; li&#769;n sio&#769;-ti&#772;, to&#772;e khui-chhu&#768;i chiap-siu&#772; i e&#770; huih. Ta&#8319; li&#769; beh tu&#768;i tho&#856;&#769;-to&#772;e siu&#772; chiu&#768;-cho&#856;&#769;. 12Li&#769; che&#768;ng-choh, bo&#772;e-ta&#768;ng tit-tio&#781;h siu-se&#770;ng; li&#769; beh ti&#772; to&#772;e-chiu&#772;&#8319; liu&#770;-li&#770;-sit-so&#856;&#769;.&#8221;</div><div class="p"> 13 Kai-u&#769;n tu&#768;i Sio&#772;ng Chu&#769; ko&#769;ng, &#8220;Go&#769;a e&#770; he&#770;ng-hoa&#781;t siu&#8319; ta&#772;ng, go&#769;a tam-tng bo&#772;e khi&#769;. 14Li&#769; kin-a&#769;-ji&#781;t ko&#769;a&#8319; go&#769;a li&#772;-khui chit-e&#770; to&#772;e, bo&#772;e-ta&#768;ng koh ki&#768;&#8319; li&#769; e&#770; bi&#772;n; go&#769;a si&#768;-ko&#768;e phiau-liu&#770;, tu&#769;-tio&#781;h go&#769;a--e&#770; o&#772;e ka&#772; go&#769;a tha&#770;i-si&#769;.&#8221;</div><div class="p"> 15Sio&#772;ng Chu&#769; tu&#768;i i ko&#769;ng, &#8220;Ki&#768;-jia&#770;n a&#769;n-ni, tha&#770;i-si&#769; Kai-u&#769;n--e&#770;, o&#772;e siu&#772; chhit pe&#772; e&#770; po&#768;-e&#768;ng.&#8221; Sio&#772;ng Chu&#769; chiu&#772; ka&#772; Kai-u&#769;n cho&#768;e chi&#781;t e&#770; ki&#768;-ho&#772;, chiah bia&#769;n tu&#769;-tio&#781;h i e&#770; la&#770;ng ka&#772; i tha&#770;i-si&#769;. 16Kai-u&#769;n chiu&#772; li&#772;-khui Sio&#772;ng Chu&#769;, khi&#768; to&#768;a ti&#772; I-tia&#770;n e&#770; tang-pe&#770;ng Lo&#770;-tek e&#770; to&#772;e-khu.</div><div class="s">Kai-u&#769;n e&#770; Ho&#856;&#772;-ta&#772;i</div><div class="p"> 17 Kai-u&#769;n kap i e&#770; bo&#856;&#769; ta&#770;ng-pa&#770;ng; i e&#770; bo&#856;&#769; hoa&#770;i-i&#772;n si&#8319; I&#769;-lo&#781;k. A&#772;u-la&#770;i Kai-u&#769;n khi&#769; chi&#781;t cho&#772; sia&#770;&#8319;, e&#772;ng i e&#770; kia&#769;&#8319; e&#770; mia&#770; ka&#772; hit-cho&#772; sia&#770;&#8319; ho&#772;-mia&#770; kio&#768;-cho&#768;e I&#769;-lo&#781;k. 18I&#769;-lo&#781;k si&#8319; I&#769;-na&#769;, I&#769;-na&#769; si&#8319; Bi&#769;-ho&#856;&#772;-nga&#769;-li&#772;, Bi&#769;-ho&#856;&#772;-nga&#769;-li&#772; si&#8319; Ma&#769;-tho&#856;&#769;-sat-li&#772;, Ma&#769;-tho&#856;&#769;-sat-li&#772; si&#8319; La-be&#781;k. 19La-be&#781;k chho&#772;a nn&#772;g e&#770; bo&#856;&#769;; chi&#781;t e&#770; kio&#768;-cho&#768;e A-ta&#772;i, chi&#781;t e&#770; kio&#768;-cho&#768;e Se&#769;-la. 20A-ta&#772;i si&#8319; Nga&#769;-pat, si&#772; iu&#770;-bo&#781;k bi&#770;n-cho&#781;k e&#770; cho&#856;&#769;-sian. 21I e&#770; sio&#769;-ti&#772; Iu&#770;-pat, si&#772; to&#770;a&#8319;-khi&#770;m pu&#770;n-siau e&#770; la&#770;ng e&#770; cho&#856;&#769;-sian. 22Se&#769;-la si&#8319; Tho&#856;&#769;-pat Kai-u&#769;n, si&#772; che&#768;-cho&#772; ta&#770;ng, thih ta&#781;k-khoa&#769;n khi&#768;-khu&#772; e&#770; la&#770;ng e&#770; cho&#856;&#769;-sian; Tho&#856;&#769;-pat Kai-u&#769;n e&#770; sio&#769;-be&#772; si&#772; Na&#769;-ma&#769;.</div><div class="q1"> 23 La-be&#781;k tu&#768;i i nn&#772;g e&#770; bo&#856;&#769; ko&#769;ng:</div><div class="q1"> A-ta&#772;i kap Se&#769;-la, thia&#8319; go&#769;a ko&#769;ng;</div><div class="q1"> La-be&#781;k e&#770; bo&#856;&#769;, tio&#781;h so&#768;e-ji&#772; thia&#8319;:</div><div class="q1">La&#770;ng siong go&#769;a, go&#769;a beh tha&#770;i i;</div><div class="q1">sia&#768;u-lia&#770;n-la&#770;ng ha&#772;i go&#769;a, go&#769;a beh ho&#856;&#772; i si&#769;.</div><div class="q1"> 24Tha&#770;i Kai-u&#769;n e&#770; po&#768;-e&#768;ng na&#772;-si&#772; chhit pe&#772;,</div><div class="q1">tha&#770;i-si&#769; La-be&#781;k e&#770; po&#768;-e&#768;ng it-te&#772;ng chhit-cha&#781;p-chhit pe&#772;.</div><div class="s">Sa&#768;i-te&#781;k kap I&#769;-na&#769;-su&#772;</div><div class="p"> 25 A-tong koh kap i e&#770; bo&#856;&#769; ta&#770;ng-pa&#770;ng; i e&#770; bo&#856;&#769; si&#8319;-kia&#769;&#8319;, ka&#772; i ho&#772;-mia&#770; kio&#768;-cho&#768;e Sa&#768;i-te&#781;k#4.25 &#8220;Sa&#768;i-te&#781;k&#8221; i&#768;-su&#768; si&#772; &#8220;ho&#856;&#772; i&#8221;.; in-u&#772;i i ko&#769;ng, &#8220;Sio&#772;ng-te&#768; koh su&#768; go&#769;a chi&#781;t e&#770; kia&#769;&#8319;, la&#770;i ta&#772;i-tho&#768;e ho&#856;&#772; Kai-u&#769;n tha&#770;i-si&#769; e&#770; A-pek.&#8221; 26Sa&#768;i-te&#781;k a&#772;u-la&#770;i ma&#772; si&#8319;-kia&#769;&#8319;, ka&#772; i ho&#772;-mia&#770; kio&#768;-cho&#768;e I&#769;-na&#769;-su&#772;; hit-si&#770; la&#770;ng chiah khai-si&#769; kiu&#770;-kio&#768; Sio&#772;ng Chu&#769; e&#770; mia&#770;.</div>
 </div>
 </div>
</div>

Hit-ê lâng kap i ê bó͘ Hā-oa tâng-pâng, Hā-oa chiū hoâi-īn siⁿ Kai-ún , kóng, “Góa tùi Siōng Chú ê pang-chān tit-tio̍h chi̍t ê hāu-siⁿ.” Āu-lâi Hā-oa koh siⁿ Kai-ún ê sió-tī A-pek . A-pek sī kò͘-iûⁿ--ê, Kai-ún sī choh-sit--ê. Kè chi̍t tōaⁿ sî-kan, Kai-ún the̍h chi̍t-kóa thó͘-tōe ê chhut-sán hiàn hō͘ Siōng Chú. A-pek mā chiong iûⁿ-kûn tiong thâu-chiūⁿ-siⁿ koh pûi ê iûⁿ hiàn hō͘ Siōng Chú. Siōng Chú ì-ài A-pek kap i ê lé-mi̍h, m̄-kú bô kah-ì Kai-ún kap i ê lé-mi̍h. Kai-ún chiū chin siū-khì, pìⁿ-bīn. Siōng Chú tùi Kai-ún kóng, “Lí sī teh siū-khì sím-mi̍h? Lí sī-án-chóaⁿ pìⁿ-bīn? Lí nā hêng-ûi chèng-ti̍t, kiám m̄-sī ōe tit-tio̍h chiap-la̍p? Nā bô, chōe tī mn̂g-kháu tng-tán lí; i beh khòng-chè lí, lí tio̍h kā i chè-ho̍k.”
Kai-ún tùi i ê sió-tī A-pek kóng, “Lán lâi-khì iá-tōe.” Tī iá-tōe ê sî, Kai-ún kong-kek i ê sió-tī, kā i thâi-sí.
Siōng Chú tùi Kai-ún kóng, “Lí ê sió-tī A-pek tī tó-ūi?”
I kóng, “Góa m̄ chai. Góa kiám sī teh kò͘-siú góa ê sió-tī ê lâng?”
Siōng Chú kóng, “Lí ná ōe chòe chit-khoán tāi-chì? Lín sió-tī ê huih tùi tōe--ni̍h tùi góa ai-kiò. Lí thâi-sí lín sió-tī, tōe khui-chhùi chiap-siū i ê huih. Taⁿ lí beh tùi thó͘-tōe siū chiù-chó͘. Lí chèng-choh, bōe-tàng tit-tio̍h siu-sêng; lí beh tī tōe-chiūⁿ liû-lî-sit-só͘.”
Kai-ún tùi Siōng Chú kóng, “Góa ê hêng-hoa̍t siuⁿ tāng, góa tam-tng bōe khí. Lí kin-á-ji̍t kóaⁿ góa lī-khui chit-ê tōe, bōe-tàng koh kìⁿ lí ê bīn; góa sì-kòe phiau-liû, tú-tio̍h góa--ê ōe kā góa thâi-sí.”
Siōng Chú tùi i kóng, “Kì-jiân án-ni, thâi-sí Kai-ún --ê, ōe siū chhit pē ê pò-èng.” Siōng Chú chiū kā Kai-ún chòe chi̍t ê kì-hō, chiah bián tú-tio̍h i ê lâng kā i thâi-sí. Kai-ún chiū lī-khui Siōng Chú, khì tòa tī I-tiân ê tang-pêng Lô-tek ê tōe-khu.

Kai-ún kap i ê bó͘ tâng-pâng; i ê bó͘ hoâi-īn siⁿ Í-lo̍k . Āu-lâi Kai-ún khí chi̍t chō siâⁿ, ēng i ê kiáⁿ ê miâ kā hit-chō siâⁿ hō-miâ kiò-chòe Í-lo̍k . Í-lo̍k siⁿ Í-ná , Í-ná siⁿ Bí-hō͘-ngá-lī , Bí-hō͘-ngá-lī siⁿ Má-thó͘-sat-lī , Má-thó͘-sat-lī siⁿ La-be̍k . La-be̍k chhōa nn̄g ê bó͘; chi̍t ê kiò-chòe A-tāi , chi̍t ê kiò-chòe Sé-la . A-tāi siⁿ Ngá-pat , sī iû-bo̍k bîn-cho̍k ê chó͘-sian. I ê sió-tī Iû-pat , sī tôaⁿ-khîm pûn-siau ê lâng ê chó͘-sian. Sé-la siⁿ Thó͘-pat Kai-ún , sī chè-chō tâng, thih ta̍k-khoán khì-khū ê lâng ê chó͘-sian; Thó͘-pat Kai-ún ê sió-bē sī Ná-má .
La-be̍k tùi i nn̄g ê bó͘ kóng:
A-tāi kap Sé-la , thiaⁿ góa kóng;
La-be̍k ê bó͘, tio̍h sòe-jī thiaⁿ:
Lâng siong góa, góa beh thâi i;
siàu-liân-lâng hāi góa, góa beh hō͘ i sí.
Thâi Kai-ún ê pò-èng nā-sī chhit pē,
thâi-sí La-be̍k ê pò-èng it-tēng chhit-cha̍p-chhit pē.

A-tong koh kap i ê bó͘ tâng-pâng; i ê bó͘ siⁿ-kiáⁿ, kā i hō-miâ kiò-chòe Sài-te̍k ; in-ūi i kóng, “Siōng-tè koh sù góa chi̍t ê kiáⁿ, lâi tāi-thòe hō͘ Kai-ún thâi-sí ê A-pek .” Sài-te̍k āu-lâi mā siⁿ-kiáⁿ, kā i hō-miâ kiò-chòe Í-ná-sū ; hit-sî lâng chiah khai-sí kiû-kiò Siōng Chú ê miâ.

Klausīties Chhòng-sè-kì 4