Sangu: Sangu: Isangu (snq) NT (New Testament)

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Sangu: Isangu (snq) NT

<div class="version vid3604 iso6393snq" data-vid="3604" data-iso6393="snq">
 <div class="book bkLUK">
 <div class="chapter ch5" data-usfm="LUK.5">
 <div class="label">5</div><div class="s1">Wulobe wu yimwiile</div><div class="p"> 1Wisi wumoosi, Sesu abile ve tuungu mudibe wu Senesarete. Piti yiduge ve mbarandi mu yulu maambu ma Nzambi. 2Alabe mbuungu beyi ve tuungu mudibe, balobitsi basunde mutsuke masiinge mawu. 3Sesu apeke mu mbuungu moosi yi Simu, ne ayambile yandi re gogule pesu gu time maambe. Sesu atsagele gu mbuungu ne abaande wuloonze piti.</div><div class="p"> 4Ve mane yandi wuloonze, arume Simu re: &#171;Gogule gu tselu yidoonge, ne yalanu masiinge menu mu wugaange bibere.&#187; 5Simu agabusile yandi re: &#171;Muloonzi, yetu ditselobe dibati dyootsu gugagaange nisi mutsoongu; te mu dirumu dyagu makevage.&#187; 6Ve yale yawu masiinge, bagaange mbili bibere ne masiinge mawu mabaande wukakuge. 7Batsitse bambaatsi bawu bababile gu yine mbuungu mu wuyamune yawu. Yawu nuruge babaase mbuungu tsyootsu tsibeyi ne bibere, ne bambuungu bene tsibaande wunyoonge. 8Ve labe Simu Pyere nane, asume makotulu ve wusu Sesu nuyambile yandi re: &#171;Fumu, yiyagogule ve mbarami, make mutu wu mubi!&#187; 9Simu ne bootsu bababile naandi bagaangu ne wome mumbare badile mbili bibere. 10Sak ne Sa baane ba Sebed&#233; babakingenge ne Simu ne yawu bagaangu ne wome. Te Sesu ayambile Simu re: &#171;Yiyalabe wome, baande ne mapape yigubile mulobitsi wu batu.&#187; 11Kere vane basabule bambuungu gu simu, basiise byootsu, balaande Sesu.</div><div class="s1">Sesu abeeluse nge makyedi</div><div class="p"> 12Wisi wubile Sesu gu divule dimoosi, dibagele dibile ne makyedi aruge. Ve labe yandi Sesu, agudeme ve wuswandi mbalenge mu mutambe atombe yandi re: &#171;Fumu, ga yiroonde, yirungule wubeeluse me.&#187; 13Sesu asukule dikake dyandi, agaangile yandi ne ayambile re: &#171;Maroonde, beelugu.&#187; Vane ne vane makyedi maburugu. 14Sesu ayambile naandi re: &#171;Yiyayambile dyaambu dyene gu mutu, te yende mu wuritsige manyuru magu gu muyakitsi wu malagu, nuveege dilagu diloonze Muyise mure batu bootsu bakeyabe re yitsebeelugu.&#187; 15Batu bayambilenge mbili mu yandi, ne bapiti bambili badugesene mu yulu nave loonzenge Sesu, ne mu wubeelusu mabeelise mawu. 16Te Sesu ayende yapiinze ve yitsige gigabile batu, mu wusaambile.</div><div class="s1">Sesu abeeluse yikate</div><div class="p"> 17Wisi wumoosi Sesu aloonzenge batu gugare ndagu. Bafwarisi ne basupulitsi ba migage mi Muyise barugenge mu miimbu ma Sud&#233;, ne mu miimbu ma Galil&#233;, ne gu divule di Serusalem. Re banyingene gu ndagwene yiloonzenge Sesu, ne batsagele ve mbarandi mu wuyulu musamu wandi. Sesu ne ngudi yi Fumu yibile naandi, abeelusenge babeetsi. 18Vane ne vane batu baruge ne mutu wu yikate wupapu mu pube, baroonde wunyingise yandi ne wusunze yandi ve wusu Sesu. 19Te baserungule wunyingene mu piti yibile vane, yawu banakeme naandi gu yulu ndagu, batube mune, basundise yikate mu pube ve ganegare piti ve wusu Sesu. 20Ve labe Sesu gitu gyawu, ayambile yikate re: &#171;Mabi magu mamasiingulu kokolu.&#187; 21Bafwarisi ne bateenditsi ba migage mi Muyise bataasenge mu mirime re: &#171;A wuwu munoongu mutu nde nyi? Agoneseenge nde Nzambi! Nde nyi wurungule wusiingile batu kokolu mu mabi veengu Nzambi yapiinze!&#187; 22Sesu wuyabenge mabilenge mu mirime myawu, ayambile yawu re: &#171;Sabweedi mu wubile ne munoongu mataase mane. 23Gi page mu wuyambile vane nde gi? Wuyambile re: &#8220;Mabi magu mamasiingulu kokolu&#8221;, vore nde wuyambile re: &#8220;Teleme, yendenge?&#8221; 24Te maroonde re yenu diyabi re, Mwaane mutu ane dinyaange mu tsi yi musiingile kokolu mu mabi.&#187; Ve mane wuyambile yandi nane, Sesu arume yikate re: &#171;Teleme, boonge pubagu, ne yende gu ndagwagu!&#187; 25Vane ne vane yikate ateleme ve miisu ma batu bootsu, atole pubandi, ayende nugitse Nzambi. 26Ve labe yawu nane, bootsu bagibeme mbili. Bayulu wome, bagitse Nzambi re: &#171;Nemunyi ditselabe maambu mavyogilile wunyi!&#187;</div><div class="s1">Sesu atsitse Levi</div><div class="p"> 27Ve yulu vane, Sesu avate ne alabe muyakitsi lepu, dine dyandi: Levi, matsagele ve yitsige gidyanzenge yandi, ne amuyambile re: &#171;Laande me!&#187; 28Levi ateleme, asiise byootsu, ne alaande Sesu. 29Kere vane Levi alaambile Sesu yilaambu giginene gu ndagwandi, mbili bayakitsi balepu ne batu bamosi bayi nawu. 30Ve labe bafwarisi ne bivuunde bi bateenditsi ba migage nane, baseembe bayikitsi ba Sesu re: &#171;Mugi yenu digoneyi, ne wunu ne bayakitsi ba lepu, ne batu bababi?&#187; 31Sesu ayagule yawu re: &#171;Batu babane buvinyi basaandi ne nzale mubugitsi, te nde bange mabeelise. 32Maseruge mu wubene babasuungeme, maruge nde mu wubene bange mabi, mure bakekalule buyedi.&#187;</div><div class="s1">Sesu aloonze mu dyaambu di wumine kugi</div><div class="p"> 33Bafwarisi bayambile Sesu re: &#171;Bayikitsi ba Sa Batise bakavure mine kugi ne wusaambile, ne beetu bakavagi munoongu wumoosi, te bagu bayatsi ke wuyi ne wunu.&#187; 34Sesu agabusile yawu re: &#171;Yenu ditaase re bambaatsi ba mutu wumadage mugyetu bagubuse wuyi ne wunwa? 35Te vekepule dikyesi dikeburulu mulumi, yawu bagumine kugi.&#187;</div><div class="p"> 36Sesu atwile yawu noongu re: &#171;Gusaandi mutu wukerungule wukake yireende mu yidwaari gimoone nurarige gyo mu yidwaari gikale, mbe yidwaari gikale gigukakugu. 37Gusaandi mutu wukerungule wuyitile malamu mamoone gugare bakyeki tsikale, mbe malamu mene magubule bakyeki, mareyitige, ne bakyeki tsirebungene. 38Te bweedi nde wuyitile malamu mamoone mu bakyeki tsimoone. 39Gusaandi mutu wukaroondi wunu malamu mamoone agamamane wunu malamu mamatsiinge. Mumbare bakayambili re: &#8220;Matsiinge, re mamanyi.&#8221;&#187;</div>
 </div>
 </div>
</div>

Wisi wumoosi, Sesu abile ve tuungu mudibe wu Senesarete. Piti yiduge ve mbarandi mu yulu maambu ma Nzambi. Alabe mbuungu beyi ve tuungu mudibe, balobitsi basunde mutsuke masiinge mawu. Sesu apeke mu mbuungu moosi yi Simu, ne ayambile yandi re gogule pesu gu time maambe. Sesu atsagele gu mbuungu ne abaande wuloonze piti.
Ve mane yandi wuloonze, arume Simu re: «Gogule gu tselu yidoonge, ne yalanu masiinge menu mu wugaange bibere.» Simu agabusile yandi re: «Muloonzi, yetu ditselobe dibati dyootsu gugagaange nisi mutsoongu; te mu dirumu dyagu makevage.» Ve yale yawu masiinge, bagaange mbili bibere ne masiinge mawu mabaande wukakuge. Batsitse bambaatsi bawu bababile gu yine mbuungu mu wuyamune yawu. Yawu nuruge babaase mbuungu tsyootsu tsibeyi ne bibere, ne bambuungu bene tsibaande wunyoonge. Ve labe Simu Pyere nane, asume makotulu ve wusu Sesu nuyambile yandi re: «Fumu, yiyagogule ve mbarami, make mutu wu mubi!» Simu ne bootsu bababile naandi bagaangu ne wome mumbare badile mbili bibere. Sak ne Sa baane ba Sebedé babakingenge ne Simu ne yawu bagaangu ne wome. Te Sesu ayambile Simu re: «Yiyalabe wome, baande ne mapape yigubile mulobitsi wu batu.» Kere vane basabule bambuungu gu simu, basiise byootsu, balaande Sesu.

Wisi wubile Sesu gu divule dimoosi, dibagele dibile ne makyedi aruge. Ve labe yandi Sesu, agudeme ve wuswandi mbalenge mu mutambe atombe yandi re: «Fumu, ga yiroonde, yirungule wubeeluse me.» Sesu asukule dikake dyandi, agaangile yandi ne ayambile re: «Maroonde, beelugu.» Vane ne vane makyedi maburugu. Sesu ayambile naandi re: «Yiyayambile dyaambu dyene gu mutu, te yende mu wuritsige manyuru magu gu muyakitsi wu malagu, nuveege dilagu diloonze Muyise mure batu bootsu bakeyabe re yitsebeelugu.» Batu bayambilenge mbili mu yandi, ne bapiti bambili badugesene mu yulu nave loonzenge Sesu, ne mu wubeelusu mabeelise mawu. Te Sesu ayende yapiinze ve yitsige gigabile batu, mu wusaambile.

Wisi wumoosi Sesu aloonzenge batu gugare ndagu. Bafwarisi ne basupulitsi ba migage mi Muyise barugenge mu miimbu ma Sudé, ne mu miimbu ma Galilé, ne gu divule di Serusalem. Re banyingene gu ndagwene yiloonzenge Sesu, ne batsagele ve mbarandi mu wuyulu musamu wandi. Sesu ne ngudi yi Fumu yibile naandi, abeelusenge babeetsi. Vane ne vane batu baruge ne mutu wu yikate wupapu mu pube, baroonde wunyingise yandi ne wusunze yandi ve wusu Sesu. Te baserungule wunyingene mu piti yibile vane, yawu banakeme naandi gu yulu ndagu, batube mune, basundise yikate mu pube ve ganegare piti ve wusu Sesu. Ve labe Sesu gitu gyawu, ayambile yikate re: «Mabi magu mamasiingulu kokolu.» Bafwarisi ne bateenditsi ba migage mi Muyise bataasenge mu mirime re: «A wuwu munoongu mutu nde nyi? Agoneseenge nde Nzambi! Nde nyi wurungule wusiingile batu kokolu mu mabi veengu Nzambi yapiinze!» Sesu wuyabenge mabilenge mu mirime myawu, ayambile yawu re: «Sabweedi mu wubile ne munoongu mataase mane. Gi page mu wuyambile vane nde gi? Wuyambile re: “Mabi magu mamasiingulu kokolu”, vore nde wuyambile re: “Teleme, yendenge?” Te maroonde re yenu diyabi re, Mwaane mutu ane dinyaange mu tsi yi musiingile kokolu mu mabi.» Ve mane wuyambile yandi nane, Sesu arume yikate re: «Teleme, boonge pubagu, ne yende gu ndagwagu!» Vane ne vane yikate ateleme ve miisu ma batu bootsu, atole pubandi, ayende nugitse Nzambi. Ve labe yawu nane, bootsu bagibeme mbili. Bayulu wome, bagitse Nzambi re: «Nemunyi ditselabe maambu mavyogilile wunyi!»

Ve yulu vane, Sesu avate ne alabe muyakitsi lepu, dine dyandi: Levi, matsagele ve yitsige gidyanzenge yandi, ne amuyambile re: «Laande me!» Levi ateleme, asiise byootsu, ne alaande Sesu. Kere vane Levi alaambile Sesu yilaambu giginene gu ndagwandi, mbili bayakitsi balepu ne batu bamosi bayi nawu. Ve labe bafwarisi ne bivuunde bi bateenditsi ba migage nane, baseembe bayikitsi ba Sesu re: «Mugi yenu digoneyi, ne wunu ne bayakitsi ba lepu, ne batu bababi?» Sesu ayagule yawu re: «Batu babane buvinyi basaandi ne nzale mubugitsi, te nde bange mabeelise. Maseruge mu wubene babasuungeme, maruge nde mu wubene bange mabi, mure bakekalule buyedi.»

Bafwarisi bayambile Sesu re: «Bayikitsi ba Sa Batise bakavure mine kugi ne wusaambile, ne beetu bakavagi munoongu wumoosi, te bagu bayatsi ke wuyi ne wunu.» Sesu agabusile yawu re: «Yenu ditaase re bambaatsi ba mutu wumadage mugyetu bagubuse wuyi ne wunwa? Te vekepule dikyesi dikeburulu mulumi, yawu bagumine kugi.»
Sesu atwile yawu noongu re: «Gusaandi mutu wukerungule wukake yireende mu yidwaari gimoone nurarige gyo mu yidwaari gikale, mbe yidwaari gikale gigukakugu. Gusaandi mutu wukerungule wuyitile malamu mamoone gugare bakyeki tsikale, mbe malamu mene magubule bakyeki, mareyitige, ne bakyeki tsirebungene. Te bweedi nde wuyitile malamu mamoone mu bakyeki tsimoone. Gusaandi mutu wukaroondi wunu malamu mamoone agamamane wunu malamu mamatsiinge. Mumbare bakayambili re: “Matsiinge, re mamanyi.”»

Klausīties Lik 5