God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s1">3:1-12 Jon Bafutaito Ari Kato Na Iesu Da Furaita Rouvia-Nu Kariguturia Re.</div><div class="r">(Mak 1:1-8; Luk 3:1-18; Jon 1:19-28)</div><div class="p"> 1Anada ambova fefera eini, Jon Bafutaito Ari Kato aria, Judia Frovensi anava uvu tefo, kot&#250; enembo irambi kambesiva bubua, unda minono egh&#225; reta urie, 2#Mat 4:17; Mak 1:15&#8220;God unda Natofo* kaifa ari fefera an&#225; etia utuvako etua-du, neno kaverea, n&#237;manda ari akokogo dodogadi rere!&#8221; agh&#225; ririe. 3#Is 40:3God da feroveta Aisaia seibe unda buka rova Jon du egh&#225; gefirie,</div><div class="q1">&#8220;Emb&#243; eini uvu tefo, kot&#250; enembo irambi kambesiva avo irirota, ghogho reirie,</div><div class="q2">&#8216;Jojabeeda emboro simbuge, dambu ae!&#8217;&#8221;</div><div class="m">Aisaia na agh&#225; gefirie.</div><div class="p"> 4 # 
 2 Kgs 1:8
 Jon anava irirota mo, um&#243; oka kamero da tamututumi arinu dighia asugeta urie. Kot&#250;, unda abaguva dighari beago an&#225; kamero da andoromi arinu bua fifinembea dighita urie. Aghade um&#243; avo irirota, siside firukadenu bua undita urie. 5Anava iriaveta, Frovensi Judia enembo oruaruabe, bogu naa Jerusalem enembo oruabe kot&#250; uvu Jordan kasava vitiria enembo oruabede dano fuava, undava deseta urie. 6Jon da gaga niningiguturota, n&#250;manda ari akokogo isagha egegutuaveta, Jon na n&#250;mane Jordan uvuva bafutaito eta urie.</div><div class="p"> 7-9 # 
 Mat 12:34; 23:33; Jon 8:33 Agh&#225; urota geruria mo, Moses da Gaga Kaifa kakatode* Sadyusi* enembo oruabede unda bafutaito rorouria kambesiva fufuguturia-du, um&#243; egh&#225; ririe, &#8220;N&#237;mane angoghoda fufumbugari re! N&#237;mane jo neno kaverambi irirota fur&#225; bafutaito nuenembo egegadora, God ari akokogoda mino utaita rei-nundubutua, jo serigambi aita rosoravore. Nendufako, &#8216;Anda afa Abraham re,&#8217; rirota, &#8216;Am&#243; God da neno bari mendi aghago re.&#8217; mania nundubata! God en&#225; singoi rata, Abraham anada sasingu nindari inono re. Unda bouvu serigaita nundubadora mo, neno kaverea, n&#237;manda ari-bari akokogo doa, aito taubana fufugege! 10#Mat 7:19Oto seibe ika ruruva tafugaita simbugea vitie. Ika domi bee taubana righambi adua mo, um&#243; vegea, ivari tumanadu evirota vitia-va fugota, evaita rouvie.</div><div class="p"> 11Avore, n&#237;mane avona neno kaverea, unda ari-bari akokogo karigea, aito taubana fugadua-nu anona tefo uvumi bafutaito eta rore. Tago, emb&#243; eini anda ambova refia, um&#243; ano tofo re, am&#243; jo umongo irambi re. Anode duroghade anda jo undago irambi re. N&#237;mane unona Asisi Kakaragha ivarighami bafutaito aita rouvie. 12Um&#243; enembo iruraita simbugea vitie. Um&#243; faragho genjeguturota, faravada vee simbugea bua, unda koromava ititurota, faragho fugota, tumanadu reivia ivariva evivigaita rousue,&#8221; ririe.</div><div class="s1">3:13-17 Jon Na Iesu Bafutaito Uria Re.</div><div class="r">(Mak 1:9-11; Luk 3:21-22)</div><div class="p"> 13Anada ambova, Iesu unda naa Nasaret Galili Frovensi anavareta furia, uvu ragaro Jordan anava bubua, Jon na um&#243; avo bafutaito ari-du ririe. 14Agh&#225; urieta, Jon um&#243; Iesu bureguturota egh&#225; ririe, &#8220;Inona am&#243; bafutaito arigo, dodu anona im&#243; bafutaito ari-du ete?&#8221; 15Ririeta, Iesu mino egh&#225; ririe, &#8220;Avotago, do-gea, ang&#225; agh&#225; ata-gea, God donu uno rouvia-da bee siroroe!&#8221; Agh&#225; ririeta, Jon um&#243; Iesu da uno uria aghagonu aita &#8220;avore&#8221; ririe.</div><div class="p"> 16Um&#243; bafutaito urieta, Iesu um&#243; uvuvareta vivitua aghade, uutu ifeguturieta, Asisi Kakarami eto-bato dii ukugo isaghava vorefuria, undava asumbutueta gerurie. 17#Gen 22:2; Ps 2:7; Is 42:1; Mat 12:18; 17:5; Mak 1:11; Luk 9:35Agh&#225; urieta, uutuvareta be fugia egh&#225; ririe, &#8220;En&#225; anda neno bari Mendi re. Unda irari gerurota, anda neno roo gangoromi beda rouvie!&#8221;</div>
 </div>
 </div>
</div>

Anada ambova fefera eini, Jon Bafutaito Ari Kato aria, Judia Frovensi anava uvu tefo, kotú enembo irambi kambesiva bubua, unda minono eghá reta urie, “God unda Natofo* kaifa ari fefera aná etia utuvako etua-du, neno kaverea, nímanda ari akokogo dodogadi rere!” aghá ririe. God da feroveta Aisaia seibe unda buka rova Jon du eghá gefirie,
“Embó eini uvu tefo, kotú enembo irambi kambesiva avo irirota, ghogho reirie,
‘Jojabeeda emboro simbuge, dambu ae!’”
Aisaia na aghá gefirie.
Jon anava irirota mo, umó oka kamero da tamututumi arinu dighia asugeta urie. Kotú, unda abaguva dighari beago aná kamero da andoromi arinu bua fifinembea dighita urie. Aghade umó avo irirota, siside firukadenu bua undita urie. Anava iriaveta, Frovensi Judia enembo oruaruabe, bogu naa Jerusalem enembo oruabe kotú uvu Jordan kasava vitiria enembo oruabede dano fuava, undava deseta urie. Jon da gaga niningiguturota, númanda ari akokogo isagha egegutuaveta, Jon na númane Jordan uvuva bafutaito eta urie.
Aghá urota geruria mo, Moses da Gaga Kaifa kakatode* Sadyusi* enembo oruabede unda bafutaito rorouria kambesiva fufuguturia-du, umó eghá ririe, “Nímane angoghoda fufumbugari re! Nímane jo neno kaverambi irirota furá bafutaito nuenembo egegadora, God ari akokogoda mino utaita rei-nundubutua, jo serigambi aita rosoravore. Nendufako, ‘Anda afa Abraham re,’ rirota, ‘Amó God da neno bari mendi aghago re.’ mania nundubata! God ená singoi rata, Abraham anada sasingu nindari inono re. Unda bouvu serigaita nundubadora mo, neno kaverea, nímanda ari-bari akokogo doa, aito taubana fufugege! Oto seibe ika ruruva tafugaita simbugea vitie. Ika domi bee taubana righambi adua mo, umó vegea, ivari tumanadu evirota vitia-va fugota, evaita rouvie.
Avore, nímane avona neno kaverea, unda ari-bari akokogo karigea, aito taubana fugadua-nu anona tefo uvumi bafutaito eta rore. Tago, embó eini anda ambova refia, umó ano tofo re, amó jo umongo irambi re. Anode duroghade anda jo undago irambi re. Nímane unona Asisi Kakaragha ivarighami bafutaito aita rouvie. Umó enembo iruraita simbugea vitie. Umó faragho genjeguturota, faravada vee simbugea bua, unda koromava ititurota, faragho fugota, tumanadu reivia ivariva evivigaita rousue,” ririe.


Anada ambova, Iesu unda naa Nasaret Galili Frovensi anavareta furia, uvu ragaro Jordan anava bubua, Jon na umó avo bafutaito ari-du ririe. Aghá urieta, Jon umó Iesu bureguturota eghá ririe, “Inona amó bafutaito arigo, dodu anona imó bafutaito ari-du ete?” Ririeta, Iesu mino eghá ririe, “Avotago, do-gea, angá aghá ata-gea, God donu uno rouvia-da bee siroroe!” Aghá ririeta, Jon umó Iesu da uno uria aghagonu aita “avore” ririe.
Umó bafutaito urieta, Iesu umó uvuvareta vivitua aghade, uutu ifeguturieta, Asisi Kakarami eto-bato dii ukugo isaghava vorefuria, undava asumbutueta gerurie. Aghá urieta, uutuvareta be fugia eghá ririe, “Ená anda neno bari Mendi re. Unda irari gerurota, anda neno roo gangoromi beda rouvie!”

Klausīties Matyu 3