Ekegusii - 1990 KENBS (NT) Drama

<div class="version vid2771 iso6393guz" data-vid="2771" data-iso6393="guz">
 <div class="book bkLUK">
 <div class="chapter ch2" data-usfm="LUK.2">
 <div class="label">2</div><div class="s1">Okoiborwa kwa Yeso</div><div class="r">(Mat 1:18&#8211;25)</div><div class="p"> 1Ase amatuko aria, ogochika gokarua ase Kaisari Augusto, ng&#8217;a omobaro bw&#8217;abanto orikwe ase ense yonsi. 2Oyo noro orenge omobaro bwe ritang&#8217;ani origetwe ekero Kurenio arenge gavuna o Siiria. 3Abanto bonsi bakagenda korikwa, kera omonto ase omochie oye. 4Na Yusufu nere akaimoka korwa Galili korwa ase omochie o Nazareti, agatiira kogenda Boyahudi, goika omochie o Daudi, okorokwa Bethlehemu, ekiagera nigo arenge oyo bw&#8217;enyomba na eamate ya Daudi, 5erinde arikwe amo na Mariamu, ekiagera omoriereire boko, na Mariamu nigo arenge morito. 6Ekero barenge aroro engaki yaye y&#8217;okoibora egaika. 7Akaibora omwana oye omoisia omotangi, akamobekera chianga chi&#8217;obwana, akamwareria ase orotuba chiombe chiare koriera, ekiagera batanyorete ribaga ase enyomba y&#8217;abageni.</div><div class="p"> 8Ase ense eyio mbarengeo abarisia baikaransete ase ebitii, bakorenda amaicho abo botuko. 9Omomalaika bw&#8217;Omonene akabaorokera, obonene bw&#8217;Omonene bokababarera; bagasogwa nomoondoko omonge. 10Omomalaika akabatebia, &#8220;Timoiroka, ekiagera nabarenteire amang&#8217;ana amaya ay&#8217;omogoko omonene, orabe ase abanto bonsi, 11naki rero ase omochie o Daudi oiboirwe Omotooria ase engencho yaino, nere Kristo Omonene. 12Na eke nekemanyererio asemore: Namonyore omwana ekeng&#8217;werere obekeire chianga chi&#8217;obwana, bwareirie ase orotuba.&#8221;</div><div class="p"> 13Bwango igo mbarengeo amo nomomalaika oria omoganda o igoro, bagotogia Nyasae, bakobora,</div><div class="q1"> 14&#8220;Obonene ase Nyasae ore Igoro Mono,</div><div class="q1">na ase ense omorembe, ase abanto bagweneirwe nere.&#8221;</div><div class="p"> 15Ekero abamalaika abwo bachia koimoka kogenda igoro, abarisia baria bagatebania, &#8220;Gaki togende goika Bethlehemu, torore ring&#8217;ana eri riakorekire, eri Omonene atomanyirie.&#8221; 16Bakagenda nomoayerero, bakanyora Mariamu na Yusufu, na omwana oria ekeng&#8217;werere bwareirie ase orotuba. 17Bagachia komorora, bakaorokia ring&#8217;ana batebetigwe igoro y&#8217;omwana oyio. 18Bonsi abaigwete bagakumia ase aria batebetigwe nabarisia. 19Korende Mariamu akagacha amang&#8217;ana aya onsi, okoyarengereria ase enkoro yaye. 20Abarisia bakairana, bagotogia Nyasae na komobaka ase amang&#8217;ana onsi baigwete, na ayabaroche, buna batebetigwe.</div><div class="p"> 21Rigachia goika rituko ria gatano na gatato, rituko ri&#8217;okomosara, akarokwa erieta riaye Yeso, riria riatoretwe nomomalaika ritang&#8217;ani atarabogorigwa oborito.</div><div class="s1">Okoirwa kwa Yeso ase Hekalu</div><div class="p"> 22Na ekero amatuko &#8217;ogwesibia kwabo achia goika, ayachikire ase amachiko a Musa, bakamoira Yerusalemu, bamobeke ase Omonene 23(buna arikire ase amachiko &#8217;Omonene, &#8220;Kera omoisia omotangi okoigora enda ya ng&#8217;ina narokwe omochenu ase Omonene&#8221;), 24barue ekeng&#8217;wanso buna yaboretwe ase amachiko &#8217;Omonene, &#8220;Amaruma abere, gose amage &#8217;amaruma abere.&#8221;</div><div class="s1">Simeoni ogotogia Nyasae</div><div class="p"> 25Rora narengeo omonto Yerusalemu, erieta riaye Simeoni. Oyio nomonto omoronge orenge, osigete Nyasae, oganyete ogosemeria kw&#8217;Abaisraeli; na Omoika Omochenu nigo orenge igoro asare. 26Ere nigo aorokereretigwe n&#8217;Omoika Omochenu, ng&#8217;a takorora amakweri atararora Kristo bw&#8217;Omonene. 27Nabo akaraagwa n&#8217;Omoika gocha ase Hekalu ime; na ekero abaibori bachia korenta omwana Yeso, bamokorere buna yarenge engencho y&#8217;amachiko, 28Simeoni akamonyora, akamoagata ase amaboko aye, agatogia Nyasae, akabora,</div><div class="q1"> 29&#8220;Omonene, bono otige omosomba oo agende nomorembe,</div><div class="q1">koreng&#8217;ana nering&#8217;ana riao.</div><div class="q1"> 30Ekiagera amaiso aane arorire ogotooreka kwao,</div><div class="q1"> 31oko kwabekire ase amaiso &#8217;abanto bonsi,</div><div class="q1"> 32omobaso okomorekera abanto b&#8217;Ebisaku,</div><div class="q1">na obonene bw&#8217;abanto bao Abaisraeli.&#8221;</div><div class="p"> 33Ise na ng&#8217;ina bagakumia ase aria akwanwa igoro asare. 34Simeoni akabasesenia, agatebia Mariamu ng&#8217;ina, &#8220;Rora, Omwana oyo obekirwe ase okogwa na ogotenena ase abange b&#8217;Abaisraeli, abe ekiorokererio kerabe kegokwanwa mamincha, 35erinde ebirengererio bie chinkoro chinyinge biorokigwe. Boigo omoro nokobete omoyo oo.&#8221;</div><div class="s1">Anna</div><div class="p"> 36Narengeo omokungu omobani, Anna, omoiseke o Fanueli, bw&#8217;egesaku ki&#8217;Asheri. Ere nomong&#8217;ina bw&#8217;amatuko amange, obete nomosacha oye emiaka etano na ebere nyuma y&#8217;okoera kw&#8217;oboiseke bwaye. 37Ere nigo arenge omoboraka bw&#8217;emiaka emerongo etano na etato na ene, atana korua ase Hekalu ime, korende akaba okweng&#8217;ata, na ogosaba, na ogosasima obotuko na omobaso. 38Ase ekero keria ere akaoroka, agatogia Nyasae, agatebia abanto bonsi abarenge baganyete okoboorigwa kwa Yerusalemu amang&#8217;ana igoro y&#8217;Omwana oria.</div><div class="s1">Obwana bwa Yeso</div><div class="p"> 39Barabwo bagachia gokoora goikerania onsi koreng&#8217;ana namachiko &#8217;Omonene, bakairana Galili goika omochie obo Nazareti. 40Omwana oria agakina, akamenteka chinguru, agaichorwa nobong&#8217;aini ne chisemi; na obuya bwa Nyasae bokaba amo nere.</div><div class="p"> 41Nabo abaibori baye barenge kogenda Yerusalemu kera omwaka ase rituko rinene ri&#8217;Epasaka. 42Goika agachia koba nemiaka ikomi na ebere, bagatiira kogenda aroro, buna yarenge engencho ye Rituko Rinene. 43Ekero Epasaka yaera, ekero barenge koirana, omwana Yeso agatigara nyuma agwo Yerusalemu, na abaibori baye tibamanya. 44Barabwo bagakaga ng&#8217;a nigo are ase omoganda obo, bakagenda orogendo rw&#8217;omobaso oyomo, bakamorigia ase eamate yabo na ase abairi. 45Ekero batamonyorete, bakairana Yerusalemu, bakamorigia. 46Nyuma y&#8217;amatuko atato bakamonyora Hekalu ime, oikaransete gati ase aborokia, okobaigwa na kobaboria amaborio. 47Na bonsi abamoigwete bagakumia ase okomanya kwaye na okoiraneria kwaye. 48Abaibori baye bagachia komorora bagaichana mono. Ng&#8217;ina akamotebia, &#8220;Omwana one, naki gwatokorire iga? Rora, iso na inche twarenge gokorigia nomoichano.&#8221;</div><div class="p"> 49Akabatebia, &#8220;Naki mokondigia? Timomanyeti ng&#8217;a nengwenerete koba ase enyomba ya Tata one?&#8221; 50Tibamanya ring&#8217;ana riria abatebia. 51Agatirimboka amo nabarabwo, agaika Nazareti, akaba nkobaigwera are. Ng&#8217;ina akagacha amang&#8217;ana aya onsi ase enkoro yaye ime.</div><div class="p"> 52Yeso akamenteka gokina ase obong&#8217;aini ne chisemi, na ase omobere, akagwenera Nyasae na mwanyabanto.</div>
 </div>
 </div>
</div>

OLD EKEGUSII BIBLE PROTESTANT EDITION ©Bible Society of Kenya, 2020

Ase amatuko aria, ogochika gokarua ase Kaisari Augusto, ng’a omobaro bw’abanto orikwe ase ense yonsi. Oyo noro orenge omobaro bwe ritang’ani origetwe ekero Kurenio arenge gavuna o Siiria. Abanto bonsi bakagenda korikwa, kera omonto ase omochie oye. Na Yusufu nere akaimoka korwa Galili korwa ase omochie o Nazareti, agatiira kogenda Boyahudi, goika omochie o Daudi, okorokwa Bethlehemu, ekiagera nigo arenge oyo bw’enyomba na eamate ya Daudi, erinde arikwe amo na Mariamu, ekiagera omoriereire boko, na Mariamu nigo arenge morito. Ekero barenge aroro engaki yaye y’okoibora egaika. Akaibora omwana oye omoisia omotangi, akamobekera chianga chi’obwana, akamwareria ase orotuba chiombe chiare koriera, ekiagera batanyorete ribaga ase enyomba y’abageni.
Ase ense eyio mbarengeo abarisia baikaransete ase ebitii, bakorenda amaicho abo botuko. Omomalaika bw’Omonene akabaorokera, obonene bw’Omonene bokababarera; bagasogwa nomoondoko omonge. Omomalaika akabatebia, “Timoiroka, ekiagera nabarenteire amang’ana amaya ay’omogoko omonene, orabe ase abanto bonsi, naki rero ase omochie o Daudi oiboirwe Omotooria ase engencho yaino, nere Kristo Omonene. Na eke nekemanyererio asemore: Namonyore omwana ekeng’werere obekeire chianga chi’obwana, bwareirie ase orotuba.”
Bwango igo mbarengeo amo nomomalaika oria omoganda o igoro, bagotogia Nyasae, bakobora,
“Obonene ase Nyasae ore Igoro Mono,
na ase ense omorembe, ase abanto bagweneirwe nere.”
Ekero abamalaika abwo bachia koimoka kogenda igoro, abarisia baria bagatebania, “Gaki togende goika Bethlehemu, torore ring’ana eri riakorekire, eri Omonene atomanyirie.” Bakagenda nomoayerero, bakanyora Mariamu na Yusufu, na omwana oria ekeng’werere bwareirie ase orotuba. Bagachia komorora, bakaorokia ring’ana batebetigwe igoro y’omwana oyio. Bonsi abaigwete bagakumia ase aria batebetigwe nabarisia. Korende Mariamu akagacha amang’ana aya onsi, okoyarengereria ase enkoro yaye. Abarisia bakairana, bagotogia Nyasae na komobaka ase amang’ana onsi baigwete, na ayabaroche, buna batebetigwe.
Rigachia goika rituko ria gatano na gatato, rituko ri’okomosara, akarokwa erieta riaye Yeso, riria riatoretwe nomomalaika ritang’ani atarabogorigwa oborito.

Na ekero amatuko ’ogwesibia kwabo achia goika, ayachikire ase amachiko a Musa, bakamoira Yerusalemu, bamobeke ase Omonene (buna arikire ase amachiko ’Omonene, “Kera omoisia omotangi okoigora enda ya ng’ina narokwe omochenu ase Omonene”), barue ekeng’wanso buna yaboretwe ase amachiko ’Omonene, “Amaruma abere, gose amage ’amaruma abere.”

Rora narengeo omonto Yerusalemu, erieta riaye Simeoni. Oyio nomonto omoronge orenge, osigete Nyasae, oganyete ogosemeria kw’Abaisraeli; na Omoika Omochenu nigo orenge igoro asare. Ere nigo aorokereretigwe n’Omoika Omochenu, ng’a takorora amakweri atararora Kristo bw’Omonene. Nabo akaraagwa n’Omoika gocha ase Hekalu ime; na ekero abaibori bachia korenta omwana Yeso, bamokorere buna yarenge engencho y’amachiko, Simeoni akamonyora, akamoagata ase amaboko aye, agatogia Nyasae, akabora,
“Omonene, bono otige omosomba oo agende nomorembe,
koreng’ana nering’ana riao.
Ekiagera amaiso aane arorire ogotooreka kwao,
oko kwabekire ase amaiso ’abanto bonsi,
omobaso okomorekera abanto b’Ebisaku,
na obonene bw’abanto bao Abaisraeli.”
Ise na ng’ina bagakumia ase aria akwanwa igoro asare. Simeoni akabasesenia, agatebia Mariamu ng’ina, “Rora, Omwana oyo obekirwe ase okogwa na ogotenena ase abange b’Abaisraeli, abe ekiorokererio kerabe kegokwanwa mamincha, erinde ebirengererio bie chinkoro chinyinge biorokigwe. Boigo omoro nokobete omoyo oo.”

Narengeo omokungu omobani, Anna, omoiseke o Fanueli, bw’egesaku ki’Asheri. Ere nomong’ina bw’amatuko amange, obete nomosacha oye emiaka etano na ebere nyuma y’okoera kw’oboiseke bwaye. Ere nigo arenge omoboraka bw’emiaka emerongo etano na etato na ene, atana korua ase Hekalu ime, korende akaba okweng’ata, na ogosaba, na ogosasima obotuko na omobaso. Ase ekero keria ere akaoroka, agatogia Nyasae, agatebia abanto bonsi abarenge baganyete okoboorigwa kwa Yerusalemu amang’ana igoro y’Omwana oria.

Barabwo bagachia gokoora goikerania onsi koreng’ana namachiko ’Omonene, bakairana Galili goika omochie obo Nazareti. Omwana oria agakina, akamenteka chinguru, agaichorwa nobong’aini ne chisemi; na obuya bwa Nyasae bokaba amo nere.
Nabo abaibori baye barenge kogenda Yerusalemu kera omwaka ase rituko rinene ri’Epasaka. Goika agachia koba nemiaka ikomi na ebere, bagatiira kogenda aroro, buna yarenge engencho ye Rituko Rinene. Ekero Epasaka yaera, ekero barenge koirana, omwana Yeso agatigara nyuma agwo Yerusalemu, na abaibori baye tibamanya. Barabwo bagakaga ng’a nigo are ase omoganda obo, bakagenda orogendo rw’omobaso oyomo, bakamorigia ase eamate yabo na ase abairi. Ekero batamonyorete, bakairana Yerusalemu, bakamorigia. Nyuma y’amatuko atato bakamonyora Hekalu ime, oikaransete gati ase aborokia, okobaigwa na kobaboria amaborio. Na bonsi abamoigwete bagakumia ase okomanya kwaye na okoiraneria kwaye. Abaibori baye bagachia komorora bagaichana mono. Ng’ina akamotebia, “Omwana one, naki gwatokorire iga? Rora, iso na inche twarenge gokorigia nomoichano.”
Akabatebia, “Naki mokondigia? Timomanyeti ng’a nengwenerete koba ase enyomba ya Tata one?” Tibamanya ring’ana riria abatebia. Agatirimboka amo nabarabwo, agaika Nazareti, akaba nkobaigwera are. Ng’ina akagacha amang’ana aya onsi ase enkoro yaye ime.
Yeso akamenteka gokina ase obong’aini ne chisemi, na ase omobere, akagwenera Nyasae na mwanyabanto.

Klausīties LUKA 2