Bible Society of Papua New Guinea, 2011 ℗ 2014 Hosanna

Kiriwina - 2011 Edition (Drama - NT)

<div class="version vid2062 iso6393kij" data-vid="2062" data-iso6393="kij">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Yesu ikatumovi taitala okatuwotu</div><div class="p"> 1Oluvi, mina Yudia kasi paka kwaitala#kasi paka kwaitala. Mimilisi buki pilabubogwa iginisi &#8220;kasi paka makwaina&#8221;, e baisa kaina Luvapela. ikaloubusi; e Yesu ila Yerusalem. 2E kwaitala katuwotu isisu Yerusalem katitaikina makaduyona Sipi si Kabosusuvi. Obonasi mina Iberu idokaisi katuwotu Betisata, e makwaina sopi isim kala kabosusuvi kaduyolima. 3E bidubadu tokwatoula ikanukwenusi makaduyosina, tokwau, topem, togolia.#Mimilisi buki pilabubogwa ikatumkulovaisi mabigana, iginisi, &#8220;Itulotulasi igau avai tuta sopi biyeboebo. 4 Paila mimilisi tuta la anelosi Guyau bibusi wa sopi e bikatuluwi. E availa bivabusibogwa tutala iyeboebo sopi, matauna bibwaina kala katoula.&#8221; 5E taitala tau isisu baisa, kala lelia kweluwotolu kwailima kwaitolu taitu. 6E tutala Yesu igisi matauna ikanukwenu, e inikoli la sisu tuta kaduwonaku makawala, iluki matauna, kawala, &#8220;Magim bukubwaina ke?&#8221;</div><div class="p"> 7Matauna tokwatoula ivitakauloki Yesu, kawala, &#8220;Tomoya, gala availa bisailigu wa sopi tutala iyeboebo; mitaga tutala amaima, tomota ituwoli ikalisauwaigu ivabusibogwa.&#8221;</div><div class="p"> 8Yesu iluki matauna, kawala, &#8220;Kutokaia, kukwatupwi m moi, e bukula.&#8221; 9E matauna saina nanakwa ibwaina, ikatupwi la moi, e ila.</div><div class="p">E yam makwaina yam sabate. 10Mapaila mina Yudia ilukwaisi matauna eibwaina, kawasi, &#8220;Yam makwaina yam sabate e gala ibodi Mosese la Karaiwaga#Baisa si Buki Pilabumaboma mina Yudia, mitaga saina ikikamiabaisi pilalima mapilasina pilimatala. kidamwa bukukeula m moi.&#8221; #Nie 13.19; Yer 17.21</div><div class="p"> 11Mitaga ivitakauloki matausina, kawala, &#8220;Matauna tau eikatumovaigu ilukwaigu, kawala, &#8216;Kukwatupwi m moi, e kula.&#8217;&#8221;</div><div class="p"> 12Ikatupoiyaisi matauna, kawasi, &#8220;Avai tau eilukwaim, kawala, &#8216;Kukwatupwi m moi, e kula&#8217;?&#8221;</div><div class="p"> 13Mitaga matauna eibwaina gala inikoli avai tau, paila tobobawa isisuaisi baisa e Yesu bogwa leila.</div><div class="p"> 14Oluvi Yesu ibani matauna wa Bwala Kwebumaboma, e iluki matauna, kawala, &#8220;Ka, bogwa lokubwaina; taga tuvaila kumitugaga, kaina avai vavagi kala mwau bikalisau kam kwatoula biyosaim.&#8221;</div><div class="p"> 15E matauna ila e iluki mina Yudia kidamwa Yesu bogwa ikatumovi matauna. 16E mauula mina Yudia ivitouulasi si lamadada baisa Yesu paila ivagi vavagi makwaina wa yam sabate. 17Mitaga Yesu ikamitilaki matausina, kawala, &#8220;Tuta tuta Tamagu ipupaisewa, e yeigula tuvaila apupaisewa.&#8221;</div><div class="p"> 18E mina Yudia inainevisi saina minimani bikatumataisi matauna; gala paila ikodidaimi sabate wala, mitaga idoki Yaubada matauna Tamala tatoula goli, e makawala matauna iyovitavatasi sola Yaubada.</div><div class="s">Yaubada isaiki Latula karaiwaga</div><div class="p"> 19Yesu iluki matausina, kawala, &#8220;Biga mokwita alukwaimi gala igagabila bavagi avaka titoulegu, mitaga avaka bagisi Tamagu biuvagi, e makwaiwena bavagi; paila avaka avaka matauna iuvagi, auvagi makwaisina makawala goli. 20Paila Tamagu iyebwailigu, e iuvitulokaigu komwaidona vavagi makwaisina avaka eiuvagi; e tuvaila bivitulokaigu avaka bikalisauwaisi vavagi makwaisina, e bitutu uwomi. 21Paila makawala Tamagu itomiliwoli tomata e imovavausi, makawala goli yeigu Latula ayomovi availa availa goli lanagi bimovasi. 22Tamagu gala iyakali availa mitaga bogwa leisaiki yakala kala karaiwaga komwaidona baisa yeigu Latula, 23kidamwa komwaidosi bitemmalaigusi, makawala itemmalaisi Tamagu. Availa gala itemmalaigu, matauna gala itemmali Tamagu matauna leiwitalaigu.</div><div class="p"> 24&#8220;Biga mokwita alukwaimi, matauna ilagi ulo biga e idubumi matauna eiwitalaigu, bikau momova kwekanigaga; e gala bibani yakala, mitaga metoya okaliga bogwa iluvapela baisa omomova.</div><div class="p"> 25&#8220;Biga mokwita alukwaimi, tuta makateki, e bogwa leima goli, tomata bilagaisi kaigagu yeigu Yaubada Latula, e matausina ilagaisi bimovasi. 26Paila makawala Tamagu tolimomova makawala goli ivigakaigu tolimomova. 27E tuvaila isakaigu karaiwaga bavagi yakala, paila uula yeigu Latula Tomota. 28Taga bitutu uwomi paila baisa; paila tuta makateki komwaidosi tomata isisuaisi wa laka bilagaisi kaigagu, 29e bisunapulasi; matausina tomitukwaibwaila bitokaiasi bimovavausi; e matausina tomitugaga bitokaiasi bibodasi kasi kamwaga. #Dan 12.2</div><div class="s">Availa bikamituli paila Yesu</div><div class="p"> 30&#8220;Gala igagabila yeigu titoulegu bavagi avaka; aniganaga makawala Tamagu ilukwaigu, e ulo naga duwosisia paila gala anainevi nanogu, mitaga nanola matauna leiwitalaigu.</div><div class="p"> 31&#8220;Kidamwa bakamituli avaka paila titoulegu, makwaina kamatula kaina gala bibodi bukudubumaisi. 32Mitaga taiyuwela isisu isilasola paila yeigu, e anikoli makwaina avaka ilivala paila yeigu baisa mokwita. 33Lokuwitalaisi mi touwata ilosi baisa Yoni e matauna ikamituli avaka mokwita, e ikabuboti. #Yn 1.19-27; 3.27-30 34Gala goli ibodi tomota bisilasolasi paila yeigu; mitaga akatululuwaiyaimi kidamwa bukumovasi. 35Yoni goli kaitapa ilululu ititapi; e lokutagwalasi kwaitala momwa bukummwasawasi goli ovisigala. 36Mitaga agu tosola isisu ikalisuwoli kamatula makwaina avaka Yoni eikamituli; paila vavagi makwaisina avaka Tamagu eisakaigu bavagi, vavagi makwaisina auvagi isilasolasi paila yeigu, ikibubotaisi kidamwa Tamagu leiwitalaigu. 37E Tamagu eiwitalaigu, matauna tuvaila isilasola paila yeigu. Gala kwaitala tuta kulagaisi kaigala kaina kugisaisi migila. #Md 3.17; Mk 1.11; Lk 3.22 38E mapaila la biga gala isisu olumoulemi, paila gala kudubumaisi matauna eiwitali. 39Kunainevisi olumoulela Buki Pilabumaboma,#Kunainevisi olumoulela Buki Pilabumaboma. Gagabila bitagini, &#8220;Ibodi bukunainevisi olumoulela Buki Pilabumaboma&#8221; paila kudokaisi bukubanaisi momova kwekanigaga olumoulela mpana, e ginigini makwaisina goli ikamitulaisi paila yeigu. 40E gala magimi bukumakaiagusi kidamwa bukumovasi.</div><div class="p"> 41&#8220;Yeigu gala akukuli si yakaula tomota. 42Mitaga yokomi anikolaimi, anikoli gala wala kuyebwailisi Yaubada oninami. 43Lama paila Tamagu isakaigu ulo kwaraiwaga, e gala kubodaigusi. Mitaga kidamwa availa bima deli la karaiwaga titoulela, matauna bukubodaisi. 44Yokomi bukukulaisi kami yakaula taitala metoya baisa sola, e gala bukunevisi kami yakaula metoya baisa Yaubada kalamwaleta. Ki, ammakawalaga gagabila bukudubumaisi? 45Taga bukudokaisi kidamwa yeigu batabinakaimi omatala Tamagu; matauna Mosese bitabinakaimi, matauna goli mi kabopikwaku. 46Paila kidamwa bukudubumaisi Mosese, bogwa bukudubumaigusi; paila matauna leigini#Ililivala paila mapilasina buki pilalima omatala si Buki Pilabumaboma mina Yudia. paila yeigu. 47Mitaga kidamwa gala kudubumaisi la ginigini, ammakawala bukudubumaisi ulo biga?&#8221;</div>
 </div>
 </div>
</div>

Kiriwina Bible (Buki Pilabumaboma) © Bible Society of Papua New Guinea, 2011.

Oluvi, mina Yudia kasi paka kwaitala ikaloubusi; e Yesu ila Yerusalem. E kwaitala katuwotu isisu Yerusalem katitaikina makaduyona Sipi si Kabosusuvi. Obonasi mina Iberu idokaisi katuwotu Betisata, e makwaina sopi isim kala kabosusuvi kaduyolima. E bidubadu tokwatoula ikanukwenusi makaduyosina, tokwau, topem, togolia. E taitala tau isisu baisa, kala lelia kweluwotolu kwailima kwaitolu taitu. E tutala Yesu igisi matauna ikanukwenu, e inikoli la sisu tuta kaduwonaku makawala, iluki matauna, kawala, “Magim bukubwaina ke?”
Matauna tokwatoula ivitakauloki Yesu, kawala, “Tomoya, gala availa bisailigu wa sopi tutala iyeboebo; mitaga tutala amaima, tomota ituwoli ikalisauwaigu ivabusibogwa.”
Yesu iluki matauna, kawala, “Kutokaia, kukwatupwi m moi, e bukula.” E matauna saina nanakwa ibwaina, ikatupwi la moi, e ila.
E yam makwaina yam sabate. Mapaila mina Yudia ilukwaisi matauna eibwaina, kawasi, “Yam makwaina yam sabate e gala ibodi Mosese la Karaiwaga kidamwa bukukeula m moi.”
Mitaga ivitakauloki matausina, kawala, “Matauna tau eikatumovaigu ilukwaigu, kawala, ‘Kukwatupwi m moi, e kula.’”
Ikatupoiyaisi matauna, kawasi, “Avai tau eilukwaim, kawala, ‘Kukwatupwi m moi, e kula’?”
Mitaga matauna eibwaina gala inikoli avai tau, paila tobobawa isisuaisi baisa e Yesu bogwa leila.
Oluvi Yesu ibani matauna wa Bwala Kwebumaboma, e iluki matauna, kawala, “Ka, bogwa lokubwaina; taga tuvaila kumitugaga, kaina avai vavagi kala mwau bikalisau kam kwatoula biyosaim.”
E matauna ila e iluki mina Yudia kidamwa Yesu bogwa ikatumovi matauna. E mauula mina Yudia ivitouulasi si lamadada baisa Yesu paila ivagi vavagi makwaina wa yam sabate. Mitaga Yesu ikamitilaki matausina, kawala, “Tuta tuta Tamagu ipupaisewa, e yeigula tuvaila apupaisewa.”
E mina Yudia inainevisi saina minimani bikatumataisi matauna; gala paila ikodidaimi sabate wala, mitaga idoki Yaubada matauna Tamala tatoula goli, e makawala matauna iyovitavatasi sola Yaubada.

Yesu iluki matausina, kawala, “Biga mokwita alukwaimi gala igagabila bavagi avaka titoulegu, mitaga avaka bagisi Tamagu biuvagi, e makwaiwena bavagi; paila avaka avaka matauna iuvagi, auvagi makwaisina makawala goli. Paila Tamagu iyebwailigu, e iuvitulokaigu komwaidona vavagi makwaisina avaka eiuvagi; e tuvaila bivitulokaigu avaka bikalisauwaisi vavagi makwaisina, e bitutu uwomi. Paila makawala Tamagu itomiliwoli tomata e imovavausi, makawala goli yeigu Latula ayomovi availa availa goli lanagi bimovasi. Tamagu gala iyakali availa mitaga bogwa leisaiki yakala kala karaiwaga komwaidona baisa yeigu Latula, kidamwa komwaidosi bitemmalaigusi, makawala itemmalaisi Tamagu. Availa gala itemmalaigu, matauna gala itemmali Tamagu matauna leiwitalaigu.
“Biga mokwita alukwaimi, matauna ilagi ulo biga e idubumi matauna eiwitalaigu, bikau momova kwekanigaga; e gala bibani yakala, mitaga metoya okaliga bogwa iluvapela baisa omomova.
“Biga mokwita alukwaimi, tuta makateki, e bogwa leima goli, tomata bilagaisi kaigagu yeigu Yaubada Latula, e matausina ilagaisi bimovasi. Paila makawala Tamagu tolimomova makawala goli ivigakaigu tolimomova. E tuvaila isakaigu karaiwaga bavagi yakala, paila uula yeigu Latula Tomota. Taga bitutu uwomi paila baisa; paila tuta makateki komwaidosi tomata isisuaisi wa laka bilagaisi kaigagu, e bisunapulasi; matausina tomitukwaibwaila bitokaiasi bimovavausi; e matausina tomitugaga bitokaiasi bibodasi kasi kamwaga.

“Gala igagabila yeigu titoulegu bavagi avaka; aniganaga makawala Tamagu ilukwaigu, e ulo naga duwosisia paila gala anainevi nanogu, mitaga nanola matauna leiwitalaigu.
“Kidamwa bakamituli avaka paila titoulegu, makwaina kamatula kaina gala bibodi bukudubumaisi. Mitaga taiyuwela isisu isilasola paila yeigu, e anikoli makwaina avaka ilivala paila yeigu baisa mokwita. Lokuwitalaisi mi touwata ilosi baisa Yoni e matauna ikamituli avaka mokwita, e ikabuboti. Gala goli ibodi tomota bisilasolasi paila yeigu; mitaga akatululuwaiyaimi kidamwa bukumovasi. Yoni goli kaitapa ilululu ititapi; e lokutagwalasi kwaitala momwa bukummwasawasi goli ovisigala. Mitaga agu tosola isisu ikalisuwoli kamatula makwaina avaka Yoni eikamituli; paila vavagi makwaisina avaka Tamagu eisakaigu bavagi, vavagi makwaisina auvagi isilasolasi paila yeigu, ikibubotaisi kidamwa Tamagu leiwitalaigu. E Tamagu eiwitalaigu, matauna tuvaila isilasola paila yeigu. Gala kwaitala tuta kulagaisi kaigala kaina kugisaisi migila. E mapaila la biga gala isisu olumoulemi, paila gala kudubumaisi matauna eiwitali. Kunainevisi olumoulela Buki Pilabumaboma, paila kudokaisi bukubanaisi momova kwekanigaga olumoulela mpana, e ginigini makwaisina goli ikamitulaisi paila yeigu. E gala magimi bukumakaiagusi kidamwa bukumovasi.
“Yeigu gala akukuli si yakaula tomota. Mitaga yokomi anikolaimi, anikoli gala wala kuyebwailisi Yaubada oninami. Lama paila Tamagu isakaigu ulo kwaraiwaga, e gala kubodaigusi. Mitaga kidamwa availa bima deli la karaiwaga titoulela, matauna bukubodaisi. Yokomi bukukulaisi kami yakaula taitala metoya baisa sola, e gala bukunevisi kami yakaula metoya baisa Yaubada kalamwaleta. Ki, ammakawalaga gagabila bukudubumaisi? Taga bukudokaisi kidamwa yeigu batabinakaimi omatala Tamagu; matauna Mosese bitabinakaimi, matauna goli mi kabopikwaku. Paila kidamwa bukudubumaisi Mosese, bogwa bukudubumaigusi; paila matauna leigini paila yeigu. Mitaga kidamwa gala kudubumaisi la ginigini, ammakawala bukudubumaisi ulo biga?”

Klausīties YONI 5