Kiribati - 2016 Edition (Non-Drama - NT)

Kiribati - 2016 Edition (Drama - NT)

<div class="version vid1892 iso6393gil" data-vid="1892" data-iso6393="gil">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">E a Manga Maiu Iesu</div><div class="r">(Mataio 28.1-10; Mareko 16.1-8; Ioa 20.1-10)</div><div class="p"> 1Ngke e a ingabong, i m'ain otin taai, ni moani bongin te wiiki,#24.1 moani bongin te wiiki; te bong are i mwiin aia Taabati Iutaia. ao a nako nakekei nakon te nne ni mate, ma baike a boiarara ake a tia ni katauraoi. 2Ao a nora te atibu b'a e karabinoaki nako man te nne ni mate; 3ma ngke a rin, ao a aki kunea rab'atan te Uea #24.3 te Uea; akea taeka aikai ni B'aib'ara tabeua. are Iesu. 4Ngke a minotaki aia iango n te b'ai are riki, ao noria, a tei uomani mm'aane i rarikiia aika a b'ainiia ni kunnikai aika raneanea. 5Ao a kabaraakii mataia b'a a maaku, ao a taku mm'aane akekei nako ia, &#8220;E aera ngkai kam ukoukora temanna ae maiu maibuakoia maate? 6#Mataio 16.21; 17.22,23; 20.18,19; Mareko 8.31; 9.31; 10.33,34; Ruka 9.22; 18.31-33 E aki mena ikai, b'a E a tia ni manga uti. #24.6 E a tia ni manga uti; akea taeka aikai ni B'aib'ara tabeua. Kam na uringa ana taeka are E tuangngkami, ngke E mena i Kariraia, are e kangai, 7&#8216;B'a e riai b'a E na kam'aneaki Natin te Aomata nako nanoni baiia aomata aika buakaka, ao E na kamateaki n te kaibangaki ao E na manga uti n te katenibong.&#8217; &#8221;</div><div class="p"> 8Ao aine akekei, a uring ana taeka, 9ao ngke a oki man te nne ni mate, ao a taekini baikekei ni kabane nakoia uake tengauni ma temanna ma raoia ni kabaneia. 10Ao nakekei bon Nei Maria te I-M'aketara, ma Nei Ioana, ma Nei Maria are tinan Iakobo, ao aine ake tabeman ake raoia; a tuangiia reirei baikekei; 11ma taeka aikai n aia katautau uakekei, kaanga ai aron te rongorongo ae akea nanona, ao a aki kakoauai. 12Ma e tei rake Betero, ao e biri nakon te nne ni mate. Ngke e b'atiku n taraa nanona, ao e noori kunnikai ake a mainaina ni wene n ti ngaiia; ao e oki n okira mwengana n iangoa te baere e a tia n riki. #24.12 B'aib'ara tabeua a aki karina te kibu 12.</div><div class="s1">Te Nako Em'auti</div><div class="r">(Mareko 16.12-13)</div><div class="p"> 13Ao noria, a nako uoman mai buakoia uakekei, n te bongi naba arei, nakon te kawa ae arana Em'auti, ae tao itiua te maire raroana ma Ierutarem. 14A maroroakin taekani b'aai ni kabane ake a tia n riki. 15Ao ngke a tabe ni maroroo ma ni kauntaeka i bon i rouia, ao E kaaniia Iesu ao E airi ma ngaiia. 16Ma a aki kinaa b'a Iesu. 17Ao E taku nako ia, &#8220;Tera ae kam a boni kakarabakauakinna ngkai kam nakonako?&#8221;</div><div class="p">A tei n aki kakarongoa man nanokawaki. 18Ao temanna i rouia ae arana Kireob'a, e kaeka ni kangai, &#8220;Ti Ngkoe te aomata ae mena i Ierutarem ae e aki ongo taekani baika a tia n riki ikekei i nanon tabeua boongi n nako?&#8221;</div><div class="p"> 19Ao Ngaia E kangai nako ia, &#8220;Ae b'aai baikara?&#8221;</div><div class="p">Ao a kaeka ni kangai,</div><div class="pi">Ae taekan Iesu are te I-Natareta, are kaota aroni kakoauana, ni baika E karaoi ao n ana taeka, b'a te burabeti Ngaia i matan te Atua ma aomata ni kabaneia. 20Ao ara ibonga ake mataniwi ma taan tautaeka, a anga Ngaia b'a E na motikaki taekana nakon te kamateaki, ao a kamatea n te kaibangaki. 21Ma e tiku ara kaantaninga i Rouna b'a Ngaia ae na kamaiuia Iteraera! I rarikin aei, ai te katenua ni bong ngkai man te tai are a riki iai baikekei.</div><div class="pi"> 22Ma e ngae n anne, ao a kakubaira ara koraki n aine tabeman ake a roko n te nne ni mate: a nako n te nne ni mate ngke e a moanna n oti matan taai, 23ma a aki kunea rab'atan Iesu, ao a oki ma aia rongorongo ae a noriia anera, ake a taku b'a E maiu Teuarei. 24A nako n te nne ni mate raora tabem'aang, ao a nora are a atongnga aine akekei b'a e koaua, ma a aki nora Teuarei. 25Ao E taku Iesu nako ia, &#8220;Aomata aika kam nanobaba, ao kam waeremwe n iri nanoni b'aai ni kabane ake a atongi burabeti! 26Tiaki e riai b'a E na karawawataki ni baikekei te Kristo, ao b'a E na rin i nanoni mimitongina?&#8221; 27Ao E kaotai nako ia nanon taeka ake a koreaki ni m'akoroni booki n te B'aib'ara, #24.27 B'aib'ara; te O Tetemanti are a b'ainna I-Iutaia. ake a kaeti nako Ina b'a taekana, ao E moanna man ana boki Moote ma aia boki burabeti.</div><div class="p"> 28A kaania te kawa are a nako iai, ao Iesu, E bakaaea te nako riki, 29ma a imanonoia uakekei ao a kangai, &#8220;Ko na tiku i roura, b'a e a kani bong ao e a kan toki te ngaina.&#8221; Ao Ngaia E rin n te auti n tiku ma ngaiia. 30Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia. 31Ao a kaureaki mataia ao a kinaa; ao E bua mai mataia. 32A i taetae i rouia ni kangai, &#8220;Tiaki a riingaki nanora ngke E taetae nako ira i nanon te kawai, ao ngke E kab'ara nanon te B'aib'ara #24.32 B'aib'ara; nora te kibu 27. nako ira?&#8221;</div><div class="p"> 33Ao a tei rake n te aoa naba arei, ao a okira Ierutarem; ao a kuneia uake tengauni ma temanna b'a a botaki ma raoia, 34ao a kangai, &#8220;E a bon tia ni manga uti te Uea, ao E a tia ni kaoti nakon Timon!&#8221;</div><div class="p"> 35A taekina ngkanne te b'ai are e a tia n riki i nanon te kawai, ao aroia ngke a kinaa te Uea n te tai are E urua iai te kariki.</div><div class="s1">E Kaoti Iesu nakoia ana Reirei</div><div class="r">(Mataio 28.16-20; Mareko 16.14-18; Ioa 20.19-23; M'akuri 1.6-8)</div><div class="p"> 36Ngke a tabe n atongi baikai, ao E tei Iesu i buakoia, ao E taku nako ia, &#8220;E na mena te rau i roumi.&#8221; #24.36 ao E taku nako ia, E na mena te rau i aomi; akea taeka aikai ni b'aib'ara tabeua. 37A taonaki n te maaku ae korakora, ao a taku b'a a nora te anti. 38ao Ngaia E taku nako ia, &#8220;Kam aera ngkai kam maaku? Ao e aera ngkai a waerake taian titiraki i nanomi? 39Kam na tarai baiu ma waeu, b'a boni Ngai; kam na riingai ao taraai: b'a akea irikon ao riin te tamnei n ai aron ae kam nori b'a iai i Rou.&#8221; #24.39 Akea te kibu aei ni B'aib'ara tabeua.</div><div class="p"> 40Ngke E a tia n atonga aei, ao E kaoti baina ma waena nako ia. 41Ao ngke a tiku n aki kakoauaa i bukin te kim'areirei ma te mimi are reke i rouia, ao E taku nako ia, &#8220;Iai kanami i roumi ikai?&#8221; 42A anganna te m'akoro n ika ae tinimaki; 43ao E anaia, ao E kanna i mataia.</div><div class="p"> 44Ao E taku nako ia, &#8220;Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.&#8221; 45Ao E buoki aia iango b'a a aonga n ata nanon are koreaki n te B'aib'ara; 46ao E taku nako ia, &#8220;E koreaki ae kangai, b'a e riai b'a E na karawawataki ni kamateaki te Kristo, ao E na manga uti mai buakoia maate n te katenibong; 47ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem. 48Ngkami taan taekini baika kam a tia n nori. 49#M'akuri 1.4Ao noria, N na kanakoa nako aomi te baere E a tia ni kab'aka iai ana taeka Tamau b'a E na karaoia; ma kam na tiku i Ierutarem, ni karokoa anganakimi te m'aaka mai karawa.&#8221;</div><div class="s1">E Uotaki Rake nako Karawa Iesu</div><div class="r">(Mareko 16.19-20; M'akuri 1.9-11)</div><div class="p"> 50 # 
 M'akuri 1.9-11
 Ao E kairia Iesu nako tinanikun Ierutarem ni karokoa a kaani ma Betania; ao E katei baina, ao E taetae ni kakab'aiaia. 51Ngke E tabe n taetae ni kakab'aiaia, ao E raure ma ngaiia, ao E uotaki nako karawa. #24.51 ao E uotaki nako karawa; akea taeka aikai ni B'aib'ara tabeua. 52Ao a taromauriia, #24.52 ao a taromauria, ao; akea taeka aikai ni B'aib'ara tabeua. ao a manga, okira Ierutarem ma te kim'areirei ae bati; 53ao a kabanei aia tai n te um'antabu, ni kakaraoiroa te Atua.</div>
 </div>
 </div>
</div>

Ngke e a ingabong, i m'ain otin taai, ni moani bongin te wiiki, ao a nako nakekei nakon te nne ni mate, ma baike a boiarara ake a tia ni katauraoi. Ao a nora te atibu b'a e karabinoaki nako man te nne ni mate; ma ngke a rin, ao a aki kunea rab'atan te Uea are Iesu. Ngke a minotaki aia iango n te b'ai are riki, ao noria, a tei uomani mm'aane i rarikiia aika a b'ainiia ni kunnikai aika raneanea. Ao a kabaraakii mataia b'a a maaku, ao a taku mm'aane akekei nako ia, “E aera ngkai kam ukoukora temanna ae maiu maibuakoia maate? E aki mena ikai, b'a E a tia ni manga uti. Kam na uringa ana taeka are E tuangngkami, ngke E mena i Kariraia, are e kangai, ‘B'a e riai b'a E na kam'aneaki Natin te Aomata nako nanoni baiia aomata aika buakaka, ao E na kamateaki n te kaibangaki ao E na manga uti n te katenibong.’ ”
Ao aine akekei, a uring ana taeka, ao ngke a oki man te nne ni mate, ao a taekini baikekei ni kabane nakoia uake tengauni ma temanna ma raoia ni kabaneia. Ao nakekei bon Nei Maria te I-M'aketara, ma Nei Ioana, ma Nei Maria are tinan Iakobo, ao aine ake tabeman ake raoia; a tuangiia reirei baikekei; ma taeka aikai n aia katautau uakekei, kaanga ai aron te rongorongo ae akea nanona, ao a aki kakoauai. Ma e tei rake Betero, ao e biri nakon te nne ni mate. Ngke e b'atiku n taraa nanona, ao e noori kunnikai ake a mainaina ni wene n ti ngaiia; ao e oki n okira mwengana n iangoa te baere e a tia n riki.


Ao noria, a nako uoman mai buakoia uakekei, n te bongi naba arei, nakon te kawa ae arana Em'auti, ae tao itiua te maire raroana ma Ierutarem. A maroroakin taekani b'aai ni kabane ake a tia n riki. Ao ngke a tabe ni maroroo ma ni kauntaeka i bon i rouia, ao E kaaniia Iesu ao E airi ma ngaiia. Ma a aki kinaa b'a Iesu. Ao E taku nako ia, “Tera ae kam a boni kakarabakauakinna ngkai kam nakonako?”
A tei n aki kakarongoa man nanokawaki. Ao temanna i rouia ae arana Kireob'a, e kaeka ni kangai, “Ti Ngkoe te aomata ae mena i Ierutarem ae e aki ongo taekani baika a tia n riki ikekei i nanon tabeua boongi n nako?”
Ao Ngaia E kangai nako ia, “Ae b'aai baikara?”
Ao a kaeka ni kangai,
Ae taekan Iesu are te I-Natareta, are kaota aroni kakoauana, ni baika E karaoi ao n ana taeka, b'a te burabeti Ngaia i matan te Atua ma aomata ni kabaneia. Ao ara ibonga ake mataniwi ma taan tautaeka, a anga Ngaia b'a E na motikaki taekana nakon te kamateaki, ao a kamatea n te kaibangaki. Ma e tiku ara kaantaninga i Rouna b'a Ngaia ae na kamaiuia Iteraera! I rarikin aei, ai te katenua ni bong ngkai man te tai are a riki iai baikekei.
Ma e ngae n anne, ao a kakubaira ara koraki n aine tabeman ake a roko n te nne ni mate: a nako n te nne ni mate ngke e a moanna n oti matan taai, ma a aki kunea rab'atan Iesu, ao a oki ma aia rongorongo ae a noriia anera, ake a taku b'a E maiu Teuarei. A nako n te nne ni mate raora tabem'aang, ao a nora are a atongnga aine akekei b'a e koaua, ma a aki nora Teuarei. Ao E taku Iesu nako ia, “Aomata aika kam nanobaba, ao kam waeremwe n iri nanoni b'aai ni kabane ake a atongi burabeti! Tiaki e riai b'a E na karawawataki ni baikekei te Kristo, ao b'a E na rin i nanoni mimitongina?” Ao E kaotai nako ia nanon taeka ake a koreaki ni m'akoroni booki n te B'aib'ara, ake a kaeti nako Ina b'a taekana, ao E moanna man ana boki Moote ma aia boki burabeti.
A kaania te kawa are a nako iai, ao Iesu, E bakaaea te nako riki, ma a imanonoia uakekei ao a kangai, “Ko na tiku i roura, b'a e a kani bong ao e a kan toki te ngaina.” Ao Ngaia E rin n te auti n tiku ma ngaiia. Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia. Ao a kaureaki mataia ao a kinaa; ao E bua mai mataia. A i taetae i rouia ni kangai, “Tiaki a riingaki nanora ngke E taetae nako ira i nanon te kawai, ao ngke E kab'ara nanon te B'aib'ara nako ira?”
Ao a tei rake n te aoa naba arei, ao a okira Ierutarem; ao a kuneia uake tengauni ma temanna b'a a botaki ma raoia, ao a kangai, “E a bon tia ni manga uti te Uea, ao E a tia ni kaoti nakon Timon!”
A taekina ngkanne te b'ai are e a tia n riki i nanon te kawai, ao aroia ngke a kinaa te Uea n te tai are E urua iai te kariki.


Ngke a tabe n atongi baikai, ao E tei Iesu i buakoia, ao E taku nako ia, “E na mena te rau i roumi.” A taonaki n te maaku ae korakora, ao a taku b'a a nora te anti. ao Ngaia E taku nako ia, “Kam aera ngkai kam maaku? Ao e aera ngkai a waerake taian titiraki i nanomi? Kam na tarai baiu ma waeu, b'a boni Ngai; kam na riingai ao taraai: b'a akea irikon ao riin te tamnei n ai aron ae kam nori b'a iai i Rou.”
Ngke E a tia n atonga aei, ao E kaoti baina ma waena nako ia. Ao ngke a tiku n aki kakoauaa i bukin te kim'areirei ma te mimi are reke i rouia, ao E taku nako ia, “Iai kanami i roumi ikai?” A anganna te m'akoro n ika ae tinimaki; ao E anaia, ao E kanna i mataia.
Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.” Ao E buoki aia iango b'a a aonga n ata nanon are koreaki n te B'aib'ara; ao E taku nako ia, “E koreaki ae kangai, b'a e riai b'a E na karawawataki ni kamateaki te Kristo, ao E na manga uti mai buakoia maate n te katenibong; ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem. Ngkami taan taekini baika kam a tia n nori. Ao noria, N na kanakoa nako aomi te baere E a tia ni kab'aka iai ana taeka Tamau b'a E na karaoia; ma kam na tiku i Ierutarem, ni karokoa anganakimi te m'aaka mai karawa.”


Ao E kairia Iesu nako tinanikun Ierutarem ni karokoa a kaani ma Betania; ao E katei baina, ao E taetae ni kakab'aiaia. Ngke E tabe n taetae ni kakab'aiaia, ao E raure ma ngaiia, ao E uotaki nako karawa. Ao a taromauriia, ao a manga, okira Ierutarem ma te kim'areirei ae bati; ao a kabanei aia tai n te um'antabu, ni kakaraoiroa te Atua.

Klausīties Ruka 24