Ilagano lwa sambi kwa wanhu weng’ha

<div class="version vid1221 iso6393vid" data-vid="1221" data-iso6393="vid">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu kangugaligwa kwa Pilato</div><div class="r">(Matei 27:1-2,11-14; Malichi 15:1-5; Yohana 18:28-38)</div><div class="p"> 1Hamba, wanhu weng'ha wenuka, wamigala Yesu kwa Pilato. 2Waluka kumlonjeleza wolonga, &#8220;Tumfika munhu ayu yowahada wanhu wa hetwe, yowalemeza kulavya kodi kwa mndewa wa Loma na kichema heye Kilistu Mlohozi yahaguligwe na Nguluwi.&#8221;</div><div class="p"> 3Pilato nakamuuza, &#8220;Hegwe kwa mndewa wa wayahudi?&#8221;</div><div class="p">Yesu kedichila nakamlonjela, &#8220;Hegwe kulonga.&#8221;</div><div class="p"> 4Pilato nakawalonjela watambika wakulu na wala wanhu wamemile, &#8220;Sichiwene chinhu cha kumtagusa munhu yuno.&#8221;</div><div class="p"> 5Ila Hewo wang'ang'anila walonga, &#8220;Nakanguwasonjeleza wanhu vibi wetowe na undewa wa Loma kwa ulanguso wa udesi muli isi yeng'ha ya Yudeya, kaluchila Galilaya na sambi ka hano.&#8221;</div><div class="s">Yesu kangigaligwa kwa Helodi</div><div class="p"> 6Pilato loyahuliche ago, nakawauza, &#8220;Munhu ayu mwenyeng'haye wa Galilaya?&#8221; 7Loyavizelele Yesu nayali hasi ha ulongozi wa mndewa Helodi, kamgala kwa Helodi, mhela awo nayali Yelusalemu. 8Helodi loyamuwene Yesu kazangusechelela ng'hatu. Kwa vila nakagana kumona kulawa mazuwa menji. Nakahulika mbuli za heye, na kagana yamone yodita vinduzanduza. 9Lelo kamuuza Yesu mbuli nyinji kwa mhela uhejile, ila Yesu hedichile ne chinhu. 10Watambika wakulu na walangusa wa malajizo ga Musa, wema wamlonjeleza Yesu kwa lupichi. 11Helodi hamwe na wala walingulolela wazangumbasa soni Yesu na kumbeza, wolawa wamvalisa nguwo ya chiundewa, wamhilula kwa Pilato. 12Helodi na Pilato, wala aho katali wali wehilwe, kulawa zuwa lilila wazangigana.</div><div class="s">Yesu kangutagusigwa yabagame</div><div class="r">(Matei 27:15-26; Malichi 15:6-15; Yohana 18:39-19:16)</div><div class="p"> 13Pilato nakawachema watambika wakulu na vilongozi na wanhu. 14Baho nakawalonjela, &#8220;Mmigala munhu ayu kwa heni, mlonga kota nayali yowahada wanhu. Lelo mhulichize! Na heni ndizipugajiza mbuli za heye, ila sonile ne chinhu choyawifile kuli mbuli azo zomumlonjeleze. 15Si nene yeng'ha, na heye Helodi hachiwene ne chinhu choyawifile munhu ayu chilingumgana yakomigwe. 16Ahyo ndangugana yazapigwe ng'hobwa hamba ndomlechela.&#8221; 17Kwa vila kaganigwa yamlechele munhu yumwe kwa wala wawele mchinweng'ho kuli mnvina ya Pasaka.</div><div class="p"> 18Ila lung'hongola lweng'ha lwa wanhu wachemeleza hamwe, &#8220;Mkopoleni munhu ayo na utuchumulile Balaba!&#8221; 19Balaba nayali yahindilwe kwa kwambuza wanhu kuhinduka kuli muji na kukopola.</div><div class="p"> 20Pilato nakagana kumlechela Yesu, yolawa kalongana nawo kahi, 21ila hewo wachemeleza, &#8220;Muwambeni mumsalaba, muwambeni mumsalaba.&#8221;</div><div class="p"> 22Pilato nakawalonjela lwa kadatu, &#8220;Kadita choni chihile? Hambe ndichone chinhu chimwambuza yabagame, ndolajiza yasubuligwe ng'hobwa, hamba ndomlechela.&#8221;</div><div class="p"> 23Ila hewo waza nguchemeleza lukami ng'hatu twangugana Yesu yawambigwe mumsalaba, hamba lizi lyawo lihulikwa hamba wakundizwa chowaganile. 24Pilato nakalonga iditigwe kota vyowalingugana. 25Kachumula kamlavya yula walingumgana, yula yawohigwe kwa kwambuza kuhinduka na kukopola wanhu, yolawa kamlavya Yesu wamditile vowogana.</div><div class="s">Yesu kanguwambigwa mumsalaba</div><div class="r">(Matei 27:32-44; Malichi 15:21-32; Yohana 19:17-27)</div><div class="p"> 26Lowali womgala wating'hana na munhu yumwe nayali nguchemigwa Simoni mwenyeng'haye wa Kilene, nayali yolawa kumgunda. Wamibata wamdwika ula msalaba yauhole kumbele kwa Yesu.</div><div class="p"> 27Lung'hongola lwa wanhu lwali lumuwinza, wali mumo wadala womlilila na kumuwembela. 28Yesu kagalamka nakawalonjela, &#8220;Hemwe wadala wa Yelusalemu! Mleche kundilila heni, ila mililile mwemwe na wana wa hemwe! 29Kwa vila mazuwa ganguya mozangulonga, &#8216;Wabweda wala wali mhende, hewo hawalelile na hambe wonyeze wana!&#8217; 30Baho wanhu wokwaluka kuvilonjela vidunda, &#8216;Tugwile!&#8217; Na vidunda, &#8216;Tugubicheni!&#8217; 31Kwa vila wanhu wangudita vinhu avi kuli igodi idodi, ahyo yowa ndaze kwa igodi likalile?&#8221;</div><div class="p"> 32Wanhu wanji weli wehile na wegaligwa bahala, wakopoligwe hamwe na Yesu. 33Lowafichile honhu hamwe hali nguchemigwa, &#8220;Izeje lya mutwi,&#8221; Baho wamuwamba Yesu mumsalaba hamwe na wala wabokaji, yumwe kudilo na yumwe kumoso. 34Yesu nakalonga, &#8220;Mhaza uwalechele kwa vila hawavizelele hebu chowalingudita.&#8221;</div><div class="p">Wahola nguwo zonayavalaga kwa kuzitowela simbi. 35Wanhu wema wazanguwalola. Wakulu wa Wayahudi wazangubeza wolonga, &#8220;Kawalohola wanhu wanji, lelo yelohole yuye wone heye yawele Kilistu Mlohozi yahaguligwe na Nguluwi!&#8221;</div><div class="p"> 36Wamizi nawo wazangumbeza, waluta wampa divai izazame. 37Wolonga, &#8220;Wilohole uliyeka wone hegwe ndo uli Mndewa wa Wayahudi.&#8221;</div><div class="p"> 38Mchanya ha msalaba wa heye, na wandika mbuli ino, &#8220;Yuno ndo Mndewa wa Wayahudi.&#8221;</div><div class="p"> 39Yumwe wa wala wabokaji wawambigwe hamwe na Yesu nakamliga Yesu kalonga, &#8220;Hambi hegwe hauwele Kilistu Mlohzi!? Wilohole gwegwe na hetwe.&#8221;</div><div class="p"> 40Ila yula mbokaji yumwe, kamdeuza miyage, yolonga, &#8220;Hegwe hambe umdumbe Nguluwi hebu? Hegwe nagwe kwa mumo kuli kutagusigwa kwa wihe hihyo. 41Hetwe, twangutagusigwa hano kwa mbuli zihile zotuditile. Ila ayu munhu haditile ne chinhu chihile.&#8221; 42Hamba nakamlonjela Yesu, &#8220;Yesu! Ung'humbuche loukwinjila Undewa wa hegwe.&#8221; 43Yesu nakamlonjela, &#8220;Ndangukulonjela ndikomya lelo hano kowa hamwe na heni kuli lubehelo kuchanya kwa Nguluwi.&#8221;</div><div class="s">Yesu kangubagama mumsalaba</div><div class="r">(Matei 27:45-56; Malichi 15:33-41; Yohana 19:28-30)</div><div class="p"> 44Yali iwele saa sita nemisi; jiza ligubika isi yeng'ha mbaka saa tisa 45na ipaziya lya honhu helile ng'hatu kuli ng'handa ya Nguluwi lidejeka vibende vili. 46Yesu nakalila kwa kuchemelela, &#8220;Mhaza mmoko wa hegwe ndanguwika muhe wa heni.&#8221; Na loyalonjile hino, nakatwesemka lwa mwiso.</div><div class="p"> 47Mkulu wa wamizi wa Loma, loyawene gogalawile, kamtogola Nguluwi yolonga, &#8220;Kakomya, ayu nayali munhu yanojile.&#8221;</div><div class="p"> 48Na wanhu weng'ha wali aho wamemile wololela mbuli ayo, vyowawene ago galawile wahiluka kuluga wotowa vipambaga kwa kulajila masinzo. 49Wala wanhu weng'ha wamzelele Yesu na wala wadala wamuwinzile Galilaya, wema kutali wolola vinhu avyo.</div><div class="s">Lukuli lwa Yesu lwangutiligwa</div><div class="r">(Matei 27:57-61; Malichi 15:42-47; Yohana 19:38-42)</div><div class="p"> 50Kwali na munhu yumwe itagwa lya heye Yusufu, Mwenyeng'haye wa chijiji chimwe cha Wayahudi chilinguchemigwa Alimataya. Nayali munhu yanojile yodita galinguganigwa na Nguluwi. 51Nakekala yobeteza kuya kwa Undewa wa Nguluwi, ila heye nayali munhu wa Alimataya muji umwenga wa Wayahudi, yumwe wa wakulu wa kutagusa, hakundile chila chowadile wayage. 52Heye kaluta kwa Pilato, kalanda yapegwe lukuli lwa Yesu. 53Kaludulisa hasi, kaugubichiza sanda inojile ng'hatu, kauwika mchilaga chihongoligwe mmitalawe na hachinawichigwa ne lukuli mgati. 54Zuwa alyo lyali Ijumaa, lya kiwika goya Zuwa lya Kwesela gali gokwaluka.</div><div class="p"> 55Wala wadala nawelongoze hamwe na Yesu kulawa Galilaya nawamuwinza Yusufu, wahona hala honhu hali chilaga na wawona lukuli lwa Yesu houwichigwe. 56Na baho wahiluka kuluga, waza hola mafuta ga kunhunyhilila na Malihamu ga kulukumbika lukuli lwa Yesu.</div><div class="p">Kuli Zuwa lya Kwesela, nawesela kota Malajizo ga Musa vyogalingugana.</div>
 </div>
 </div>
</div>

Hamba, wanhu weng'ha wenuka, wamigala Yesu kwa Pilato. Waluka kumlonjeleza wolonga, “Tumfika munhu ayu yowahada wanhu wa hetwe, yowalemeza kulavya kodi kwa mndewa wa Loma na kichema heye Kilistu Mlohozi yahaguligwe na Nguluwi.”
Pilato nakamuuza, “Hegwe kwa mndewa wa wayahudi?”
Yesu kedichila nakamlonjela, “Hegwe kulonga.”
Pilato nakawalonjela watambika wakulu na wala wanhu wamemile, “Sichiwene chinhu cha kumtagusa munhu yuno.”
Ila Hewo wang'ang'anila walonga, “Nakanguwasonjeleza wanhu vibi wetowe na undewa wa Loma kwa ulanguso wa udesi muli isi yeng'ha ya Yudeya, kaluchila Galilaya na sambi ka hano.”

Pilato loyahuliche ago, nakawauza, “Munhu ayu mwenyeng'haye wa Galilaya?” Loyavizelele Yesu nayali hasi ha ulongozi wa mndewa Helodi, kamgala kwa Helodi, mhela awo nayali Yelusalemu. Helodi loyamuwene Yesu kazangusechelela ng'hatu. Kwa vila nakagana kumona kulawa mazuwa menji. Nakahulika mbuli za heye, na kagana yamone yodita vinduzanduza. Lelo kamuuza Yesu mbuli nyinji kwa mhela uhejile, ila Yesu hedichile ne chinhu. Watambika wakulu na walangusa wa malajizo ga Musa, wema wamlonjeleza Yesu kwa lupichi. Helodi hamwe na wala walingulolela wazangumbasa soni Yesu na kumbeza, wolawa wamvalisa nguwo ya chiundewa, wamhilula kwa Pilato. Helodi na Pilato, wala aho katali wali wehilwe, kulawa zuwa lilila wazangigana.


Pilato nakawachema watambika wakulu na vilongozi na wanhu. Baho nakawalonjela, “Mmigala munhu ayu kwa heni, mlonga kota nayali yowahada wanhu. Lelo mhulichize! Na heni ndizipugajiza mbuli za heye, ila sonile ne chinhu choyawifile kuli mbuli azo zomumlonjeleze. Si nene yeng'ha, na heye Helodi hachiwene ne chinhu choyawifile munhu ayu chilingumgana yakomigwe. Ahyo ndangugana yazapigwe ng'hobwa hamba ndomlechela.” Kwa vila kaganigwa yamlechele munhu yumwe kwa wala wawele mchinweng'ho kuli mnvina ya Pasaka.
Ila lung'hongola lweng'ha lwa wanhu wachemeleza hamwe, “Mkopoleni munhu ayo na utuchumulile Balaba!” Balaba nayali yahindilwe kwa kwambuza wanhu kuhinduka kuli muji na kukopola.
Pilato nakagana kumlechela Yesu, yolawa kalongana nawo kahi, ila hewo wachemeleza, “Muwambeni mumsalaba, muwambeni mumsalaba.”
Pilato nakawalonjela lwa kadatu, “Kadita choni chihile? Hambe ndichone chinhu chimwambuza yabagame, ndolajiza yasubuligwe ng'hobwa, hamba ndomlechela.”
Ila hewo waza nguchemeleza lukami ng'hatu twangugana Yesu yawambigwe mumsalaba, hamba lizi lyawo lihulikwa hamba wakundizwa chowaganile. Pilato nakalonga iditigwe kota vyowalingugana. Kachumula kamlavya yula walingumgana, yula yawohigwe kwa kwambuza kuhinduka na kukopola wanhu, yolawa kamlavya Yesu wamditile vowogana.


Lowali womgala wating'hana na munhu yumwe nayali nguchemigwa Simoni mwenyeng'haye wa Kilene, nayali yolawa kumgunda. Wamibata wamdwika ula msalaba yauhole kumbele kwa Yesu.
Lung'hongola lwa wanhu lwali lumuwinza, wali mumo wadala womlilila na kumuwembela. Yesu kagalamka nakawalonjela, “Hemwe wadala wa Yelusalemu! Mleche kundilila heni, ila mililile mwemwe na wana wa hemwe! Kwa vila mazuwa ganguya mozangulonga, ‘Wabweda wala wali mhende, hewo hawalelile na hambe wonyeze wana!’ Baho wanhu wokwaluka kuvilonjela vidunda, ‘Tugwile!’ Na vidunda, ‘Tugubicheni!’ Kwa vila wanhu wangudita vinhu avi kuli igodi idodi, ahyo yowa ndaze kwa igodi likalile?”
Wanhu wanji weli wehile na wegaligwa bahala, wakopoligwe hamwe na Yesu. Lowafichile honhu hamwe hali nguchemigwa, “Izeje lya mutwi,” Baho wamuwamba Yesu mumsalaba hamwe na wala wabokaji, yumwe kudilo na yumwe kumoso. Yesu nakalonga, “Mhaza uwalechele kwa vila hawavizelele hebu chowalingudita.”
Wahola nguwo zonayavalaga kwa kuzitowela simbi. Wanhu wema wazanguwalola. Wakulu wa Wayahudi wazangubeza wolonga, “Kawalohola wanhu wanji, lelo yelohole yuye wone heye yawele Kilistu Mlohozi yahaguligwe na Nguluwi!”
Wamizi nawo wazangumbeza, waluta wampa divai izazame. Wolonga, “Wilohole uliyeka wone hegwe ndo uli Mndewa wa Wayahudi.”
Mchanya ha msalaba wa heye, na wandika mbuli ino, “Yuno ndo Mndewa wa Wayahudi.”
Yumwe wa wala wabokaji wawambigwe hamwe na Yesu nakamliga Yesu kalonga, “Hambi hegwe hauwele Kilistu Mlohzi!? Wilohole gwegwe na hetwe.”
Ila yula mbokaji yumwe, kamdeuza miyage, yolonga, “Hegwe hambe umdumbe Nguluwi hebu? Hegwe nagwe kwa mumo kuli kutagusigwa kwa wihe hihyo. Hetwe, twangutagusigwa hano kwa mbuli zihile zotuditile. Ila ayu munhu haditile ne chinhu chihile.” Hamba nakamlonjela Yesu, “Yesu! Ung'humbuche loukwinjila Undewa wa hegwe.” Yesu nakamlonjela, “Ndangukulonjela ndikomya lelo hano kowa hamwe na heni kuli lubehelo kuchanya kwa Nguluwi.”


Yali iwele saa sita nemisi; jiza ligubika isi yeng'ha mbaka saa tisa na ipaziya lya honhu helile ng'hatu kuli ng'handa ya Nguluwi lidejeka vibende vili. Yesu nakalila kwa kuchemelela, “Mhaza mmoko wa hegwe ndanguwika muhe wa heni.” Na loyalonjile hino, nakatwesemka lwa mwiso.
Mkulu wa wamizi wa Loma, loyawene gogalawile, kamtogola Nguluwi yolonga, “Kakomya, ayu nayali munhu yanojile.”
Na wanhu weng'ha wali aho wamemile wololela mbuli ayo, vyowawene ago galawile wahiluka kuluga wotowa vipambaga kwa kulajila masinzo. Wala wanhu weng'ha wamzelele Yesu na wala wadala wamuwinzile Galilaya, wema kutali wolola vinhu avyo.


Kwali na munhu yumwe itagwa lya heye Yusufu, Mwenyeng'haye wa chijiji chimwe cha Wayahudi chilinguchemigwa Alimataya. Nayali munhu yanojile yodita galinguganigwa na Nguluwi. Nakekala yobeteza kuya kwa Undewa wa Nguluwi, ila heye nayali munhu wa Alimataya muji umwenga wa Wayahudi, yumwe wa wakulu wa kutagusa, hakundile chila chowadile wayage. Heye kaluta kwa Pilato, kalanda yapegwe lukuli lwa Yesu. Kaludulisa hasi, kaugubichiza sanda inojile ng'hatu, kauwika mchilaga chihongoligwe mmitalawe na hachinawichigwa ne lukuli mgati. Zuwa alyo lyali Ijumaa, lya kiwika goya Zuwa lya Kwesela gali gokwaluka.
Wala wadala nawelongoze hamwe na Yesu kulawa Galilaya nawamuwinza Yusufu, wahona hala honhu hali chilaga na wawona lukuli lwa Yesu houwichigwe. Na baho wahiluka kuluga, waza hola mafuta ga kunhunyhilila na Malihamu ga kulukumbika lukuli lwa Yesu.
Kuli Zuwa lya Kwesela, nawesela kota Malajizo ga Musa vyogalingugana.

Klausīties Lukasi 23