SALMOS 2
2
1¿Biẕ chen' ẕži'igak benne' yógo'te yež ka' che Dios?
¿Biẕ chen' ẕlab ḻáže'gak benne' ka' da' ẕzoan Ḻe' cheḻa'ale?
2Ẕži'igak benne' wnná bia' ka' chie' Ḻe',
na' benne' yolawe' ka' žóngake' toze diža' nich wží'igake' che Dios, X̱ángake',
na' che Bennen' wžé Dios chekze'.
3Ẕnnágake': “Yebéj kwinžo ḻo ná'gake',
na' wzoažo cheḻa'ale da' bchí'igekle' žo'o.”
4Gan že' X̱anžon' ya'abá chie' žẕiže'.
Žon ditjle' da' žek ḻáže'gake' góngake',
5na' ḻo yeḻa' ẕža'a chie' ẕdiḻe' ḻégake',
na' ḻo yeḻa' yichj ža'a chie' ẕchebe' ḻégake'.
6Ẕnne': “Ḻo ya'a la'y chia', Ya'a Sión
ba bzoa' Bennen' nna bi'e ḻo wlaza' neda'.”
7Ẕnna Bennen': “Wzenla' ḻe'e da' gož X̱anžon' neda'.
Gože' neda': Le' nako' Ẕi'na'. Na'a ža naka' x̱o'.
8Wnnable neda', na' gonna' Le' yógo'te yež ka',
na' gak chio' dot yežlyó.
9Wchinnjo' yež ka' ḻen to bar ya,
na' ka to že'e yo wzoẕjo' ḻégaken.”
10Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e.
Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó.
11Le gon da' ẕnna X̱anžo Dios, ḻo yeḻa' ẕžebe chele,
na' ḻo yeḻa' žeẕize chele, le yebele ḻawe' Ḻe'.
12Le gape ba la'ne Ẕi'ne' nich bi že'e,
na' bi kwia yi'le ḻo nez chele, dan' ḻa' žá'atie' Ḻe'.
Ba nez ẕen naken chegak yógo'te benne' ka' žx̱en ḻáže'gake' Ḻe'.
Šiuo metu pasirinkta:
SALMOS 2: zty
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2002, Wycliffe Bible Translators, Inc. All rights reserved.