ማቶሳ 3
3
ፃማቂያ ዮሃኒሲ ቃላ ኦዴዳ
(ማር 1፡1-8፤ ሉቅ 3፡1-18፤ ዮህ 1፡19-28)
1-2ሄ ዎዴ ፃማቂያ ዮሃኒሲ ኣሳ፥ «ሳሉዋ ካዉቴይ ማታቴዳ ዲራው፥ ሂንቴ ናጋራፔ ሲሚቴ» ያጊዴ፥ ዪሁዳ ሜላ ቢታን ኦዲዴ ዬዳ። #ማት 4፡17፤ ማር 1፡15 3ኣዪሲ ጎፔ፥ ናቢያ ኢሲያሴ፥ ዮሃኒሳባ ኦዲዴ፥
«ኢቱ ሜላ ቢታን ባሬ ቃላ ቁ ኡዲዴ፥
‹ጎዳ ኦጊያ ጊጊሲቴ።
ኢ ሄሜታና ሎሱዋካ
ኣው ሲቲ ኡዲቴ› ጌዳ»
ያጌዳ። #ኢሳ 40፡3
4ዮሃኒሳው ጋሉዋ ኢስኪያን ዳዴቴዳ ማዩ ዴዔ፤ ቃሲ ባሬ ፄሳን ዳፉዋ ዳንጬዳ፤ ኢ ሚያ ቁማይካ ቦሊያኔ ባዙዋ ኤሳ። #1ካት 1፡8 5ኣሳይ ሄ ዎዴ ዬሩሳላሜፔ፥ ዪሁዳ ጋዲያ ኡባ ሳፔኔ ዮርዳኖሳ ሻፋ ሄራን ዴዒያ ጋዲያ ኡባፔ ኣኮ ዪኖ። 6ባሬንቱ ናጋራ ፓፂና፥ ዮርዳኖሳ ሻፋን ኣሳ ፃማቄዳ።
7ሺን ዮሃኒሲ ዳሮ ፓሪሳዋቱኔ #3፡7 ፓሪሳዋቱዋ፥ ጉሳይ ኣዪሁዳ ኣሳቱዋ ካሌያ ኣሳቱዋ ጊዶፔ ጊዲዴ ጌሻ ቃላን ካሴ ኤጫ ጫቁዋ ጊዶን ዴዒያ ቃላ ዎጋ ኡባን ኣማኒያዋንታ። ሳዱቃዋናቱ #3፡7 ሳዱቃዋናቱዋ፥ ጉሳይ ኣዪሁዳ ኣሳቱዋ ካሌያ ኣሳቱዋ ጊዶፔ ጊዲዴ ጌሻ ቃላን ካሴ ኤጫ ጫቁዋ ጊዶን ዴዒያ ቃላ ዎጋፔ ሙሴ ፃፌዳ ኮይሮ ኢቼሹ ማፃፋቱዋ ጊዶን ዴዒያ ዎጋቱዋ ፃላላን ኣማኒያዋንታ። ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ? 8ሲሚ ሂንቴ፥ ሂንቴንቱ ናጋራፔ ሲሜዳዋ ኤሪሲያ ኦሱዋ፥ ኦቴ። 9ሂንቴ ሂንቴንቱ ዎዛናን፥ ‹ኣብራሃሜ ኑ ኣባ› ጊዴ ቆፒያዋ ሂንቴው ማላቶፖ። ኣዪሲ ጎፔ፥ ታኒ ሂንቴንቱሲ ኦዳይ፤ ፆሳይ ሃ ሹቻቱዋፔ ኣብራሃሞሲ ናና ኡዲ ዴንናው ዳንዳዬ። 10ቤፂ ሚ ፃጱዋን ቃንፃናው ጊጊ ኡቴዳ፤ ሎዖ ኣይፊያ ኣይፌና ሚ ኡባይ ቃንፄቲዴ፥ ታማን ዬጌታና።
11«ሂንቴ ሂንቴንቱ ናጋራፔ ሲሚያዋ ቤሳናው፥ ታኒ ሂንቴና ሃን ፃማቃይ፤ ሺን ታፔ ጉዬና ዪያዌ፥ ሂንቴንታ ጌሻ ኣያናኒኔ ታማን ፃማቃና። #3፡11 ጌሻ ኣያናኒኔ ታማን ፃማቃና፥ ጉሳይ ዬሱሲ ዪዴ ኣሳ ጋርሳ ኣያና ኣሳቴ ላሚያዋ ታማሪሲያዋ። ኢ ታፔ ዳሮ ሚኔ፤ ኣ ጫማ ቶካናዉካ ታኒ ቤሲያ ኣሳ ጊዲኬ። 12ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ።
ዬሱሲ ፃማቄቴዳ
(ማር 1፡9-11፤ ሉቅ 3፡21-22)
13ዬሱሲ ሄ ዎዴ ዮሃኒሳን ፃማቄታናው፥ ጋሊላፔ ዮርዳኖሳ ጌቴቲያ ሻፋ ኣኮ ቤዳ። 14ሺን ዮሃኒሲ፥ «ታኒ ኔናን ፃማቄታናው ቤሲያ ዎዴ፥ ኔኒ ታኮ ያይ?» ያጊዴ፥ ኣ ዲጋናው ኮዬዳ።
15ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
16ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤ 17ቃሲ ሳሉዋፔ፥ «ታኒ ሲቂያ፥ ታና ናሼቺያ፥ ታ ናዓይ ሃዋ» ያጊያ ቃላይ ዬዳ። #ዶም 22፡2፤ ማዝ 2፡7፤ ኢሳ 42፡1፤ ማት 12፡18፤ 17፡5፤ ማር 1፡11፤ ሉቅ 9፡35
Šiuo metu pasirinkta:
ማቶሳ 3: dwrENT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2011, Wycliffe Bible Translators, Inc. All rights reserved.
Sužinoti daugiau apie Ooratha Caaquwaa