San Mateo 3
3
KU TOJ LAJ METKO' A BA' KU BIN U METIK A JESÚS
(3.1—4.13)
Juan a ku but'ik ja' a winiko' ku tsikbʌtik u t'ʌn a K'uj
(Mr. 1.1-8; Lc. 3.1-9,15-17; Jn. 1.19-28)
1A layo' u k'inio' a Juan a ku but'ik ja' a winik, bini u tsikbʌte u t'ʌn K'uj yok'o u lu'mi tu mʌnʌ' nukuch che' woro tikin lu'm yʌn a tiʌ yok'o u lu'mi Judea. 2Y yok'o u tsikba bex ku yei'k: «¡Sute'x a t'ʌne'x ti' K'uj, ka wirke'x ya xok'i a tu ku wesintik K'uj a tiʌ kʌ'!»
3A Juan lʌji' a to'o tu ya'a K'uj ti' a profeta Isaías uchik:
«Ti' yʌn mok tʌn u k'ʌ'm abot
yok'o u lu'mi tu mʌnʌ' nukuch che' woro tikin lu'm yʌn, bex ku yei'k:
“Ki mete'x u ber ak Ts'uri;
ki tajkote'x u beri tuku bij k'uchu.”»
4A Juan u bukimʌ u nok' lʌji' u yot'e a camello, u k'ʌxmʌ nok' yok'o u jʌ'mne a menʌ' u yot'e bʌk'; a u yo'ch lʌji' aj nukuch sak' yete kab. 5Tari u yuo' a tsikba a Juan tu woro u winki Jerusalén y u kʌjta u lu'mi Judea y tu woro a mok kʌjʌ' xok'o yok'o u uk'un a Jordán. 6A Juan tu but'a a winiko' ix ja' yok'o a uk'un u k'aba' Jordán a to'o tu tsikbʌto' u k'ebo' y tu suto' u t'ʌno' ti K'uj.
7Chen a Juan ka tu yira ne pim u winiko' a judíos a ku ya'batio' fariseos y a saduceos tʌn u taro' ti' u but'a ix ja' tio', tu ya'tio': «¡A teche'x mo' pajtie'x bex a kʌno'! ¿Mok tu ya'a ja' puts'e'x ti' a ku bin tar u ts'iki K'uj? 8Mete'x tsoy ba' ti' u yira' taj jach k'axe'x a tuku ti' K'uj, 9y ma' wei'ke'x yete a boje'x; “A to'o lʌji' u tio' u ka' ti'aro' a Abraham”, ki wei'k teche'x, o K'uj u k'at toj jeu' waysik a jeo' a tunich u ka' ti'o' u ti'aro' a Abraham. 10Y bexi' toj ti'ʌ u bati ti' u ch'ʌka' a che', y tu woro a che' a muj ki' ichʌnkʌj, ku xat'a' y ku pura' ix k'ak'. 11A ten toj ja'ri' yete ja' kin but'ke'x ti' a sutke'x a t'ʌn ti' K'uj, chen a juntu ku bij tar, a ti' ku bin u turse'x yete u muk' u Pixʌn K'uj y yete k'ak'. A ti' lʌji' más ne chich u muk' y ten kin wi'k in bʌj ne mo' jach tsoyen ti' in ch'eik u pex xʌnʌ'. 12A mok ku ta pachi, bi u jʌtse a winiko' a to'o tsoy u tuku y a to'o mo' pati', a to'o tsoy u tuku bi u bise ix kʌ', a mo' pati' bi u pure yok'o k'ak' a muj naj tu'pu.»
A Jesús ku but'a ix ja'
(Mr. 1.9-11; Lc. 3.21-22)
13Jesús jok'i ix Galilea ij bini ix a uk'un u k'aba' Jordán tiu but'a ix ja' ten a Juan. 14Chen a Juan mu k'at u but'ik ix ja' a Jesús, y bex tu ya'ti':
—Mo' ten yʌnti' in butkech ix ja', ¡tech ka bin a but'en ix ja'!
15Chen Jesús tu nuka ti':
—P'ʌte bex beje', bex lay tsoy ak metik, a ba' ti' K'uj u k'at a metik.
Y bex a Juan ketchʌ u yor. 16Chen kaj ts'oki u but'a ja' a Jesús y kaj jok'i yok'o ja', je'chʌj a kʌ' y tu yira u Pixʌn K'uj tʌn u yeme yok'o a Jesús bex aj uk. 17Y ua' jump'e t'ʌn ti' u tar ix kʌ' ku yei'k: «A je' lʌji' in jach ti'a, a mok ne jach otsi in wirik, jari ti' ku jach tsoykintik in wor.».
Šiuo metu pasirinkta:
San Mateo 3: PLacNaha
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Sociedad Biblica de México AC