युहनाल 2
2
काना नाटेना मरमिंगतिगा येसुना पहलेटा चमत्कार
1तिसरो दिया गलील जिल्लाता काना पोरोयता नाटेनिगा उन्दि मरमिंग मता। अनि येसुना अवहारि वने अगा मता। 2येसुन अनि ओनोर चेलालोरकुन वने ओद मरमिंग केयस मतोर। 3अगा अंगुरता जोमा मारत असके “ओरा हेरेटा अंगुरता जोमा मारतु” इन्जोर येसुना अवहारि ओन इतु। 4येसु अदेन इतुर, “हे बायि इद निमा नाकुन बाक्या इन्दिला आतोन? नावा बुतो सुरु कियाना बेरा इदेकवनाह वायोय।” 5“बातालायि ओर मिकुन इनिर अदामे कियाकिट” इन्जोर ओना अवहारि दास लोरकुन इतु। 6अगा यहुदि लोकुरा रिवाज अनुसार सापसफायिता उपयोग कियान साटि कलदांग सारुंग हजोर अळकांग#२:६ यहुदि लोकुरा रिवाजते कलदा अळका मता। निहच मतोरक, ओव उन्दि हजोर अळकातिगा सारुंग सात गोबांग एर निंद परिन्ता। 7येसु ओरकुन इतुर, “अळकातिगा एर निहाट।” ओरक अळकातुन एरते पुरा निहचितुरक। 8असके ओर ओरकुन इतुर, “इदेन टन्स इदेक मरमिंग गाटो मन्डाता मुक्यानिके ओम्ट”, अनि ओरक ओतुरक। 9ओद बगडाल वातु इन्जोर एर टन्स मतोर ओरक दास लोकुरकुन तासि बोरे पुनोर आतुरक। मति अंगुरता जोमा आस मता ओद एर मुक्याल मानेय नाकस हुळतुर असके ओर दुलान केयसि ओन इतुर, 10“सबोय लोकुरक मुने सोबाय अंगुरता जोमा हिन्तोरक अनि बसके लोकुरक उन्जि अवकेमान्तोर असके पजा अंगुरता पिको जोमा हिन्तोरक मति निमा ते इदेकवनाह सोबाता अंगुरता जोमा इरतोन।” 11येसु गलील जिल्लाता काना नाटेनिगा आपुना पहले चमत्कार तोहच आपुना लाव प्रगट कितुर अनि ओनोर चेलालोरक ओनागा विस्वास कितुरक।
12इदेना पजा ओर, ओना अवहारि अनि ओनोर तमोलोर अनि ओनोर चेलालोरक कफरनाहुमतिगा हतुरक अनि ओर हुचुक दियांग अगा मतोरक#मत्ति ४:१३ ।
येसु मन्दिरतिगाडाल मोमवालोरकुन बाहरो पचिहच हिन्तोर
(मत्ति २१:१२-१३; मर ११:१५-१७; लूका १९:४५-४६)
13यहुदि लोकुरा पसहा हारिता हनुम हेरे वास मता इन्जोर येसु येरुसलेम हतुर#निर १२:१-२७ । 14ओर मन्दिरता डुवारतिगा कोन्दांग, बोकडाह, परेवांग मोमवालोरक अनि डबुंग अदला बदला केवालोर उदितोर हुळतुर 15असके ओर मोरोसता सोटा बनेकिस सबोय कोन्दांग बोकडाहकुन मन्दिरता डुवारतिगाडाल बाहरो पुळसितुर अनि डबुंग अदला बदला केवालोरा डबुनुंग हरचितुर अनि टेबलनुंग मिळिचितुर। 16अनि परेवा मोमवालोरकुन इतुर, “परेवाहकुन इगाडाल ओम्ट! नावोर बाबोना मन्दिरतुन मोमवालोरा लोन बनेहकेमाट।” 17असके “निया प्रार्थना लोन साटि नना हायिला वने तयार मन्तोना” इन्जोर पवित्र पुस्तकतिगा कोटता ओद पोल्लो चेला लोकुरकुन आटवन वातु#भज ६९:९। 18येहुदि अदिकारि लोकुरक ओन इतुरक “निकुन इद बुतो कियाना अदिकार मन्ता इदाम वेहान साटि निमा माकुन परमेस्वरनिकेडाल बोद चिन्हातुन तोहकि।” 19“इद प्रार्थना लोतुन मुटिहचिम्ट अनि नना इदेन मून्ड दियाने निपिहचिका” इदाम येसु ओरकुन उत्तर हितुर#मत्ति २६:६१; २७:४०; मर १४:५८; १५:२९ । 20“इद प्रार्थना लोतुन बनेहकियाला चेचाळिस वरसांग लाकतुंग, अनि बाताल निमा अदेन मून्ड दियाते असा बदाम तयार किसिकि?” इदाम येहुदि अदिकारि लोकुरक इतुर। 21मति ओर मन्दिरता बारेते वळकस मतोर ओद पोल्लो ओना आपुना मेन्दुलता बारेते मता। 22ओर इदाम इन्ज मतोर इन्जोर ओर हातोरिगाडाल जिवेमातुर असके ओनोर चेलालोरकुन आटवन वात अनि ओरक पवित्र पुस्तकतिगा कोटता पोल्लो अनि येसु इन्ज मतोर ओद पोल्लोता बारेते ओर विस्वास कितुरक।
येसु मानेयना मन्दुन पुन्तोर
23पसहा हनुमता बेरा येसु येरुसलेमतिगा मतोर असके पकाय लोकुरक ओर कितोर चमत्कारकुन हुळस ओनागा विस्वास किन्दुरक। 24मति येसु ते ओर सबोय लोकुरकुन पुन्दुर इन्जोर ओरागा विस्वास केवोर आन्दुर। 25मानेयना मन्दे बाताल मन्ता ओद पोल्लोतुन ओर आपुनाय पुन्दुर इन्जोर मानेयना बारेते बोदायि गवाहि बोने हेविर इदाम ओन जरुरि हिले आस मता।
Šiuo metu pasirinkta:
युहनाल 2: fmu
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© (Active) Wycliffe Bible Translators, Inc. All rights reserved.